ИИВ TikTok платформасидаги видеолар муаллифларини фуқароларнинг осойишталиги ва жамиятда юриш-туриш қоидаларини бузиш майда безорилик ҳисобланиши ва қамоқ билан жазоланиши ҳақида огоҳлантирди. Ота-оналарга мурожаат қилиб: «Фарзандларингизни назорат қилинг. Ёшлигидан талтайтириб, кейин афсусланиб юрманг», дея қайд этди.
Қуйи палата депутати Дониёр Ғаниев энергия инқирози даврида уйини исита олмаган, фаровон ҳаётини таъминлашга имконияти бўлмаган одамларга ислоҳотларнинг нима кераги бор, деган саволни ўртага ташлади. У бунда айбдор раҳбарлар истеъфоси энг мақбул йўл эканини қайд этди. «Аслида демократик давлатларда бундай инқирозлар ортидан раҳбарлар ўз ихтиёри билан истеъфо беради», — деди депутат.
Президент Шавкат Мирзиёев «Фориш» тоғ полигонига ташриф буюриб, унинг янгиланган инфратузилмаси ва Мудофаа вазирлиги қўшинларининг жанговар тайёргарлиги билан танишди.
Ўзбекистоннинг айрим ҳудудларида ичимлик суви ва оқова сув хизматлари (сув ҳисоблагичи борлар учун) нархлари 1,5−3 бараваргача оширилди. Навоий вилоятида энг юқори тарифлар қайд этилмоқда.
Халқаро «Оскар» мукофотига Ўзбекистон номидан номзод сифатида танланган «Фариданинг икки минг қўшиғи» фильми вақтида тақдим этилмагани учун иштирокчилар рўйхатидан олиб ташланди. Фильм продюссери уни Ўзбекистон «Оскар» қўмитасига ўз вақтида топширганини маълум қилди. «Ўзбеккино» матбуот котиби фильм ҳали «Оскар»да иштирок этиш имконияти борлигини таъкидлади.
Пойтахтдаги Шайхонтоҳур туманида ноқонуний диний таълм берувчи хужра аниқланди. Унда таълим олаётган вояга етмаган болалар ўқлов билан урилган. Ота-оналар ўз фарзандларининг таълими учун 150−200 доллар пул тўлашган.
Шу кунга қадар Самарқанд вилоят мактабгача таълим бошқармаси бошлиғининг биринчи ўринбосари лавозимида фаолият кўрсатган Дилфуза Азизова Самарқанд тумани ҳокими ўринбосари лавозимига тайинланди.
Ҳафтанинг ўрталарида ҳаво ҳарорати бироз пасаяди, Тошкент вилояти ва мамлакат шарқидаги тоғли ҳудудларда ёмғир ва қор ёғиши мумкин. Жума куни кундузи ҳаво +15 даражагача исийди.
Ўзбекистонда психология фанини ўрганишда йўл қўйилаётган камчиликлар, психологиянинг ўқитувчиларни тайёрлашдаги ўрни ва бошқа соҳаларга таъсири тўғрисида тиббий психолог Абдуллажон Бегматов мақоласида.
Жиззахдаги кўп қаватли уй қулашининг сабабларини ўрганиш мақсадида Ҳукумат комиссияси тузилди. Унга бош вазирнинг биринчи ўринбосари Очилбой Раматов раҳбарлик қилади. Бинони «Чорвадор-Қоракўл-Барака» МЧЖ қургани маълум бўлди.
Наманган «Пахталикўл» сув узатиш иншоотида фавқулодда носозлик содир бӯлди. Натижада вилоятнинг 10 дан ортиқ маҳаллалари ичимлик суви таъминотидан узилди.
Сув қувурларидан бирида юзага келган авария Андижон шаҳри, Олтинкўл ва Андижон туманининг 20 дан ортиқ маҳаллаларида сув таъминоти вақтинча тўхтатган. Аҳолининг ичимлик суви таъминоти 12 январь куни тикланиши режалаштирилмоқда.
Халқ таълими вазирлиги коронавирусга чалинишдан қўрққан ва уйида кексалар ёки сурункали касалликка чалинганлар бўлган ўқувчиларга масофадан ўқишда давом этишга рухсат берди. Аввалроқ учинчи чоракдан тўлиқ анъанавий таълимга ўтилиши хабар қилинган эди.
Бухоро шаҳрида асфальт маҳсулоти юкланган юк машинаси эркак устига ағдарилиб кетиб, босиб қолган. Маҳаллий аҳолининг маълум қилишига кўра, ҳодиса мазкур ҳудудда қазиш ишлари олиб борилиб, йўлнинг юзаси фақат қўмилгани ва мўрт бўлиб қолгани сабабли юзага келган.
Тўрақўрғон туманида газ қуйиш шохобчасига кириш учун навбатда турган «Дамас»да ёнғин юзага келди. Ёнғин натижасида тан жароҳати олганлар йўқ. Ҳодиса сабаблари ўрганилмоқда.
Газ шохобчасида навбатда турган 1952 йилда туғилган фуқаро «Жигули» автомашинасини суриб, ҳаракатлантиришга уринган вақтида, тўсатдан йиқилиб, вафот этган. Ижтимоий тармоқ фойдаланувчилари унинг машинаси навбатда узоқ тургани боис музлаб қолган дейишмоқда.
Жиззахда қурилаётган кўп қаватли уйнинг бир қисми қулаб тушди. Жабрланганлар ва ҳалок бўлганлар йўқ.
Тошкентда «Электрон поликлиника» ахборот тизими жорий этилган тиббиёт муассасалари сони 88 тага етди. Шу билан бирга, «Ягона тез тиббий хизмат» тизими ёрдамида фуқаролар мурожаатларини қабул қилиш вақти икки баробарга қисқарган.
Ўзгидромет бош директори Шерзод Ҳабибуллаев 2021 йилдан гидрометеорология маълумотларини сотиб олиш жараёнига ўтилишини маълум қилди. Қолаверса, хавфли зона ва ҳудудларни картада кўрсатувчи янги геопортал тизими ишга туширилиши айтилди.
Учинчи чоракдан барча мактабларда ўқув жараёнлари тўлиқ анъанавий шаклга ўтказилади. Халқ таълими вазирлиги ўқувчиларнинг 90 фоиздан ортиғи аллақачон анъанавий таълимга қайтганини маълум қилди.
Қўшимча имкониятларга эга булиш учун сайтда рўйхатдан ўтинг