Жамият

26 феврал 2022, 17:05

Шамсиддин Турдалиев Олтиариқ туманига ҳоким бўлди

Фарғона вилоятининг Риштон тумани прокурори Шамсиддин Турдалиев Олтиариқ тумани ҳокими этиб тайинланди. У мазкур лавозимда февраль бошида Тошкент вилояти ҳокимига биринчи ўринбосар бўлган Холмирза Ниёзовнинг ўрнини эгаллади.

26 феврал 2022, 15:17

Тошкент ва Боку ўртасидаги авиапарвозлар қайта тикланади

Март ойидан бошлаб Тошкент Озарбайжоннинг Боку шаҳри билан авиапарвозларни қайта тиклайди. Авиарейслар ҳафтада бир марта — сешанба кунлари амалга оширилади.

26 феврал 2022, 11:43

Нима тайёрлаймиз: қуймоқлар

Сутда пиширилган классик ҳамда «нуқта"ли қуймоқлар, кефир ва қайнаган сувда тайёрланган қуймоқлар, «Креп сюзетт», пишлоқ ва кўкатли — Zira.uz қуймоқлар рецептлари рўйхатини тақдим этади.

26 феврал 2022, 11:07

Ўзбекистон қаҳрамони Иброҳим Файзуллаев вафот этди

Ўзбекистон қаҳрамони, Ўзбекистонда хизмат кўрсатган қишлоқ хўжалиги ходими, агроном, Иброҳим Файзуллаев 89 ёшида вафот этди. Президент Шавкат Мирзиёев унинг оила аъзолари ва яқинларига таъзия билдирди.

26 феврал 2022, 10:50

Илонлар қорнидаги тангачаларни санайман

Сизни заҳарли илон чақиб олса, нима қилиш керак, эчкемарлар гўшти саратон ва жигар циррозини даволайдими, бошни нам салфеткалар билан қандай қилиб ювиш мумкин? Ушбу саволларга жавобларни герпетологлар — судралувчилар ва амфибияларни ўрганадиган мутахассислар билишади. Ҳозирги кунда Ўзбекистонда саноқли герпетологлар бор. «Газета.uz» мухбири Екатерина Цой улардан бири Тимур Абдурауповдан экспедициялар, тошбақаларни экспорт қилувчи тадбиркорлар билан кураш, уйдаги калтакесак ва илонлар коллекцияси ҳамда маошлари ҳақида сўради.

26 феврал 2022, 10:47

Жума куни 138 кишида ковид аниқланди

Жума куни Ўзбекистонда 138 кишининг ковидга топширган ПЗР-тести мусбат натижани қайд этди, бу бир кун олдинги (156 та) ҳолатдан камроқ. Кун давомида икки бемор вафот этди, 21 кишида эса пневмония аниқланди.

26 феврал 2022, 10:32

«Ватанпарвар» ташкилоти Халқаро кинология иттифоқига аъзо бўлди

Ўзбекистон мудофаасига кўмаклашувчи «Ватанпарвар» ташкилоти Халқаро кинология иттифоқига аъзо бўлди. Февраль ўрталарида ташкилот Россияда бўлиб ўтган халқаро кўргазмада цвергшнауцер, вео, бивер-йоркшир терьер, пудель той зотига мансуб итлари билан қатнашганди.

26 феврал 2022, 10:23

Биргаликда ибодат қилиш учун диний ташкилот ташкил этиш талаб қилинади — Дин ишлари қўмитаси

Дин ишлари қўмитаси тошкентлик тадбиркор ишчи ва мижозлар учун намозхона ташкил этгани учун жаримага тортилгани ҳақидаги хабарларга муносабат билдирди. Унда айтилишича, фуқаролар биргаликда ибодат қилишлари учун диний ташкилот ташкил этиш талаб қилинади.

25 феврал 2022, 22:48

Украинанинг Тошкентдаги элчихонасига гуллар ва ёзувлар олиб келинмоқда

Тошкентликлар украин халқини қўллаб-қувватлаб, урушга қарши эканликларини билдириш учун пойтахтдаги Украина элчихонаси биносига гуллар, юмшоқ ўйинчоқлар ва ёзувлар олиб келишмоқда.

25 феврал 2022, 22:00

25 февраль куни Ўзбекистонда содир бўлган энг муҳим хабарлар дайжести

Қорақалпоғистонга ташрифини кутилганидан аввал якунлаган президент, Польша орқали эвакуация қилинадиган Украинадаги ўзбекистонликлар, Навоийда ноқонуний олтин қазишга уринган 54 фуқаро, Ўзбекистон Евроосиё тараққиёт банкига аъзо бўлишга тайёрланаётганини айтган бош вазир, Владимир Путин билан телефон орқали мулоқот қилган Шавкат Мирзиёев ва бошқалар — «Газета.uz» нинг 25 февралдаги энг муҳим хабарлари дайжестида.

25 феврал 2022, 18:04

Пойтахтдаги ДХМлар эски «права»ни алмаштириш учун сўнгги мижоз қолгунича хизмат кўрсатади

Давлат хизматлари агентлиги эски ҳайдовчилик гувоҳномасини мажбурий алмаштириш муддати тугаётгани муносабати билан ДХМларга кунига 700 нафаргача фуқаро мурожаат қилаётганини маълум қилди. Шундан келиб чиқиб, энди пойтахтнинг 10 та туманидаги ДХМлар янги гувоҳномани бериш учун сўнгги мижоз қолгунича фаолият кўрсатади.

25 феврал 2022, 15:59

Июлгача 4 млн доза Pfizer, 7,5 млн доза Moderna вакцинаси олиб келинади — Баҳодир Юсупалиев

Санитария-эпидемиологик осойишталик хизмати раҳбари Баҳодир Юсупалиев март, июнь ва июль ойларида яна 4 млн доза Pfizer, 7,5 млн доза Moderna вакцинаси олиб келинишини маълум қилди. Қолаверса, Ўзбекистонда яна 10 млн доза ўзбек-хитой вакцинаси ҳам ишлаб чиқарилган.

25 феврал 2022, 15:19

Андижон шаҳар халқ таълими тизимида даромад солиғи ҳисобидан 11,5 млрд сўм ўзлаштирилгани аниқланди

Халқ таълими вазирлиги 2021 йилда таълим муассасалари 91,1 млрд сўмлик молиявий хатога йўл қўйгани, шундан 27,1 млрд сўмни талон-торож қилганини аниқлади. Биргина Андижон шаҳрида ходимларнинг даромад солиғи бюджетга ўтказилмасдан, 11,5 млрд сўм ўзлаштирилган. Аввалроқ, 2018−2020 йилларда Андижон шаҳар ХТБ раҳбарлари 57 млрд сўм талон-торож қилгани айтилганди.

25 феврал 2022, 15:09

Ўзбекистон Украинадаги фуқароларини Польша орқали эвакуация қилади

Ўзбекистоннинг Украинадаги элчихонаси фуқароларни Польша орқали эвакуация қилишини хабар қилди. Львовга келган ўзбекистонликлардан диаспора вакили Маруф Салиевга мурожаат қилиш сўралган. Эвакуация вақтида қариялар, болалик аёллар, талабалар ва болалар устунликка эга бўлади.

25 феврал 2022, 13:16

Дам олиш кунлари об-ҳаво иссиқ бўлади

Дам олиш кунлари Ўзбекистонда қиш фаслига ҳос бўлмаган жуда илиқ ҳарорат бўлиши кутилмоқда. Бу Эрон ҳудудларидан кириб келадиган ҳаво ҳисобига юз беради. Ҳарорат кундуз кунлари +23…+25 даражагача кўтарилади. Февралнинг сўнгги кунида эса Фарғона водийсидан бошқа барча ҳудудда ёмғир ёғади.

25 феврал 2022, 12:14

Навоийда ноқонуний олтин қазиб олаётган 54 киши қўлга олинди

Навоий вилоятидаги Лолазор эски тилла конларида Навоий, Самарқанд ва Бухородан келган 54 нафар фуқаро лицензиясиз олтин қазиб олаётгани вақтида ушланди. Улар қазиб олган, таркибида олтин зарралари бўлган қум эса текширув учун Навоий кон-металлургия комбинатига юборилди. Аввалроқ, айни шу ҳудудда 4 кишини қум босиб қолганди.

25 феврал 2022, 11:50

Коронавируснинг кунлик ҳолати бироз кўпайди

Пайшанба куни 156 кишининг COVID-19`га торширган тест таҳлили мусбат натижани кўрсатди, бир кун олдин ушбу кўрсаткич — 140 тани ташкил қилганди. Қолаверса, 26 кишида пневмония аниқланди.

25 феврал 2022, 11:07

Hududgaz Jizzax корхонасининг икки нафар ходими пора олаётган вақтида ушланди

«Hududgaz Jizzax» газ таъминоти филиали ходимлари тадбиркорнинг 384,6 млн сўмлик қарзини пора эвазига камайтириб бермоқчи бўлган. Улар пора олган вақтида қўлга олинган.

25 феврал 2022, 09:48

Ўзини метродаги поезд остига ташлаган эркак вафот этди

Тошкент шаҳрида ўзини метро поезди остига ташлаган эркак Сирдарёнинг Сардоба туманидан бўлган. У воқеа жойида вафот этган.

25 феврал 2022, 08:57

5 баҳо учун сомон ташиттирган устозимни иккита шарт билан ишга олгандим — Абдуқодир Тошқулов

Олий таълим вазири Абдуқодир Тошқулов ўзининг талабалик йиллари, илгари ОТМга ҳужжат топширишда кузатилган қийинчиликлар, талабалар ўртасидаги маҳаллийчилик, пул топиш учун қора иш қилишга тўғри келгани ҳақида сўзлаб берди. Қолаверса, сессияда фанларни ёпиб юрган йилларини эсга олар экан, 5 баҳо эвазига 4 «тележка» сомон ташиттирган устозини университетга ректор бўлгач, иккита шарт билан ишга олганини айтди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг