Жамият

12 ноябр 2020, 12:08

Мобил телефонда олинган йўллардаги қоидабузарликлар учун жарима солинади

Мобил телефонга олинган йўллардаги қоидабузарликлар эндиликда видеорегистраторлар билан тенглаштирилади ва Маъмурий жавобгарлик тўғрисидаги кодексда белгиланган тартибда кўриб чиқилади.

12 ноябр 2020, 12:04

Мактаб директорлари кенгашлар рухсати билан тайинланади

2021 йил 1 январдан бошлаб мактаб директорлари халқ депутатлари кенгашлари билан келишилган ҳолда амалга оширилади. Ҳудудий халқ таълими бошқармаларининг раҳбарлари энди ҳокимларнинг маслаҳатчилари ҳисобланади.

12 ноябр 2020, 11:38

«Велосипедда юраман десангиз, ҳар ўн метрда ариқ учрайди» — Азиз Абдуҳакимов

Туризм бўйича ўтказилган семинарда Азиз Абдуҳакимов кўчалардаги пиёда ва велойўлаклар қониқарсиз аҳволда эканини айтди. «Ёшларимиз, бошқа катта ёшли аҳолимиз ҳам жисмоний машғулот билан шуғуллангиси келади. Лекин жой йўқ», — дея таъкидлади бош вазир ўринбосари.

12 ноябр 2020, 09:53

Президент Қашқадарёга жўнаб кетди

Президент пандемия шароитида Қашқадарёдаги вазиятни ўрганиш мақсадида вилоятга жўнаб кетди.

11 ноябр 2020, 20:16

Йил бошидан буён ОАВ 90 та огоҳлантириш олди

Йил бошидан буён АОКА оммавий ахборот воситаларига 90 та огоҳлантириш юборди. Давлат телеканалларига 20 га яқин хат келиб тушган бўлса, Zo’r TV ва Sevimli каналлари мос равишда 7 ва 5 та огоҳлантириш олган. Газета ва журналлар 29 марта, интернет нашрлари 22 марта огоҳлантирилди.

11 ноябр 2020, 18:30

2021 йилгача болаларни рўйхатга олиш жараёнлари тўлиқ автоматлаштирилади

2021 йил 1 сентябрга қадар туғилганликни қайд этиш, яшаш манзили бўйича доимий рўйхатга қўйиш, бир марталик мукофот пулини ажратиш, поликлиникага жойлаштириш ва боғчага навбатга қўйиш тўлиқ автоматлаштирилади.

11 ноябр 2020, 17:49

90% битирувчилари ОТМга кирган мактаб директорларига пул мукофоти берилади

Битирувчиларининг 90 фоизи ОТМга кирган ёки ишга жойлашган мактаб директорларига ўз ойлигидан ташқари қўшимча равишда 8 млн сўм, ўринбосарига 4 млн сўм миқдорида бир мартталик пул мукофоти берилади. Бундан ташқари, туман бўйича рейтинги энг юқори бўлган мактаб директорларига ҳам молиявий рағбатлар ажратилиши кўзда тутилмоқда.

11 ноябр 2020, 17:44

Қамчиқ довонида кучли қор ёғиши кутилмоқда

Ўзгидромет 12−13 ноябрда Қамчиқ довонида кучли қор ёғиши ва туман тушиши ҳақида хабар берди.

11 ноябр 2020, 15:58

«Сўх воқеалари» бўйича айбланувчилар сони 22 нафарга етди

Май ойида Фарғона вилоятининг Сўх туманида бўлиб ўтган оммавий тартибсизликлар юзасидан суд жараёни бошланди. Айбланувчилар сони 22 нафарга етди, августда улар сонининг олти нафар экани хабар қилинганди. Судланувчилар орасида икки нафар вояга етмаган шахс ҳам бор.

11 ноябр 2020, 15:54

Ўзбекистонда Халқаро миграция ташкилоти ваколатхонаси очилади

ХМТ ва Ўзбекистон ўртасида ҳамкорлик тўғрисидаги битим имзоланди. Унга кўра, жумладан, Тошкентда ташкилотнинг тўлақонли ваколатхонаси очилади.

11 ноябр 2020, 10:46

Ўзбекистонда ўрмон хўжалиги техникуми ташкил этилади

Ўзбекистонда ўрмон хўжалиги техникуми ташкил этилади. Техникумда кундузги, кечки ва сиртқи таълим босқичларида олий таълимнинг бакалавриат таълим йўналишлари билан интеграциялашган дастурлар асосида кадрлар тайёрланади.

11 ноябр 2020, 09:02

Йил давомида тез тиббий ёрдамга 10 млндан ортиқ мурожаатлар келиб тушган

Соғлиқни сақлаш вазири ўринбосари Абдулла Азизов жорий йилда «103» тез тиббий ёрдам рақамига 10 миллиондан ошиқ мурожаатлар келиб тушганини маълум қилди. «Бу йил шошилинч тиббий ёрдам ходимлари учун анча серташвиш йил келди, десак, адашмаймиз», — дея таъкидлади.

10 ноябр 2020, 20:16

Ўзбекистонда зилзила сезилди

Эпицентри Тожикистонда бўлган зилзила Ўзбекистонда ҳам сезилди. Мамлакат шаҳарларида силкинишларнинг кучи 2 баллни ташкил этди.

10 ноябр 2020, 17:53

«Шахсий намуна дейилгани бежизга эмас» — Шерзод Шерматов

Шерзод Шерматов 10 мингдан ортиқ қадам босиб, раҳбар сифатида шахсий намуна кўрсатиш осон эмаслигини айтди. У тахминан 2 соатларда 9 километрни бемалол юриб борса бўлишини таъкидлаган.

10 ноябр 2020, 17:36 1

Ҳаж ва Умра зиёратини фақат Мусулмонлар идораси ташкил этиши таклиф этилмоқда

Ҳаж ва Умра зиёратини фақат Ўзбекистон Мусулмонлари идораси томонидан ташкил этилиши таклиф қилинмоқда. Таклифга биноан, Ўзбекистонда бошқа ташкилотларнинг ушбу тадбирларини ташкил этишига йўл қўйилмайди.

10 ноябр 2020, 16:54

Сирдарёда ёш келин-куёв ис газидан заҳарланиб вафот этди

Сирдарё вилоятида турмуш қуришганига бир ой ҳам бўлмаган ёш келин-куёв қўлбола печдан ис гази сизиб чиқиши оқибатида заҳарланиб вафот етди.

10 ноябр 2020, 15:23

Мактаблар тажриба тариқасида хусусий бошқарувга ўтишни бошлайди

Тажриба сифатида мактаблар хусусий бошқарувга ўтказилади. Уларда таълим бепул қолиши ва мактаб бошқарувчиси ўқув муассасасини таъмирлаш ишларини амалга ошириши керак бўлади. Давлат бюджетидан таълим муассасаларини таъминлаш учун ажратиладиган маблағлар камайтирилмайди.

10 ноябр 2020, 13:01

Туз, шакар ва ёғ миқдори юқори бўлган маҳсулотларга товар белгилари қўйилади

Президент туз, шакар ва ёғ миқдори юқори бўлган маҳсулотларни белгилаш таклифини маъқуллади. Белгилаш икки босқичда амалга оширилади — биринчисида ихтиёрий, иккинчисида мажбурий бўлади.

10 ноябр 2020, 12:17

2021 йил 1 апрелдан бойитилмаган олий навли ун сотуви чекланади

2021 йил 1 апрелдан бойитилмаган олий навли ун сотуви чекланиб, фақат микронутриентлар билан бойитилган ун сотувига рухсат берилади. Шу мақсадда хориждан олиб келинадиган микронутриентлар учун ноль божхона ставкаси белгиланди.

10 ноябр 2020, 09:49

Моргенштернга Mercedes-Benz`ни Ўзбекистонга олиб келиш қанчага тушади?

Россиялик рэпер Моргенштерн танловда ғолиб бўлган бухоролик йигитга Mercedes-Benz машинасини совға қилиш учун Ўзбекистонга ташриф буюришни режалаштираётган эди. Мусиқачи қиммат «растаможка»дан шикоят қилган эди. Давлат божхона қўмитаси маълумотига кўра, Моргенштерн камида 353,8 млн сўм ($34 минг) бож тўлашига тўғри келади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг