Жамият

6 сентябрь 2021, 22:21

«Лазги — муҳаббат ва қалб рақси» балети — суратларда

Немис хореографи Раймондо Ребек Ўзбекистон халқ артисти Гавҳар Матёқубова билан биргаликда Алишер Навоий номидаги давлат Академик катта театрида «Лазги — муҳаббат ва қалб рақси» балетини намойиш этди. Маданият ва санъатни ривожлантириш жамғармаси маълумотига кўра, ушбу балетни жаҳон саҳналарида ҳам намойиш этиш режалаштирилмоқда. Лазги балети «Газета.uz» фоторепортажида.

6 сентябрь 2021, 21:34

Президент фармацевтика тармоғидаги лойиҳалар тақдимоти билан танишди

Президент Шавкат Мирзиёев фармацевтика тармоғида амалга оширилган ишлар билан танишди. Тақдимотда 1,25 млрд долларлик 104 та инвестиция лойиҳаси режалаштирилгани ҳақида маълумот берилди. Шунингдек, тақдимотда маҳаллий доривор ўсимликларни етиштириш ва қайта ишлаш масалаларига ҳам алоҳида эътибор қаратилди.

6 сентябрь 2021, 20:47

6 сентябрь куни Ўзбекистонда содир бўлган энг муҳим хабарлар дайжести

Тошкент шаҳар истироҳат боғларига туну кун ишлашига рухсат берилиши, Шавкат Мирзиёевнинг ҳафталик иш графиги, автосаноат монополияси ҳақидаги граффити тўлиқлигича бўяб ташланиши — «Газета.uz»нинг 6 сентябрдаги энг муҳим хабарлари дайжестида.

6 сентябрь 2021, 18:53

Ўзбекистондаги сайловчиларнинг қарийб 33 фоизини ёшлар ташкил этади

Марказий сайлов комиссияси раиси Зайниддин Низамходжаевнинг маълум қилишича, сайловчиларнинг ягона электрон рўйхатида 21,2 миллиондан ортиқ сайловчи мавжуд. Уларнинг қарийб 33 фоизини (6,9 миллион) 30 ёшгача бўлган ёшлар ташкил этади.

6 сентябрь 2021, 18:45

Чилонзор метро йўналишида янги поездлар ишга туширилди

Тошкент метрополитенининг Чилонзор йўналишида янги поездларнинг учта ҳаракат таркиби ўз ишини бошлади. Қолган яна иккита метро поезди яқин орада ушбу йўналишда ҳаракатланади.

6 сентябрь 2021, 18:39

Вакцинадан кейинги ўлим ҳолати фақат 1 соат оралиғида кузатилиши мумкин — Севара Убайдуллаева

Коронавирусга қарши курашиш штаби аъзоси Севара Убайдуллаева Ўзбекистонда ҳозирги кунга қадар вакцина туфайли бирорта ўлим ҳолати кузатилмаганлигини маълум қилди. Унинг таъкидлашича, вакцинадан сўнг кузатиладиган ўлим ҳолати вакцина олгандан кейинги 1 соат оралиғида анафилактик шок оқибатида кузатилиши мумкин.

6 сентябрь 2021, 17:09

Урганчда 3 нафар эркак канализацияга тушиб вафот этди

Хоразмнинг Урганч туманида 3 нафар эркак уйлардан чиққан канализация сувларини ҳайдаб чиқариш учун мўлжалланган канализация камерасига тушиб, заҳарланиш оқибатида вафот этди. Ҳолат юзасидан жиноят иши қўзғатилди.

6 сентябрь 2021, 17:05

Ўзбекистонда мобил алоқа абонентлари сони 27,5 миллионга етди

1 июль ҳолатига кўра, Ўзбекистонда мобил алоқа абонентлари сони 27,5 миллионга, аҳолининг мобил алоқа билан таъминланганлик даражаси қарийб 79 фоизга етган.

6 сентябрь 2021, 15:50

Фото: Самарқанднинг машҳур ипак қоғози қандай тайёрланади?

Самарқанд яқинидаги «Мерос» қоғоз фабрикаси усталари қадимий усулдан фойдаланган ҳолда тут дарахтидан қоғоз ишлаб чиқаришади. Ёрқинлиги, юмшоқлиги ва ишлатилган хом ашё сабабли ушбу маҳсулотни ипак қоғоз дейишади. Ушбу қоғознинг тайёрланиш жараёни ҳақида Кира Карапетованинг фото-ҳикоясида.

6 сентябрь 2021, 14:53

Чирчиқ шаҳар ҳокимлиги «Чирчикстрой» меҳмонхонаси бузилмаслигини маълум қилди

Ижтимоий тармоқларда Тошкент вилоятининг Чирчиқ шаҳридаги «Чирчикстрой» меҳмонхонаси биноси бузилиши ҳақидаги хабарлар тарқалди. Шаҳар ҳокимлиги ушбу хабарларни «фейк» деб атаб, объектни бузиш ёки қайта қуриш юзасидан ҳозирги кунга қадар ҳеч қандай расмий ҳужжат қабул қилинмаганини маълум қилди. Қайд этилишича, ушбу ҳудудда замонавий бокс мактабига асос солинади.

6 сентябрь 2021, 14:52

Автосаноат монополияси ҳақидаги граффити тўлиқлигича бўяб ташланди (янгиланди)

Inkuzart кўча рассоми Ўзбекистон автомобиль бозоридаги монополия ҳамда машина олиш учун узун навбатларни акс эттирган янги граффити чизди. Сурат тўлиқлигича бўяб ташланди.

6 сентябрь 2021, 12:19

Ҳафтанинг иккинчи ярмида ҳаво ҳарорати пасайиши кутилмоқда

8 сентябрда Ўзбекистон шимолига антитциклон кириб келиб, Волга бўйи ҳудудларидан салқин ҳавони олиб келади. 9−10 сентябрда салқин ҳаво массаси Ўзбекистоннинг барча ҳудудларини қамраб олади. Ҳаво ҳарорати +23…+28 даражагача пасайиши кутилмоқда.

6 сентябрь 2021, 12:09

Боёвут тумани ҳокими ўринбосари Саодат Мирзаева вафот этди

Боёвут тумани ҳокимлиги туман ҳокимининг ўринбосари Саодат Мирзаева 51 ёшида вафот этди. У мазкур лавозимда 2020 йил 26 июндан бери ишлаб келаётган эди.

6 сентябрь 2021, 11:34

Шавкат Мирзиёев 9 сентябрь куни ЎзЛиДеП қурултойида иштирок этади

Президент Шавкат Мирзиёев 9 сентябрь куни Ўзбекистон либерал-демократик партияси қурултойида иштирок этади. Шунингдек, давлат раҳбари Паралимпия ўйинлари совриндорлари билан учрашиши ҳам мўлжалланмоқда.

6 сентябрь 2021, 10:30

Тошкент шаҳридаги истироҳат боғлари 24 соат ишлай олади

Ҳукумат қарори билан пойтахтдаги истироҳат боғларига туну кун фаолият юритишига рухсат берилди. 2023 йилгача пойтахтнинг кўкаламзорлаштирилиши даражасини 30 фоизга етказиш белгиланмоқда. 2022 йилдан синов тариқасида ободонлаштириш ва кўкаламзорлаштириш вазифалари аутсорсинг асосида тадбиркорларга берилади.

6 сентябрь 2021, 09:31

Reuters: Ўзбекистондаги лагерда яшаётган афғон учувчилари ватанга қайтишдан қўрқишмоқда

Ўзбекистондаги лагерда бўлиб турган афғон учувчилари ва бошқалар ватанга қайтишдан хавфсирамоқда, деб ёзмоқда Reuters. «Бизни қайтаришса, 100 фоиз аминманки, бизни ўлдиришади», — дея маълум қилди учувчилардан бири. Reuters лагер тасвирларини ҳам эълон қилиб, афғонлар Ўзбекистонга учиб келган самолёт ва вертолётлар моделлари ҳақида хабар берди.

5 сентябрь 2021, 13:33

1-курс талабаларига 6−13 сентябрь кунлари дастлабки таништирув ҳафталиги ўтказилади

1-курсга қабул қилинган талабалар учун 6 сентябрдан дастлабки таништирув ҳафталиги, 13 сентябрдан эътиборан ўқув режага мувофиқ дарс машғулотлари бошланади.

5 сентябрь 2021, 11:51

«АрМИ-2021»: VII Халқаро армия ўйинларида Ўзбекистон 2-ўринни эгаллади

Халқаро армия ўйинларида Ўзбекистон Мудофаа вазирлиги жамоаси 4 та олтин, 9 та кумуш ва 4 та бронза медалларини қўлга киритиб, умумжамоа ҳисобида Хитойни ортда қолдириб, 2-ўринни эгаллади. Мусобоқалар давомида Ўзбекистон ҳарбийлари 10 та рекорд натижани қайд этдилар.

4 сентябрь 2021, 17:19

«Тошкент» халқаро аэропортида янги учиб кетиш зали ишга туширилди (фото)

Ислом Каримов номидаги «Тошкент» халқаро аэропортида халқаро йўналишлар йўловчилари учун қўшимча майдонга эга бўлган янги учиб кетиш зали очилди. Мазкур залда замонавий ускуналар, «яшил» ва «қизил» йўлаклар ўрнатилган. Шунингдек, 6 та паспорт ва чегара назорати пункти, очиқ Wi-Fi тармоғи, Duty Free дўконлари, кафе, она ва бола хонаси мавжуд.

4 сентябрь 2021, 16:00

Тошкентда Ислом тараққиёт банки бошқарув кенгашининг анжумани бўлиб ўтди

«Агробанк» Халқаро Ислом савдо-молия корпорацияси томонидан энг кўп кичик ва ўрта бизнес лойиҳаларини молиялаштирган банк сифатида эътироф этилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг