Жамият

7 апрель 2021, 12:17

Тошкентда ташқи реклама объектларига мораторий эълон қилинди

Тошкент шаҳрида ташқи реклама объектларини жойлаштириш, ўрнатиш, ўзгартириш ва паспортларининг берилишига мораторий эълон қилинди. Ушбу тақиқ 1 апрелдан 31 декабрга қадар амал қилади ва у ташқи реклама конструкцияларида жойлашган рекламага тааллуқли эмас.

7 апрель 2021, 12:13

17 майдан «Ҳаж» ва «Умра» сафарига рухсат берилиши мумкин — Дин ишлари бўйича қўмита

Дин ишлари бўйича қўмита раисининг биринчи ўринбосари Музаффар Камилов 17 май санасидан «Ҳаж» ва «Умра» сафарларига рухсат берилиши мумкинлигини қайд этди. У сафар масаласи Саудия Арабистонидаги эпидемиологик вазият барқарорлашишига боғлиқлигини қўшимча қилди.

7 апрель 2021, 11:41

Тошкентдан Москвага мунтазам авиақатновлар ҳар шанба куни

Uzbekistan Airways 2021 йилнинг апрель ойидан бошлаб, ҳар шанба куни Тошкент — Москва — Тошкент йўналиши бўйича мунтазам авиақатновлар қайта жорий этилиши ҳақида хабар берди.

7 апрель 2021, 11:32

Мактаблардаги муаммоларни юзимизга солиш ўрнига, ёрдам берадиган раҳбарлар кўпаяверсин — халқ таълими вазири

Шерзод Шерматовнинг таъкидлашича, мактаблардаги муаммоларни ҳал этиш ўрнига, «баъзилар ўзини кўрсатишга ҳаракат қилишдан нарига ўта олмаяпти». У президент топшириқларини тўғри тушунган раҳбарлар бюджетдан ташқари маблағларни топиб, мактабларга ёрдам беришга ҳаракат қилишини айтди.

7 апрель 2021, 11:16

Туризм ва спорт вазирлиги ҳузурида Маданий мерос агентлиги ташкил этилди

Маданият вазирлиги ҳузуридаги Маданий мерос департаменти ва хориждаги Ўзбекистон маданий бойликларни ўрганиш маркази асосида Маданий мерос агентлиги ташкил этилди.

7 апрель 2021, 09:47

Ўзбекистонда 2021 йилнинг биринчи чорагида 9213 та ажрим қайд этилди

Ўзбекистонда 2021 йилнинг биринчи чорагида 9213 та ажрим қайд этилди. Статистик маълумотларга қараганда, энг кўп ҳолат Тошкент шаҳрида, энг кам кўрсаткич эса Қорақалпоғистонда рўйхатга олинган.

6 апрель 2021, 18:39 2

Ўзбекистонда 1 км йўлни қуриш нархи 950 минг долларни ташкил этади — Абдураҳмон Абдувалиев

Ўзбекистонда 1 км йўлни қуришнинг энг қиммат нархи 950 минг долларни ташкил этиши маълум қилинди. Мазкур нархга ўтиш йўлаклари, лотоклар ва бошқаларни таъмирлаш ҳамда ўрнатиш ҳам киради. «Лекин дунёда ҳеч ким бунақа суммада йўл қурмайди», — деди Автомобиль йўллари давлат қўмитаси раиси.

6 апрель 2021, 16:09

Ёшлар иттифоқи раиси Сергели тумани ҳокимининг биринчи ўринбосари бўлди

Акмал Жумабоев Тошкент шаҳар Сергели тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланди. У бунга қадар Ўзбекистон ёшлар иттифоқи Марказий Кенгаши раиси сифатида фаолият олиб борган.

6 апрель 2021, 14:56

Тошкентда авиачипта сотувчи операторлар 130 минг долларни талон-торож қилишди

Тошкентда авиачипта сотувчи операторлар авиачипталар сотувидан тушган 771,2 млн сўм ва 58,7 минг АҚШ долларини кирим қилмасдан талон-торож қилишганликлари аниқланган.

6 апрель 2021, 12:19 1

Аҳолини ичимлик суви билан таъминлаш учун ажратилган 493 млн сўм талон-торож қилинди

Тошкент вилоятидаги 3 та шаҳар ва 3 та туман аҳолисини тоза ичимлик суви билан таъминлаш учун ажратилган 500 млнга яқин пул маблағлари талон-торож қилингани аниқланди.

6 апрель 2021, 09:54

Тошкентда 5 та автомобиль иштирокида ЙТҲ содир бўлди

Миробод туманида Lacetti, Toyota, Spark, Malibu ва Nexia автомобилларининг тўқнашуви содир бўлди. Nexia ҳайдовчисига тиббий ёрдам кўрсатилган.

5 апрель 2021, 23:30

Сенатор қурол тўғрисидаги қонунчиликда мавжуд «ҳуқуқий бўшлиқ»ни маълум қилди

Сенатнинг мудофаа ва хавфсизлик масалалари қўмитаси «ҳуқуқий бўшлиқ"лар мавжуд бўлган қурол тўғрисидаги қонунчиликка ўзгартиш киритишни кўриб чиқмоқда, дея қайд этди сенатор Фарҳод Боқиев. Қурол ва ўқ-дорилар муомаласи устидан давлат назорати функцияларини Миллий гвардиядан ички ишлар органларига ўтказиш, қолаверса, ўқотар бўлмаган қурол муомаласи қоидаларини бузиш учун жавобгарлик белгилаш кўзда тутилмоқда.

5 апрель 2021, 20:42 1

Қонликўлда боғча опалар намойиш ўтказгани юзасидан маълумот берилди

Уч йил давомида қарийб 400 млн сўмлик молиявий хато-камчиликларга йўл қўйган Қонликўлдаги 1-ДМТТ директори суд томонидан лавозимига қайта тикланган. Бундан норози бўлган тарбиячилар намойиш ўтказди. Қорақалпоғистон Мактабгача таълим вазирлиги боғча мудирасини қайтадан лавозимидан четлаштирди.

5 апрель 2021, 19:30

Собиқ бош инфекционист Гулжаҳон Юлдашевага суд ҳукми ўқилди

Тошкент вилоят юқумли касалликлар шифохонасининг собиқ бош шифокори Гулжаҳон Юлдашевага нисбатан қарийб 3,5 йилга озодликни чеклаш жазоси тайинланди.

5 апрель 2021, 17:33 2

Тошкентда ИИБда сўроқ қилингандан сўнг вафот этган фуқаро юзасидан расмий муносабат билдирилди

Тошкентнинг Юнусобод туманида кечки пайт 3 нафар фуқаро ИИБга сўров учун олиб келинган. Фуқаролар қўйиб юборилгандан кейин тахминан 6 соатлардан сўнг улардан бирининг мурдаси топилган. Суд-тиббиёт экспертизасида марҳумнинг бир нечта касалликлари бўлгани аниқланди.

5 апрель 2021, 16:18

Ҳокимликдаги машиналар четдан келадиган меҳмонлар учун керак — Шавкат Aбдураззоқов

Наманган вилояти ҳокими Шавкат Aбдураззоқов ҳокимликдаги қимматбаҳо машиналар четдан келадиган меҳмонлар учун кераклигини таъкидлади. У бу орқали кўплаб инвестициялар келиши мумкинлигига урғу қаратди.

5 апрель 2021, 16:00

Тошкентда иситиш мавсуми 7 апрелдан якунланади

Пойтахт ҳокимининг қарорига мувофиқ, 7 апрелдан Тошкентда иситиш мавсуми якунланади.

5 апрель 2021, 15:52

Навоийда 150 минг долларга ерни ноқонуний сотмоқчи бўлган мансабдор шахс ушланди

Навоий шаҳрида ўзига тегишли бўлмаган 200 кв/метр ер майдонини 150 минг AҚШ долларига сотмоқчи бўлган мансабдор шахс қўлга олинди. Унга нисбатан жиноят иши очилди.

5 апрель 2021, 15:13

Ҳафта давомида об-ҳаво илиқ бўлади

Ўзбекистонда ҳафта давомида республиканинг шимолий ҳудудларига Эрон ҳудудларидан илиқ ва қуруқ ҳаво массалари кириб келиши, бунинг оқибатида об-ҳаво ёғингарчиликларсиз бўлиши кутилмоқда. Ҳаво ҳарорати марказий, шарқий ҳудудларда кундузи 23−26° илиқгача, шимолда ва жанубда 27−32° илиқгача кўтарилади.

5 апрель 2021, 15:05

Интернетдаги негатив фикрлар бекорчиликдан келиб чиқади — Наманган вилояти ҳокими

Наманган вилояти ҳокими Шавкат Aбдураззоқов интернетда ёзиладиган негатив фикр-мулоҳазалар бекорчиликдан келиб чиқишини айтди. У контейнерда яшаётган жойда инсонлар Facebook ва интернет нималигини билмаслигини таъкидлади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг