Жамият

23 ноябр 2021, 15:38

Ўзбекистонда йил якунига қадар 560 минг гектар майдонда «яшил қопламалар» ташкил этилади — Азиз Абдуҳакимов

Бош вазир ўринбосари Азиз Абдуҳакимов мамлакатда 2021 йил охирига қадар 560 минг гектар майдонда «яшил қопламалар» ташкил этилишини маълум қилди. Шундан 375 минг гектарида ўрмонзор барпо этилади.

23 ноябр 2021, 14:46

Ўзбекистонда Халқаро қишлоқ хўжалиги университети очилиши режалаштирилмоқда

Англиянинг Қироллик қишлоқ хўжалиги университетида (Royal Agricultural University) Ўзбекистонда Халқаро қишлоқ хўжалиги университетини ташкил этиш бўйича музокаралар ўтказилди.

23 ноябр 2021, 12:57

Андижонда туман электр тармоқлари бухгалтери блогер аёлни калтаклагани айтилмоқда (тўлдирилди)

Андижонлик блогер Фатима Жўраева Улуғнор тумани электр тармоқлари бухгалтери томонидан калтакланганини таъкидламоқда. Бунга фермерларга сунъий равишда қарздорлик ёзилгани бўйича изоҳ сўрагани сабаб бўлгани айтилмоқда. Мазкур ҳолат бўйича туман ИИБ томонидан терговга қадар текширув ҳаракатлари бошланди. Текширув ҳаракатлари Бош прокуратура томонидан назоратга олинди. Андижон туман электр тармоқлари корхонаси эса аёлнинг калтакланганини рад этиб, воқеа жойидан олинган ёзувни тақдим этди.

23 ноябр 2021, 12:26 1

«Гендер зўравонликка қарши 16 кунлик фаол ҳаракатлар» кампанияси эълон қилинди

25 ноябрдан Ўзбекистонда «Гендер зўравонликка қарши 16 кунлик фаол ҳаракатлар» кампанияси бошланади. Кампания бошланишини эълон қилган Сенат раиси Танзила Нарбаева зўравонликка қарши курашда «узоқ ва машаққатли ишлар» турганини ва унда «ҳар биримизнинг иштирокимиз муҳим» эканлигини таъкидлади.

23 ноябр 2021, 11:00

Тошкентнинг икки туманида кучли таъсир қилувчи дориларнинг ноқонуний савдоси аниқланди

Пойтахтнинг Мирзо Улуғбек ва Бектемир туманларидаги дорихоналарда тегишли ҳужжатлари бўлмаган кучли таъсир қилувчи «Регапен» ва «Зардекс» дориларининг ноқонуний савдоси тўхтатилди.

23 ноябр 2021, 10:33

Тошкент метрополитенида FacePay тизими синовдан ўтказилмоқда

Тошкент метрополитенининг «Буюк Ипак йўли» бекатида FacePay тизими синовдан ўтказилмоқда. Унинг ёрдамида йўловчи шунчаки валидаторга қараб йўл ҳақи учун тўлов қилиши мумкин.

23 ноябр 2021, 10:32

Тошкентда Президент кутубхонаси қурилади

Пойтахтнинг Адиблар хиёбони ёнида Алишер Навоий номидаги адабиёт музейи қурилади. Музей билан бирга илмий тадқиқот маркази, Ўзбек тили, адабиёти ва фольклори институти, мактаб ва ётоқхона ҳам ташкил этилади. Миллий боғ яқинида Президент кутубхонаси қурилиши ҳам режалаштирилмоқда. У 4 қаватли бўлиши, бир вақтда 1 минг 400 дан зиёд ўқувчига хизмат кўрсатиши кўзда тутилган.

23 ноябр 2021, 10:02

Ўзбекистонда табиий офатлардан ҳар йили 1,4 миллион киши азият чекади

Ўзбекистонда ҳар йили табиий офатлар ўртача 1,4 миллион кишилар ҳаётига таъсир ўтказади. Натижада етказилган зарар йилига қарийб 3 млрд долларни ташкил этади. Прогнозларга кўра, йирик сув тошқини мамлакат ЯИМнинг тахминан 5 фоизига зарар етказиши мумкин.

23 ноябр 2021, 09:29

ССВ муассасаларини лойиҳалаштиришга туркиялик мутахассис раҳбарлик қилади

Соғлиқни сақлаш вазирлигининг «Ўзтиблойиҳа» лойиҳа ташкилотига туркиялик мутахассис Гурай Каймак раҳбарлик қилади. У пойтахтдаги собиқ Intercontinental меҳмонхонаси биноси ва Ўзбекистондаги бошқа объектларни лойиҳалаштиришда иштирок этган.

23 ноябр 2021, 08:43

Ҳукумат пойтахт бош режасини 2023 йилгача ишлаб чиқиш бўйича топшириқ берди

Ҳукумат Тошкент ҳокимлигига 2022 йил охиригача шаҳар бош режасини ишлаб чиқиш юзасидан топшириқ берди. Пойтахт бош режасини ишлаб чиқишни якунлаш муддати бугунги кунгача бир неча бор ортга сурилган.

23 ноябр 2021, 08:35

«Дарахт экиш осон нарса, лекин дарахтни чопмаслик биз учун қийин экан» — Ботир Қобилов 200 млн туп дарахт экилиши ҳақида

Иқтисодчи Ботир Қобилов йилига 200 млн туп дарахт экилиши ташаббуси ҳақида фикр билдириб, мазкур вазифанинг ижросига озгина шубҳаси борлигини таъкидлади. «Энг муҳими, экилган дарахтнинг „меваси“ 15−20 йил ичида келмайди. Балки 200 млн туп эмас, 10 млн тупнинг ўзи етарлидир», — деди у.

22 ноябр 2021, 22:05

22 ноябрь куни Ўзбекистонда содир бўлган энг муҳим хабарлар дайжести

Коронавирусга қарши қўшимча доза билан эмлашга рухсат берилиши, Зойир Мирзаев видеоселектор тарзида илк «ҳокимлик соати»ни ўтказиши, Шавкат Мирзиёев энергетика соҳасида ДХШ лойиҳаларини кўпайтириш бўйича йиғилиш ўтказиши — «Газета.uz»нинг 22 ноябрдаги энг муҳим хабарлари дайжестида.

22 ноябр 2021, 18:21 2

2026 йилга қадар қуёш ва шамол электр станциялари умумий қувватини 8 минг мВтга етказиш зарур — президент

Шавкат Мирзиёевнинг топшириғига кўра, Ўзбекистонда 2026 йилга қадар қуёш ва шамол электр станциялари умумий қуввати 8 минг мегаваттга етказилади. Шунингдек, «йирик саноат корхоналари ҳам ўз энергия таъминоти бўйича қайта тикланувчи энергия манбаларини ташкил этиши учун зарур шароитлар яратиш керак».

22 ноябр 2021, 17:26 2

«Ҳоким бува, светни ёқинг, биз совқотяпмиз». Уйида чироқ ўчган қашқадарёлик бола масъулларга мурожаат йўллади

Яккабоғ туманида яшовчи 5 ёшли бола уйида чироқ соатлаб ўчаётгани боис масъулларга мурожаат йўллади. Қашқадарё «Ҳудудий электр тармоқлари» АЖ бир қатор ҳудудларда «таъмирлаш ишлари олиб борилиши сабаб электр таъминотида узилиш бўлишини» маълум қилмоқда.

22 ноябр 2021, 16:36

Ўзбекистонда пенсия ва нафақа олувчилар сони 4 млндан ошди

Ўзбекистонда пенсия ва нафақа олувчилар сони 4 млн нафардан кўпроқни ташкил этмоқда. Шундан қарийб 3 млн нафари ёшга доир пенсия олувчилар ҳисобига тўғри келади.

22 ноябр 2021, 14:50

Автомобиль ташувларидаги маъмурий баённомалар планшетлар орқали расмийлаштирилади

Транспорт вазирлиги инспекторлари эндиликда автомобиль ташувлари соҳасида ҳуқуқбузарлик содир этган шахсларни аниқлаш, маъмурий ҳуқуқбузарликлар тўғрисидаги ишларни расмийлаштириш учун планшетлардан фойдаланади. Дастлабки босқичда Тошкент шаҳар ва Тошкент вилоятида йўлга қўйилиши кўзда тутилган.

22 ноябр 2021, 13:25

Давлат имтиҳонидан йиқилган талаба ҳар ўқув йилида имтиҳонни 2 мартагача қайта топшириши мумкин

Энди ОТМ талабалари давлат имтиҳонидан йиқилса, бир йил кутмайди. Улар томонидан қайта топшириш тўғрисидаги аризалар йиғилишига қараб бир ўқув йилида (3 йил давомида) икки мартагача давлат имтиҳонларини қайта топшира олади.

22 ноябр 2021, 13:12

Ниқоб тақиш COVID-19`га чалиниш хавфини 53% гача қисқартиради — Глобал тадқиқотлар

Дунё бўйлаб ўтказилган тадқиқотлар натижалари COVID-19 билан касалланиш ҳолатлари ниқоб тақиш натижасида 53 фоизгача ва жисмоний масофа сақлаш орқали 25 фоизгача камайишини кўрсатди. Тадқиқотчиларнинг хулосасига кўра, ниқоб тақиш, ижтимоий масофаланиш ва қўлларни ювиш амалиёти вакцинация дастурлари билан параллель равишда давом эттирилиши зарур.

22 ноябр 2021, 12:59

Қашқадарёда байроқ ўрнатилиши яна тўхтатилди, маблағлар йўллар таъмирига йўналтирилади

Халқ депутатлари Қарши шаҳар кенгаши улкан байроқ учун 300 млн сўм ажратиш бўйича қарор чиқарди. Кейинроқ вилоят ҳокими бунга эътибор қаратиб, шаҳар ҳокими билан келишган ҳолда байроқ устунини қуришни бекор қилди. Маблағлар йўл таъмирига ва коммунал соҳаларни ривожлантиришга йўналтириладиган бўлди. Апрель ойида ҳам вилоятнинг собиқ ҳокими Зойир Мирзаев 1 млрд 350 млн сўмлик байроқ қурилишини тўхтатган эди.

22 ноябр 2021, 11:42

Ҳафта давомида айрим ҳудудларда ёмғир ёғиши кутилмоқда

Ҳафта бошида аномал илиқ об-ҳаво сақланиб туради. Чоршанба куни Каспий денгизининг жанубий ҳудудларидан нам ҳаво кириб келиши кутилмоқда. Айрим ҳудудларда ёғингарчилик бўлади. Ҳаво ҳарорати +13…+18 даража илиқ атрофида бўлади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг