Жамият

11 январ 2021, 12:43

Андижондаги сув қувурида юзага келган авария 20 дан ортиқ маҳалланинг сув таъминотини тўхтатган

Сув қувурларидан бирида юзага келган авария Андижон шаҳри, Олтинкўл ва Андижон туманининг 20 дан ортиқ маҳаллаларида сув таъминоти вақтинча тўхтатган. Аҳолининг ичимлик суви таъминоти 12 январь куни тикланиши режалаштирилмоқда.

11 январ 2021, 12:38

Мактабларда тўлиқ анъанавий таълимга қайтиш ортга сурилди

Халқ таълими вазирлиги коронавирусга чалинишдан қўрққан ва уйида кексалар ёки сурункали касалликка чалинганлар бўлган ўқувчиларга масофадан ўқишда давом этишга рухсат берди. Аввалроқ учинчи чоракдан тўлиқ анъанавий таълимга ўтилиши хабар қилинган эди.

11 январ 2021, 11:47

Бухорода ободонлаштириш ходими устига юк машинаси ағдарилди

Бухоро шаҳрида асфальт маҳсулоти юкланган юк машинаси эркак устига ағдарилиб кетиб, босиб қолган. Маҳаллий аҳолининг маълум қилишига кўра, ҳодиса мазкур ҳудудда қазиш ишлари олиб борилиб, йўлнинг юзаси фақат қўмилгани ва мўрт бўлиб қолгани сабабли юзага келган.

11 январ 2021, 10:06

Наманганда газ учун навбатда турган «Дамас» ёниб кетди (видео)

Тўрақўрғон туманида газ қуйиш шохобчасига кириш учун навбатда турган «Дамас»да ёнғин юзага келди. Ёнғин натижасида тан жароҳати олганлар йўқ. Ҳодиса сабаблари ўрганилмоқда.

10 январ 2021, 22:57 1

Наманганда газга навбатда турган фуқаро вафот этди

Газ шохобчасида навбатда турган 1952 йилда туғилган фуқаро «Жигули» автомашинасини суриб, ҳаракатлантиришга уринган вақтида, тўсатдан йиқилиб, вафот этган. Ижтимоий тармоқ фойдаланувчилари унинг машинаси навбатда узоқ тургани боис музлаб қолган дейишмоқда.

10 январ 2021, 20:09

Жиззахда қурилиши битмаган кўп қаватли уйнинг бир қисми қулаб тушди

Жиззахда қурилаётган кўп қаватли уйнинг бир қисми қулаб тушди. Жабрланганлар ва ҳалок бўлганлар йўқ.

9 январ 2021, 23:50

Тошкентдаги 88 та тиббиёт муассасасида «Электрон поликлиника» ахборот тизими жорий этилди

Тошкентда «Электрон поликлиника» ахборот тизими жорий этилган тиббиёт муассасалари сони 88 тага етди. Шу билан бирга, «Ягона тез тиббий хизмат» тизими ёрдамида фуқаролар мурожаатларини қабул қилиш вақти икки баробарга қисқарган.

9 январ 2021, 23:33

2021 йилдан гидрометеорология маълумотларини сотиб олиш жараёнига ўтилади — Шерзод Ҳабибуллаев

Ўзгидромет бош директори Шерзод Ҳабибуллаев 2021 йилдан гидрометеорология маълумотларини сотиб олиш жараёнига ўтилишини маълум қилди. Қолаверса, хавфли зона ва ҳудудларни картада кўрсатувчи янги геопортал тизими ишга туширилиши айтилди.

9 январ 2021, 20:25

11 январдан барча мактаблар анъанавий таълимга қайтади

Учинчи чоракдан барча мактабларда ўқув жараёнлари тўлиқ анъанавий шаклга ўтказилади. Халқ таълими вазирлиги ўқувчиларнинг 90 фоиздан ортиғи аллақачон анъанавий таълимга қайтганини маълум қилди.

9 январ 2021, 13:31

Хотин-қизларни ижтимоий қўллаб-қувватлаш бўйича вақтинчалик тартиб жорий қилинади

Ҳукумат қарори билан Хотин-қизларни ижтимоий қўллаб-қувватлаш бўйича вақтинчалик тартиб жорий қилинмоқда. Унга кўра, «Аёллар дафтари» киритиладиган хотин-қизлар тоифалари ҳамда уларга ёрдам кўрсатиш тартиби ва муддатлари белгиланмоқда.

9 январ 2021, 12:22 1

2020 йилда Ўзбекистонга 1 млн 504 минг хорижий турист ташриф буюрган

2020 йилда Ўзбекистонга 1 млн 504 минг хорижий турист ташриф буюрган бўлса, маҳаллий 1 млн 800 минг фуқаронинг сайёҳати таъминланган. Бош вазир ўринбосари Азиз Абдуҳакимов 2020 йил натижаларини таҳлил қилиб, 2021 йилдаги аниқ режалар ҳақида маълумот берди.

9 январ 2021, 11:36

Иккита компания ноқонуний равишда этил спирти ва «Меновазин» ишлаб чиқараётгани аниқланди

Smart medical pharm ва Billur Medical Trade 70 фоизлик этил спирти ҳамда «Меновазин» маҳсулотларини ноқонуний йўллар билан ишлаб чиқармоқда. Фармацевтика тармоғини ривожлантириш агентлиги маълумотларига кўра, улар дори воситаларини ишлаб чиқариш ҳуқуқига эга бўлган лицензиатлар реестрига киритилмаган.

9 январ 2021, 10:30

Нима тайёрлаймиз: ҳар кунлик иссиқ таомлар рўйхати

Zira.uz ҳатто оғир иш кунидан кейин ҳам тайёрласа бўладиган оддий иссиқ таомлар рўйхатини тақдим этади.

9 январ 2021, 09:45

«Хоразм ҳудудий электр тармоқлари» бош директори пора олганликда гумонланиб, қўлга олинди

«Хоразм ҳудудий электр тармоқлари» АЖ бош директори Муратбай Базаримбетов пора олганликда гумонланиб, қўлга олинди. Иддао қилинишича, у тадбиркордан газ станциясини электр тармоғига улаш учун 20 минг доллар сўраган.

8 январ 2021, 19:17

1115 та аҳоли пункти жамоат транспорти билан қамраб олинмаган — Илҳом Маҳкамов

Транспорт вазири вазифасини бажарувчи Илҳом Маҳкамов жамоат транспортидаги бир қатор муаммолар, жумладан, 1115 та аҳоли пунктига жамоат транспорти етиб бормаганини маълум қилди. Буни ҳал этиш учун 2021 йилда вилоят марказларида жамоат транспортининг бош режаси ишлаб чиқилишини таъкидлади.

8 январ 2021, 19:07

Бизда рўйхатда турибди, лекин аслида ўша маданий мерос объекти йўқ — Озодбек Назарбеков

Маданият вазири Озодбек Назарбеков 2019 йилда маданий мерос объектларини хатловдан ўтказишда ҳокимиятлар йўл қўйган камчилик ва хатолар ҳақида фикр билдирди. «Ҳудуд ҳокимиятлари томонидан кўр-кўрона рўйхат беришлар ёки 20 йил олдинги рўйхатини сандиғидан олиб, бизга шуни тақдим қилган ҳолатлар келиб чиқяпти», — деди вазир.

8 январ 2021, 18:25

Фарғонада «Cobalt» каналга тушиб кетди, 3 киши вафот этган

Фарғона вилоятида «Cobalt» русумли автомашина Фарғона канали чеккасида ўрнатилган бетон тўсиққа урилиб, канал ичига тушиб кетди. Ҳайдовчи ва икки нафар йўловчи вафот этган.

8 январ 2021, 18:13

Қувурларнинг 35 фоизи эскирган, бу сув йўқотилишига сабаб бўлмоқда — Соҳиб Саифназаров

Уй-жой коммунал хизмат кўрсатиш вазирининг биринчи ўринбосари Соҳиб Саифназаров қувурларнинг 35 фоизи эскиргани ва бу сув йўқотилишига сабаб бўлаётганини таъкидлади. Бунга ечим сифатида Жаҳон банки ва Осиё тараққиёт банки ҳамкорлигида лойиҳалар амалга оширилаётганини айтди.

8 январ 2021, 17:23

Наманганда қулаган кўприк юзасидан муносабат билдирилди

8 январь куни Наманган вилоятида қулаган кўприк ҳақида расмий муносабат билдирилди. Унга кўра, ҳодиса оқибатида жабрланганлар ва қурбон бўлганлар йўқ. Ушбу иншоотга давлат бюджетидаги маблағ ажратилмаганлиги ва у хусусий тадбиркор шахсий маблағи ҳисобига қурилганлиги айтилмоқда.

8 январ 2021, 17:01

Тошкентда 31 ёшли аёл пичоқланиб, вафот этди

Тошкент шаҳрида 31 ёшли аёл маст ҳолида танишига «каратэ» услубларини кўрсатгани учун пичоқланди. Фуқаро олган тан жароҳати оқибатида вафот этган.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг