Жамият

12 апрель 2022, 20:56

Шерали Жўраев «Эл-юрт ҳурмати» ордени билан мукофотланди

Ўзбекистон халқ артисти, «Ватандошлар» жамоат фондининг Васийлик Кенгаши раиси Шерали Жўраев «Эл-юрт ҳурмати» ордени билан мукофотланди. Президент тегишли фармонни имзолади.

12 апрель 2022, 18:29

Ўзбекистон коинотни ўрганишга қандай ҳисса қўшган?

Инсоннинг коинотга биринчи парвози бундан 61 йил аввал амалга оширилган. Космонавтика куни муносабати билан «Газета.uz»нинг Ўзбекистоннинг коинотни ўрганишга қўшган ҳиссаси ҳақидаги мақоласини эслаймиз. Ютуқлар қаторидан «ТАПОиЧ»да космонавтларни синовдан ўтказиш учун самолётлар ишлаб чиқарилгани, Тошкент муҳандислик бюросида Ой тупроғини Ерга олиб тушган қурилманинг яратилгани, Ойни тадқиқ қилиш учун Тошкентда ишлаб чиқилган асбоб-ускуналар Невич посёлкасида синовдан ўтказилгани кабилар ўрин олган.

12 апрель 2022, 17:57

Жаҳондаги вазият туфайли аҳолига зарур 150 турдаги дори воситаларида узилиш бўлиши хавфи мавжуд

Ўзбекистонда ташқи омиллар ҳисобига 150 турдаги аҳоли учун зарур дори воситаларида узилиш бўлиши хавфи мавжуд, қалбаки ва контрафакт дорилар сотилишига ҳалигача барҳам берилгани йўқ, амалиётда 15 фоизлик нарх преференцияси ишламайди. Шу ва бошқа 50 га яқин муаммога ечим топилмагани президент иштирокидаги йиғилишда танқид қилинди.

12 апрель 2022, 17:37

Тошкентда жонли мусиқа ва шаҳар маданияти фестивали ўтказилади

«Анжир» жонли мусиқа ва шаҳар маданияти фестивали пойтахтнинг Дўстлик боғида бўлиб ўтади. Дастурдан — open air (очиқ осмон) форматида ўтадиган жонли ижродаги концертлар ва рақс жамоаларининг саҳна чиқишлари, шеърият тадбирлари, йога бўйича мастер-класслар, кўргазмалар ўрин олган.

12 апрель 2022, 17:37

Ғафур Ғулом боғига аттракционлар ўрнатиб, бирга бизнес қилишга ваъда берган шахс $60 мингни ўзлаштириб юборди

Тошкентда дўстига Ғафур Ғулом номидаги боғда янги аттрационлар сотиб олиш ва ўрнатиш лойиҳасига сармоя киритишни таклиф қилган шахс берилган 60 минг долларни ўз эҳтиёжлари учун сарфлаб юборган. Ҳолат юзасидан жиноий иш қўзғатилган.

12 апрель 2022, 16:55

Чуст тумани ҳокими ёрдамчиси ер ажратиб бериш эвазига $15 минг талаб қилганлиги айтилмоқда

Наманган вилояти Чуст тумани ҳокимининг чегара масалалари бўйича ёрдамчиси ва яна бир қанча шахслар фуқарога 5,3 гектар ерни ажратиб бериш эвазига 15 минг доллар талаб қилганликда гумонланмоқда. Улар ушбу пулдан 1500 доллар ва 5,6 млн сўмини олганида қўлга тушган.

12 апрель 2022, 15:55

Фото: Тошкент аэропорти, Урганч ва Фарғона водийси янги аэропортлари ташқи кўриниши

Шавкат Мирзиёев Тошкент аэропорти, Урганч аэропорти ва Фарғона водийси вилоятлари учун ягона аэропорт фасадининг концептуал кўриниши билан танишди.

12 апрель 2022, 13:50 1

Нукусда янги туғилган чақалоқ уни адашиб ўлик деб, «морг»га бериб юборишгач вафот этди

Ўтган йили Нукусда шифокорлар янги туғилган чақалоқни хато туфайли ўлган деб қайд этиб, патология бюросига бериб юборишган. Патолого-анатомик чақалоқнинг кўкрак қафасини очганида уни ҳали тирик эканлигини аниқлаган, бироқ, унга биринчи ёрдамни кўрсатмасдан, шифокорларга қайтариб берган. Чақалоқ вафот этди, уч кишига нисбатан қўзғатилган жиноят иши судга оширилди.

12 апрель 2022, 12:27 3

5 йиллик иш тажрибасига эга хотин-қизларни ОТМга имтиҳонсиз қабул қилиш таклиф этилмоқда

Оила ва хотин-қизлар қўмитаси мутахассислиги бўйича 5 йиллик меҳнат тажрибасига эга аёлларни ОТМларга имтиҳонсиз, контракт асосида қабул қилиш таклифини билдирди. Жамоатчилик муҳокамасига қўйилган ҳукумат қарори лойиҳасида тавсиянома 3 йилга берилиши, уларга алоҳида квота ажратилиши ва бундай абитуриентлар ўртасида алоҳида тест синовлари ўтказилиши белгиланмоқда.

12 апрель 2022, 11:42

Фуқароларнинг 822 минг сўмгача бўлган қарздорлиги иш ҳақидан ундирилади

Қонунчиликка киритилган ўзгартишларга мувофиқ, ижро ишини юритишнинг соддалаштирилган тартиби белгиланди. Унга кўра, ундирув қарздорнинг мол-мулкига эмас, балки унинг банкдаги ҳисобрақамига қаратилади. Қолаверса, 822 минг сўмгача бўлган қарздорлик иш ҳақи, стипендия, пенсия ёки бошқа даромаддан ундирилиши мумкин.

12 апрель 2022, 11:31

МИБ ишига аралашганлик учун маъмурий ва жиноий жавобгарлик белгиланди

Қонунчиликка суд ҳужжатларининг мажбурий ижросига аралашганлик учун маъмурий ва жиноий жавобгарлик киритилди. МИБ ишига аралашиш ҳолати маъмурий жазо қўлланилганидан кейин ҳам содир этилса, 1 йилдан 3 йилгача озодликни маҳрум қилиш билан жазоланиши мумкин.

12 апрель 2022, 10:51

Тошкентдан Қозоғистонга автобус қатновлари йўлга қўйилди

12 апрелдан бошлаб Тошкентдан Қозоғистон шаҳарларига автобус қатновлари тикланади. Транспорт вазирлиги бешта шаҳарга рейслар жадвали ва чипталар нархларини эълон қилди.

12 апрель 2022, 10:09

Фарғонада Олимпия коллежи бош ҳисобчиси 4,3 млрд сўм пулни қиморга тикканлиги айтилмоқда

Фарғона вилояти Олимпия захиралари коллежи бош ҳисобчиси 3 йил давомида 4,3 млрд сўмлик маблағларни асоссиз равишда ўзлаштирганликда гумон қилинмоқда. У ўзлаштирилган маблағларни интернет орқали қимор ўйинларига тикиб, сарфлаб юборган. Бош ҳисобчига нисбатан «қамоққа олиш» эҳтиёт чораси қўлланилган.

12 апрель 2022, 10:04 1

«Халқ бу кучдир». Тошкент аҳолиси яна бир болалар майдончасини ҳимоя қилишга эришди

Тошкентнинг Юнусобод тумани Марказ-5 даҳаси аҳолиси қурувчи билан курашда янги бино қурилиши кўзда тутилган жойдаги болалар майдончаси ва яшил ҳудудни ҳимоя қилишга муваффақ бўлди. Можаро вақтида айрим аҳоли вакиллари ва фаоллар жароҳатланди. Ҳодиса пойтахт ҳокими Жаҳонгир Ортиқхўжаев аралашуви билан ҳал этилди.

11 апрель 2022, 22:20

11 апрель куни Ўзбекистонда содир бўлган энг муҳим хабарлар дайжести

Humo карталаридаги узилишлар, президент билан боғлиқ хабарлар остидаги «ўқувчиларимиз» изоҳлари, десантчиларнинг парашютда сакраш машғулотлари видеосини эълон қилган Мудофаа вазирлиги, кутилаётган иссиқ кунлар, Украинага гуманитар ёрдам юборган Ўзбекистон ва бошқалар — «Газета.uz» нинг 11 апрелдаги энг муҳим хабарлари дайжестида.

11 апрель 2022, 21:48

Uzbekistan Airways самолёти портлаш хавфи сабабли Москвада қўнди

Минскдан Тошкентга учаётган Uzbekistan Airways самолёти портлаш хавфи сабабли Москванинг Домодедово аэропортига қўнди. Ҳаво кемасига бомба қўйилганлиги ҳақидаги хабар ўз тасдиғини топмади, дейилади авиакомпания хабарида.

11 апрель 2022, 18:20

Тошкентда $6900 қалбаки купюраларни сотишга уринган шахслар ушланди

Тошкент шаҳрида 6900 доллар қалбаки купюраларни сотишга уринганликда гумонланган уч киши қўлга олинди. Тошкент вилоятида эса икки фуқаро 11 минг долларни ноқонуний тарзда 125,4 млн сўмга сотмоқчи бўлганида ушланди.

11 апрель 2022, 17:43

Ҳар йили Ëшлар куни ва «Ëшлар форуми» доирасида беш босқичли спорт мусобақалари ўтказилади

Президент қарорига мувофиқ, ҳар йили анъанавий тарзда 30 июнь — Ëшлар куни ва «Ëшлар форуми» доирасида спортнинг 9 та тури бўйича беш босқичли оммавий спорт мусобақалари ўтказилади. Бу орқали йил охиригача 6 млн нафар ёшларни спорт билан қамраб олиш режа қилинган. Бундан ташқари, 2023 йил 1 мартдан олимпия, ноолимпия ва миллий спорт турлари, қолаверса, мактаб ва ОТМлар доирасида ҳам мусобақалар ташкиллаштирилади.

11 апрель 2022, 16:58

«Болаларга нисбатан зўравонликни тўхтатинг» — Бола омбудсмани

Қорақалпоғистонда ўз фарзандларига жисмоний ва руҳий тазйиқ ўтказган аёлга нисбатан жиноят иши қўзғатилди. Бола омбудсмани Алия Юнусова эса «болаларга нисбатан зўравонликни тўхтатишни» сўраб чиқди. «Биз жамият сифатида бу ҳақиқатни қабул қилмаслигимиз керак. Болаларни шафқатсиз муомала ва зўравонликдан асраш учун барча имкониятларни ишга солишимиз лозим», — деди у. Вакил ҳолатни ўз назоратига олди.

11 апрель 2022, 15:13

Tinkoff компанияси CloudPayments савдо белгисини Ўзбекистонда рўйхатдан ўтказмоқда

Tinkoff Global компанияси Ўзбекистонда CloudPayments савдо белгисини рўйхатдан ўтказишни бошлади. Онлайн тўлов хизматини кўрсатувчи тизим аллақачон компанияни рўйхатдан ўтказган ва маҳаллий корхоналар билан музокараларни бошлаган.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг