Жамият

20 апрель 2021, 13:26 1

Қирғизистон аҳолиси Ўзбекистон билан ер алмашиш бўйича келишувлардан норози

Қирғизистоннинг Ўш вилояти аҳолиси расмийларнинг Кампир-Обод сув омбори яқинидаги 50 гектар майдонни Ўзбекистонга бериш режаларига қарши чиқишмоқда. Улар билан учрашган Миллий хавфсизлик давлат қўмитаси раҳбари Қамчибек Ташиев яна музокаралар учун Тошкентга боришга ваъда берди.

20 апрель 2021, 13:19

Тошкентда болалар майдончасида 8 ёшли бола вафот этди

Тошкент шаҳрининг «Водник» даҳасидаги болалар майдончасида 8 ёшли боланинг ўлими бўйича жиноий иш қўзғатилди. Маҳкамланмаган арғимчоқ устуни боланинг устига қулаб тушган. Отасининг таъкидлашича, ободонлаштириш хизмати ходимлари ободонлаштириш ишлари пайтида майдонни тегишли меъёрлар асосида тўсишмаган.

20 апрель 2021, 12:16

Самарқанд туризм салоҳиятининг кўпи билан 5 фоизидан фойдаланаяпмиз — Азиз Абдуҳакимов

Туризм ва спорт вазирининг таъкидлашича, «Самарқанд туризм салоҳиятининг кўпи билан 5 фоизидан фойдаланаяпмиз». Бунинг учун янги аэропорт қурилаётгани ва йилига 1,5 млн йўловчига хизмат кўрсатиши айтилди. Азиз Абдуҳакимов Uzbekistan Airways`нинг қиммат парвозлари муаммоси Самарқанд халқаро аэропортига очиқ осмон мақоми берилиши билан ҳал қилинишини таъкидлади. «Самарқанд халқаро аэропорти очилса, нархлар тушади», — деди у.

20 апрель 2021, 12:13

ИИВ Академиясида икки босқичли олий таълим тизими жорий этилади

Президент қарори билан Ички ишлар вазирлиги Академиясида бакалавриат ва магистратурани ўз ичига олувчи икки босқичли олий таълим тизими жорий этилади. Шу билан бирга, Академиянинг Нукус филиали ташкил этилмоқда.

20 апрель 2021, 11:48

Метрода тўй қилган тиктокерларга нисбатан жазо тайинланди

Тошкент метрополитенида жамоат тартибини бузган ҳолда тўй қилиб, уни ижтимоий тармоқларга жойлаган шахсларга БҲМнинг 4 баробари миқдорида жарима жазоси тайинланди.

20 апрель 2021, 11:40

Тошкент вилоятидаги 14 та мактаб ва 15 та синф карантинга олинди

Тошкент вилоятида 18 та умумий ўрта таълим мактабининг ўқитувчи ва ўқувчилари орасида коронавирус юқтириш ҳолатлари аниқланди. Шу сабабдан туманлардаги бир қатор мактабларда ўқув жараёнлари масофавий шаклга ўтказилди.

20 апрель 2021, 11:22

Тошкентдаги ЙТҲда икки киши вафот этди

Пойтахтнинг Олмазор туманида Nexia-3 қарама-қарши томонига чиқиб кетиб, Matiz билан тўқнашди. Икки киши вафот этди.

20 апрель 2021, 10:59

Тошкент вилоятида 75 минг долларга ер олиб бермоқчи бўлган сохта прокуратура ходими ушланди

Тошкент вилоятида ўзини Бош прокуратура Департаментида ишлашини қайд этиб, Тошкент вилояти ҳудудида 1,5 гектар ер майдони ажратилишида тегишли қарор чиқартириб беришни ваъда қилган ва ҳужжатларни расмийлаштириш эвазига катта миқдорда пул талаб қилган шахс қўлга олинди.

20 апрель 2021, 10:51 3

«Ҳар бир туманнинг раҳбарлари 35−40% ойлигини давлатга тўлашни ўйлаши керак» — президент

«Ҳар бир районни 4 та раҳбари виждони бўлса, вилоят ҳокимига келиб айтиши керак „35−40 фоиз ойлигимни давлатга тўлайман“, деб. Нимага десангиз ҳар бир маҳалла, туманда 15, 20, 30 фоиз фуқаро чет элда юрибди», — деди давлат раҳбари. Маълумотга кўра, Самарқандда 220 минг нафар фуқаро чет элда, 174 минги эса ишсиз.

20 апрель 2021, 10:05

Ўзбекистонда оммавий болалар дегельминтизацияси бошланди

Болаларни оммавий дегельминтизация килиш Бухоро, Қашқадарё, Сурхондарё, Сирдарё, Тошкент ва Фарғона вилоятлари ҳамда Қорақалпоғистон Республикасида бошланди. Тадбир доирасида 6,5 млн бола қамраб олиниши кўзда тутилган.

20 апрель 2021, 09:47

Ёмон шароитдаги Китоб тумани меҳрибонлик уйи директори ва омбор мудири вазифасидан озод этилди

Болалар ёмон шароитда яшаётган, озиқ-овқат маҳсулотларининг сифати ўзгаргани ва чиригани, бетон полдан иборат хоналар захлиги аниқланган Қашқадарё вилояти Китоб туманидаги меҳрибонлик уйи вилоят таълим бошқармаси томонидан ўрганилди. Муассаса директори ва омбор мудири ишдан олинди.

19 апрель 2021, 18:40 5

Жиззахда президентни интернет орқали ҳақоратлаган шахсга нисбатан жиноий иш очилди

Жиззахда Ўзбекистон президентини интернетда ҳақоратлаган шахсга нисбатан жиноий иш очилди. Бахмаллик фуқаро V.K. YouTube ва Facebook тармоқларида президентни ҳақоратлаб, давлат раҳбарининг обрўсига путур етказиш ва камситувчи маълумотларни тарқатганликда айбланмоқда.

19 апрель 2021, 18:05

Коронавирус аниқланган учта ОТМ масофавий таълимга ўтди

Тошкент давлат ўзбек тили ва адабиёти университети, Самарқанд иқтисодиёт ва сервис институти ҳамда Жаҳон иқтисодиёти ва дипломатия университетида COVID-19`га чалиниш ҳолатлари аниқланди. Муассасаларда ўқув жараёни масофавий таълимга ўтказилди.

19 апрель 2021, 18:01

Самарқандда Nexia-3 велосипедчини уриб юборди

Самарқанд шаҳрида Nexia-3 русумли автомобиль велосипедчини уриб юборди. Велосипедчи тан жароҳати билан шифохонага ётқизилган. Ҳолат юзасидан суриштирув ҳаракатлари олиб борилмоқда.

19 апрель 2021, 16:12

Ўзбекистонда болалар орасида коронавирусга чалиниш ҳолатлари кўпаймоқда — ОАВ

Ўзбекистондаги касалхоналарда коронавирус касаллигига чалинган болалар сони кескин кўпаймоқда, улар орасида ўлим ҳолати ҳам қайд этилганлиги айтилмоқда. Зангиотадаги ихтисослашган шифохонада ҳозиргача 400 нафарга яқин бола даволанган.

19 апрель 2021, 15:57

Мирза Азизов 25 кун реанимацияда бўлиб, коронавирус билан курашгани маълум бўлди

Ўзбекистон халқ артисти Мирза Азизов COVID-19 га чалиниб, Зангиота шифохонасига ётқизилгани маълум бўлди. Актёр 25 кун давомида реанимация бўлимида даволанган.

19 апрель 2021, 15:48

Ўзбекистон дипломатик ваколатхоналари Россияда бўлиб туришни қонунийлаштириш учун ёрдам кўрсатади

Россия ҳудудида ноқонуний бўлиб турган хорижий давлат фуқароларига 15 июнга қадар ўз мақомларини қонунийлаштиришга рухсат берилган. Ташқи меҳнат миграцияси агентлиги Россия ҳудудида бўлишни қонунийлаштириш масаласида ёрдам қидираётган фуқароларни Ўзбекистоннинг Россия минтақаларидаги Бош консулхоналарига ҳамда Ташқи меҳнат миграцияси агентлигининг телефон рақамлари орқали мурожаат қилишга чақирмоқда.

19 апрель 2021, 14:09

«Китоб туманидаги 5-сонли Меҳрибонлик уйини тугатиш керак» — Алия Юнусова

Болалар омбудсмани Алия Юнусованинг таъкидлашича, «Китоб туманидаги 5-сонли Меҳрибонлик уйини тугатиш керак». Ўтказилган ўрганишларда озиқ-овқат маҳсулотларининг сифати ўзгаргани ва чиригани, бетон полдан иборат хоналар захлиги, мебеллар эса эскилиги сабаб болалар жуда ёмон шароитда яшаётгани аниқланган. Унинг ўрнида Болалар шаҳарчасини ташкил этиш таклиф қилинмоқда.

19 апрель 2021, 13:26

Иш ҳафтасининг иккинчи ярмида кам булутли ва қуруқ об-ҳаво бўлади

20−21 апрелда Ўзбекистон ҳудудига Каспий денгизи ҳудудларидан нам ҳаво массалари, сўнг Урал ҳудудларидан деярли совуқ антициклон кириб келади. Республиканинг айрим ҳудудларида ёмғир ёғади, момақалдироқ бўлиши мумкин. Иш ҳафтасининг иккинчи ярмида Ўзбекистоннинг барча ҳудудлари бўйича кам булутли ва қуруқ об-ҳаво бўлади.

19 апрель 2021, 12:48

«Карантин қоидаларини бузганларга нисбатан энг қатъий чоралар қўлланилади» — ИИВ

Агар илгари ички ишлар органлари ходимлари карантин қоидаларини бузган фуқароларни огоҳлантириш билан чекланиб қолишган бўлса, энди қоидабузарларга нисбатан энг қатъий чоралар қўлланилади, дейилади ИИВ хабарида. Биргина 18 апрелнинг ўзида Тошкентда карантин қоидаларига риоя қилмаганлик тўғрисида 773 та баённома тузилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг