Жамият

12 июн 2021, 13:08

2 мингта оилавий нодавлат боғчалар фаолияти йўлга қўйилади

Президент қарори билан 2021−2022 йилларда болаларни боғча билан қамраб олиш даражаси паст ҳудудларда 2 мингта оилавий нодавлат МТТлар фаолияти йўлга қўйилиши белгиланмоқда. Бунинг натижасида яна 50 минг тарбияланувчи боғча билан қамраб олинади. Оилавий боғчаларни ташкил этувчиларга 30 млн сўмгача 5 фоизли кредит берилади.

12 июн 2021, 12:12 1

«Uzbekistan Airways» чипталари хорижий авиакомпаниялар чипталари нархидан 148 фоизга қиммат — Сенат

Сенат сўровига мувофиқ, Антимонопол қўмита «Uzbekistan Airways» чипталари нархининг қимматлиги сабабларини ўрганиб чиқди. Унга кўра, миллий авиаташувчининг чипталари Россия, Қозоғистон, Туркия авиакомпанияларининг чипталари нархидан 36 фоиздан 148 фоизгача қимматлиги аниқланди. Бунга, рақобат муҳити ривожланмагани, компания арзон авиачипталарни сотувга чиқармагани, қолаверса, таклифни сунъий камайтириш орқали талабни ошириш ва нархни қимматлигича сақлаб қолиш сабаб бўлгани айтилмоқда.

12 июн 2021, 11:12

Ўзбекистон Афғонистонга 1000 та кислород баллонини юборди

Ўзбекистон Афғонистонга шошилинч гуманитар ёрдамни кўрсатди. Қўшни афғон мамлакатига 1000 дона кислород баллонлари юборилди.

12 июн 2021, 10:30

Болалар таомномаси: кичкинтойларга нима тайёрлаймиз

Рангли чучвара, товуқли кабобчалар, музқаймоқ ва печеньелар — Zira.uz болалар учун тайёрласа бўладиган қизиқарли ва мазали таомлар рўйхатини тақдим этади.

11 июн 2021, 20:30

11 июнь куни Ўзбекистонда содир бўлган энг муҳим хабарлар дайжести

USAID миссияси биринчи директорининг Ўзбекистонга етиб келиши, Шавкат Мирзиёевнинг Тожикистонга ташрифининг иккинчи куни, ОТМларга янги ректорлар тайинланиши, Каттақўрғон тумани солиқ инспекцияси бошлиғи ўринбосарининг вафоти — «Газета.uz»нинг 11 июндаги энг муҳим хабарлари дайжестида.

11 июн 2021, 17:37 3

Каттақўрғон тумани солиқ инспекцияси бошлиғи ўринбосари ЙПХ ходимлари томонидан ушланиш вақтида вафот этди

Самарқанд вилояти Каттақўрғон туманида солиқ инспекцияси бошлиғи ўринбосари ЙПХ ходимлари томонидан қўлга олиниш пайтида вафот этди. Ҳуқуқ ҳимоячиси Абдураҳмон Ташановнинг таъкидлашича, инспекторлар унга нисбатан куч ишлатган. Ички ишлар вазирлиги эса солиқчини касалхонага олиб боришга уриниш пайтида соғлиғи кескин ёмонлашганини таъкидламоқда.

11 июн 2021, 16:07

«Маълумотларни тақдим этишни мақсадга мувофиқ эмас деб ҳисоблаймиз» — ИИВ

Ички ишлар вазирлиги Ўзбекистондаги зўравонликка қарши Nemolchi.uz лойиҳасига мамлакатда қийноққа солиш, жисмоний ва руҳий зўравонлик билан боғлиқ моддалар бўйича қўзғатилган жиноятлар сони тўғрисидаги маълумотни беришдан бош тортди. «Сўралган маълумотларни тақдим этишни мақсадга мувофиқ эмас деб ҳисоблаймиз», — дейилади ИИВ жавобида.

11 июн 2021, 14:57

Қозон федерал университети Ўзбекистонда ўз филиалини очади

Жиззах вилоятида Россиянинг энг қадимги университетларидан бири — Қозон федерал университетининг филиали очилади. Тегишли битим душанба куни Қозонда, Ўзбекистон делегациясининг ташриф чоғида имзоланди. Мазкур университетда ҳозирги кунга келиб, 300 та йўналиш бўйича таълим берилади.

11 июн 2021, 14:32

Навоийда 1 гектар ерни 20 минг долларга сотишга уринган шахс қўлга олинди

Навоий вилоятида тадбиркорлик билан шуғулланиш учун 1 гектар ерни 20 минг доллар эвазига олиб бермоқчи бўлган шахс қўлга олингани айтилмоқда. Вилоятдаги яна бир ҳолатда, фермер ўзига тегишли майдондан 6 гектарини 90 млн сўмга пуллашга уринди. Уларга нисбатан жиноят иши очилди.

11 июн 2021, 12:27

2 та ОТМга ректор тайинланди

Баҳодиржон Шермуҳаммадов Фарғона давлат университетига ва Дилноза Ходжаева Қўқон давлат педагогика институтига ректор тайинланди.

11 июн 2021, 12:08

Дам олиш кунлари қуруқ ва ўртача иссиқ об-ҳаво бўлиши кутилмоқда

Дам олиш кунлари республика бўйича асосан қуруқ об-ҳаво сақланиб туради. Фақат республиканинг тоғ олди ва тоғли ҳудудларида баъзи жойларда момақалдироқ билан қисқа муддатли ёмғир ёғиши мумкин. Республиканинг айрим ҳудудларида шамол баъзи жойларда чангли бўрон билан 17−22 м/с гача кучаяди.

11 июн 2021, 11:48

Экология қўмитаси Амударё катта куракбурунининг овланаётгани ҳақидаги хабарларга муносабат билдирди

Экология қўмитасининг маълум қилишича, «Қизил китоб» га киритилган 10 дона Амударё катта куракбурун балиқ турига квота ажратилган. Бироқ, Амударё катта куракбуруни балиқ турини овлашга рухсат бериш бўйича ариза келиб тушмаган ва рухсатнома ҳам расмийлаштирилмаган.

11 июн 2021, 11:08

«Бек барака» бозорида фирибгарликда гумонланган 6 нафар шахс қўлга олинди

«Бек барака» бозорида савдо қилувчилардан шу жойда ишлаши учун ҳар ойда 100 доллар миқдорида товон пули талаб қилиб, шу йўл билан савдо қилувчилардан жами 9 млн сўм миқдорда пул олганликда гумонланган 6 нафар шахс қўлга олинди. Улар савдо қилувчиларга талаб бажарилмаган тақдирда савдо растаси фаолиятини чеклаш билан таҳдид қилишган.

11 июн 2021, 10:50

Самарқандда террористик гуруҳлар сафига қўшилмоқчи бўлган 14 киши ушланди

Самарқандда Сурия ва Яқин шарқдаги террористик ташкилотлар жангарилари сафига бориб қўшилишни режалаштирган 14 нафар шахслардан иборат гуруҳ фаолиятига чек қўйилди.

11 июн 2021, 10:30

USAID миссияси биринчи директори Ўзбекистонга етиб келди

Микаэла Мередит ўтган йили очилган АҚШнинг Халқаро тараққиёт агентлиги (USAID) нинг Ўзбекистондаги миссияси биринчи директори бўлди.

11 июн 2021, 09:50

«Turkish Airlines» Истанбулдан Урганчга илк парвозини амалга оширди

Истанбул — Урганч — Истанбул йўналиши бўйича «Turkish Airlines» авиакомпаниясининг илк парвози амалга оширилди. Эндиликда парвозлар ҳафтада бир маротаба, жума куни бўлишини режалаштирилган.

11 июн 2021, 09:35

Тошкентда Lacetti ҳайдовчиси қизил чироқда тўхтаб турган юк автомобилига урилиши оқибатида вафот этди

Пойтахтнинг Чилонзор туманида Lacetti автомобили светофорнинг қизил чироғида тўхтаб турган юк машинасига урилди. Lacetti ҳайдовчиси олган тан жароҳатлари билан шифохонада вафот этди.

10 июн 2021, 20:30

10 июнь куни Ўзбекистонда содир бўлган энг муҳим хабарлар дайжести

Шавкат Мирзиёевнинг Тожикистонга ташрифи, Ўзбекистонга олиб келинган ваксиналар, автобуслар иштирокидаги ЙТҲлар статистикаси, Жасур Умировнинг озод этилиши, 15 млн сўмга ручка харид қилиниши — «Газета.uz»нинг 10 июндаги энг муҳим хабарлари дайжестида.

10 июн 2021, 18:58 7

«Халқаро нуфузга лойиқ бўлиши шарт». Мудофаа вазирлиги 30 млнлик ручкалар ҳақида

Мудофаа вазирлиги 30 млн сўмлик иккита олтин ручка хариди ҳақидаги хабарга муносабат билдирди. Унда айтилишича, вазирликнинг канцелярия жиҳозларини янгилашга эҳтиёж пайдо бўлган. «Халқаро тадбирларда қўлланиладиган ашёлар халқаро нуфузга лойиқ даражада бўлиши шарт, дея ҳисобланади», дейилади вазирлик хабарида. Бунга қадар, вазирлик вакили англашилмовчилик бўлгани ва вазирлик 15 млн сўмга тилла ручка олишдай дабдабага ўч эмаслигини айтганди.

10 июн 2021, 18:08

Жасур Умировнинг жазоси енгиллаштирилиб, озод қилинди

Хонанда Жасур Умировга нисбатан чиқарилган озодликдан маҳрум қилиш жазоси озодликни чеклаш жазосига ўзгартирилди. У 2 февраль куни вояга етмаган қизни зўрлагани сабаб 5 йилга қамалган эди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг