Жамият

10 феврал 2022, 10:08

40 га яқин дарахт кесилгани учун Қарши давлат университетининг 6 нафар ходимига нисбатан иш очилди

Қарши давлат университетида 38 туп дарахт ноқонуний кесилганини ортидан муассасанинг 6 нафар ходимига нисбатан дарахтларни қонунга хилоф равишда кесиш моддаси билан маъмурий иш қўзғатилди. Улар табиатга 285 млн сўм миқдорида зарар етказгани айтилмоқда.

10 феврал 2022, 10:00

Қашқадарёда туман марказий поликлиникаси бош шифокори пора билан ушлангани айтилмоқда

Қашқадарёда туман марказий поликлиникаси бош шифокори тиббиёт бирлашмасига қарашли автотураргоҳ ҳудудидан 20 сотих ер ажратиш эвазига 2000 доллар сўраганликда гумон қилинмоқда. У шундан 500 доллар ва 10 млн сўмни ўз хизмат хонасида олаётганда ушланган. Унга нисбатан жиноят иши қўзғатилди.

10 феврал 2022, 09:48

Янгиҳаёт ва Сергели туманларининг айрим жойларида табиий газ таъминоти вақтинча тўхтатилади

Тошкентнинг Сергели ва Янгиҳаёт туманларидаги газ қувурларида таъмирлаш ишлари олиб борилаётгани сабабли 10 февраль куни соат 11:00 дан 18:00 гача туманларнинг айрим жойларида табиий газ таъминоти вақтинча тўхтатилади.

9 феврал 2022, 23:23

Бир қатор туманларда ИИБ раҳбарлари ўзгарди

Қорақалпоғистон Республикасининг Беруний ва Кегейли туманларида ИИБ бошлиқлари ўзгарди. Шунингдек, Бухоро ва Навоий вилоятларининг бир қанча туман ИИБларида ҳам лавозим тайинловлари амалга оширилди.

9 феврал 2022, 23:14

Жиззахда тадбиркор хусусий корхона раҳбарини милтиқ билан отиб ўлдирди

Арнасойда тадбиркор ва хусусий корхона раҳбари ўртасида ер билан боғлиқ можаро келиб чиқди. Тадбиркор ўзининг ов милтиғи билан ерни олиш учун келган пахтакорлик хусусий корхона раҳбарининг ўнг кўкрак қисмига ўқ узган. Жабрланувчи шифохонада ҳаётдан кўз юмди.

9 феврал 2022, 22:00

9 февраль куни Ўзбекистонда содир бўлган энг муҳим хабарлар дайжести

UzAuto Motors автомобиллари учун олдиндан тўлов кўпи билан 50% бўлиши кераклигини айтган Расул Кушербаев, Марҳамат ҳокими ташаббуси билан ота-оналардан узр сўраган ўқитувчилар, рақобат ривожланган соҳаларда давлат муассасалари тугатилиши, «Капиталбанк» акциялариниинг бошқарув пакетини қўлга киритган Алишер Усмонов, якшанба куни йиғилиш ўтказган Бухоро вилояти ҳокими ва бошқалар — «Газета.uz» нинг 9 февралдаги энг муҳим хабарлари дайжестида.

9 феврал 2022, 19:06

UzAuto Motors автомобиллари учун олдиндан тўлов кўпи билан 50% бўлиши керак — Расул Кушербаев

Расул Кушербаев UzAuto Motors автомобиллари учун 85 фоизлик олдиндан тўлов миқдорини пасайтириш бўйича ҳукуматга таклифлар тайёрланаётганини маълум қилди. Депутат «Газета.uz» га берган интервьюсида олдиндан тўлов кўпи билан 50% бўлиши кераклигини таъкидлади. «Ҳали кўрсатилмаган хизмат ва харид қилинмаган товар учун олдиндан тўлов қилиниши мантиқсиз ўзи», — деди у.

9 феврал 2022, 18:48

Тошкентда эркак 81 ёшли аёлга куч ишлатиб, 1 млн сўм пулини ўзлаштиргани айтилмоқда

Мирзо Улуғбек туманида эркак 81 ёшли кекса аёлдан сув сўраб, шундан сўнг, уни синтетик мато билан бўғиб, хонадондаги 1 млн сўмни ўзлаштиргани айтилмоқда. Тергов ҳаракатлари натижасида бу ишни амалга оширганликда 50 ёшли эркак гумонланиб, ҳибсга олинган. Унга нисбатан жиноят иши қўзғатилди.

9 феврал 2022, 17:09

Меҳнат вазирлиги Бухоро вилояти ҳокими якшанба куни йиғилиш ўтказганига муносабат билдирди

Бухоро вилояти ҳокими Ботир Зарипов дам олиш куни тўртта туманда маҳаллалар раислари ва ҳоким ёрдамчилари иштирокида йиғилиш ўтказди. Давлат меҳнат инспекцияси вилоят ҳокими қонунчилик талабларини бузганини тасдиқлади.

9 феврал 2022, 16:12

Хоразмда 10 млн сўм пора олган туман бандликка кўмаклашиш маркази директори 5 йилга қамалди

Хоразм вилояти Янгибозор тумани аҳоли бандлигига кўмаклашиш маркази директори М.Ж. тадбиркорга 122,5 млн субсидия ажратиш эвазига 10 млн сўм олган вақтида қўлга олинган. ЖИБ Янгибозор туман суди уни айбли деб топиб, 5 йилга озодликдан, қолаверса, 2 йилга давлат ташкилотларида мансабдор сифатида ишлаш ҳуқуқидан маҳрум қилди.

9 феврал 2022, 15:28

Ўзбекистонда ов қуролига эгалик қилишнинг энг кам ёшини 25 ёшгача ошириш таклиф этилди

Депутатлар ов қуролига эгалик қилишнинг минимал ёшини 21 ёшдан 25 ёшгача оширишни назарда тутувчи қонун лойиҳасини муҳокама қилмоқда. Ҳужжатда барча турдаги пневматик қуролга эгалик қилишни ички ишлар органларининг рухсатномаси орқали амалга ошириш ва фуқаро эгалик қилиши мумкин бўлган қуроллар сонини 3 дона билан чегаралаш таклифи ҳам илгари сурилмоқда.

9 феврал 2022, 14:57

Fujairah Open 2022 турнирида Ўзбекистон 7 та медални қўлга киритди

БААда бўлиб ўтган таэквондонинг WТ йўналиши бўйича Fujairah Open-2022 турнирида Ўзбекистон делегацияси 7 та медални, шу жумладан, 4 та олтин, 1 та кумуш ва 2 та бронзани қўлга киритди. Мусобақада олимпиада чемпиони Улуғбек Рашитов ҳам қатнашиб, ғолиб бўлди.

9 феврал 2022, 14:10

«2 мингга яқин боғча, мактаб ва тиббиёт муассасалари ичимлик сувини ташиб келишга мажбур бўлмоқда» — президент

Шавкат Мирзиёев 1500 тадан ортиқ маҳаллада марказлашган ичимлик суви таминоти йўлга қўйилмагани, 2 мингга яқин боғча, мактаб ва тиббиёт муассасалари ичимлик сувини ташиб келишга мажбур бўлаётганини маълум қилди. Бунинг ечими сифатида келгуси 5 йилда соҳага 40 трлн сўм инвестиция йўналтирилиши ва ичимлик суви таъминоти 90 фоизга етказилиши айтилди. 2022 йилнинг ўзида бюджетдан 2 трлн сўм, халқаро молия ташкилотларидан эса 245 млн доллар жалб этилади.

9 феврал 2022, 12:11

Кеча 778 кишида коронавирус аниқланди

Сешанба куни 778 нафар фуқаронинг коронавирусга топширган тест таҳлили мусбат натижани кўрсатди (бир кун олдин — 773 нафар эди), қолаверса, яна 133 киши (129 киши) пневмонияга чалинди. COVID-19 асоратлари оқибатида 4 киши вафот этди.

9 феврал 2022, 11:48

Ўқитувчилар узр сўраган йиғилиш туман ҳокими ташаббуси бўлганлиги айтилди

Андижон вилояти халқ таълими бошқармаси мактаб ўқитувчилари ота-оналардан узр сўраган йиғилиш Марҳамат тумани ҳокимининг шахсий ташаббуси бўлганлигини маълум қилди. Туман ҳокими Бобуржон Йўлдошев бу ҳолатлар «ўқитувчиларнинг руҳиятига таъсир қилган бўлса», улардан узр сўрашини айтди.

9 феврал 2022, 10:43

Президент академик Турғунпўлат Даминов оиласига таъзия билдирди

Ўзбекистонда хизмат кўрсатган шифокор, академик Турғунпўлат Даминов 81 ёшида вафот этди. Президент Шавкат Мирзиёев унинг оила аъзоларига таъзия изҳор этди. Турғунпўлат Даминов кўп йиллар давомида Тошкент давлат тиббиёт институти ректори сифатида фаолият юритган.

9 феврал 2022, 10:10

ССВ ўзбекистонликларни коронавирусга қарши вакцина олишга чақирди

Январь ойида Зангиота юқумли касалликлар шифохоналарига мурожаат қилган беморларнинг 96% коронавирусга қарши вакцина олмаганлиги айтилди. Касалланганларнинг фақат 4,1 фоизи ковидга қарши эмланган, улар орасида ўлим ҳолати қайд этилмаган. ССВ вакцина олмаган беморларда касаллик оғир ва ўта оғир даражада кечиб, ўлим ҳолатлари ҳам кузатилганлигини таъкидлади.

9 феврал 2022, 07:57

Андижон вилоятида ўқитувчилар ота-оналардан кечирим сўрашга мажбур қилинди

Андижон вилоятининг Марҳамат туманидаги мактаблардан бирининг директори ва ўқитувчилари таълим сифати ҳамда битирувчиларнинг ОТМларга кириш даражаси пастлиги учун ота-оналардан кечирим сўрашга мажбур қилинди. Бу иш ҳоким ёрдамчиси ва туман ХТБ раҳбарининг ташаббуси экани айтилмоқда. ХТВ ҳолатни кескин қоралади. Жамоатчилик фаоллари ҳодиса учун вилоят ҳокими Шуҳрат Абдураҳмонов жавоб бериши кераклигини айтишмоқда. Туман ва вилоят ҳокимлиги ҳам муносабат билдирди.

8 феврал 2022, 22:31

Қорақалпоғистонда янги туғилган чақалоқ тунда кўчага ташлаб кетилди

8 февраль куни соат 03:00 ларда Нукус шаҳрининг Гоне қала ҳудудида кўчага янги туғилган чақалоқ ташлаб кетилгани аниқланди. Буни кўрган фуқаро зудлик билан тез ёрдамга мурожаат қилган. Унинг айтишича, тез ёрдам фельдшери Икрам Жуманиязов совуқдан ҳимоя қилиш мақсадида чақалоқни уст кийимига ўраган ва биринчи тиббий ёрдамни кўрсатган. У ҳозирда реанимацияда, оғир аҳволда. Чақалоқнинг онаси аниқланиб, унга нисбатан жиноят иши қўзғатилди.

8 феврал 2022, 22:00

8 февраль куни Ўзбекистонда содир бўлган энг муҳим хабарлар дайжести

Лукашенконинг Ўзбекистон ҳақидаги фантазияларини муносабат билдирган сиёсатчилар ва жамоатчилик фаоллари, президентни ҳақорат қилгани учун 3 йилга қамалган блогер, сўм рамзини яратиш бўйича танлов эълон қилган Марказий банк, Республика махсус комиссияси фаолияти юзасидан изоҳ берган Русланбек Давлетов, «шакар заводлари бизга керакми?» деган саволни ўртага ташлаган Миркомил Холбоев ва бошқалар — «Газета.uz» нинг 8 февралдаги энг муҳим хабарлари дайжестида.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг