Жамият

5 октябр 2021, 12:22

Болаларда юрак нуқсонларини даволаш учун 2021 йилда 500 та окклюдер харид қилинади

Президент қарорига мувофиқ, болаларда юрак нуқсонларини даволаш учун 2021 йилда 10 млрд сўмга 500 та окклюдер харид қилинади, келгуси йилдан уларнинг сони 5 мартагача оширилади. Қолаверса, туман ва шаҳар даражасида кам инвазив ва юқори технологик жарроҳлик амалиётлари кенг жорий этилади.

5 октябр 2021, 10:54

Чирчиқда ўзбек тилини тарғиб қилувчи варақалар пайдо бўлди

Чирчиқ маъмурияти жамоат жойларида ўзбек ва рус тилларида тез-тез ишлатиладиган сўзлар акс этган варақалар жойлаштириб, ўзбек тилидаги сўзлардан фойдаланишга чақирди. Ҳокимият хабарига кўра, Ўзбек тили куни арафасида ўтказилаётган «челленж»дан мақсад — ўзлашма сўзлар ўрнига ўзбек тилидаги сўзларни ишлатишни тарғиб қилишдан иборат.

5 октябр 2021, 10:05 3

Болаларни қўллаб-қувватлаш жамоат фонди ташкил этилади

Парламент ва Вазирлар Маҳкамасининг муассислигида Болаларни қўллаб-қувватлаш жамоат фонди ташкил этилмоқда. Унинг асосий мақсадларига эҳтиёжманд оилаларнинг фарзандларини, чин етимларни, оғир касалликка чалинган ва ногиронлиги бўлган болаларни даволаш, уларнинг таълим олишини, уй-жой билан таъминланишини ҳамда касб эгаллашларини қўллаб-қувватлаш киради.

4 октябр 2021, 21:33

4 октябрь куни Ўзбекистонда содир бўлган энг муҳим хабарлар дайжести

Янги эълон қилинган қарор ва фармонлар, Туркманистон президентининг Ўзбекистонга ташрифи, Сирдарёда туман ҳокими 860 дан ортиқ дарахтни кесишга рухсат бериши — «Газета.uz»нинг 4 октябрдаги энг муҳим хабарлари дайжестида.

4 октябр 2021, 20:01

Сирдарёда туман ҳокими 860 дан ортиқ дарахтни кесишга рухсат берди

Сирдарё вилоятининг Боёвут тумани ҳокими Дилфуза Ўролова бир куннинг ўзида (4 октябрь) 866 туп дарахтни кесишга оид 12 та қарорни имзолади. Дарахтлар зараркунандалар ва иқлим таъсири оқибатида қуриб қолгани сабаб қилиб кўрсатилган. Ҳолат юзасидан туман ҳокимлиги ва Давлат экология қўмитаси муносабат билдирди.

4 октябр 2021, 18:25

Россияда ишламоқчи бўлган ўзбекистонликларга қурилиш соҳасида 10 мингта иш ўрни таклиф этилди

Россиянинг турли ҳудудларида бир қатор салоҳиятли иш берувчилари томонидан Ўзбекистон фуқаролари учун қурилиш соҳасида 10 мингта бўш иш ўринлари таклиф қилинмоқда. Фуқаролар номига Россияда ишлаш ҳуқуқини берувчи патент Ўзбекистонда расмийлаштирилади.

4 октябр 2021, 17:43 1

Июль-сентябрь ойларида 675 та қариндошлар ўртасида никоҳ қайд этилган

Июль-сентябрь ойларида ФҲДЁ органлари томонидан қариндош бўлган 675 нафар келин-куёвнинг никоҳлари қайд қилинган. Энг кўп бундай никоҳ қайд қилинган ҳудудлар Сурхондарё, Қашқадарё ва Сирдарё вилоятлари ҳиссасига тўғри келади.

4 октябр 2021, 16:47

Самарқандда болалар боғчасида ёнғин содир бўлди

Самарқанд шаҳридаги боғчалардан бирида ёнғин содир бўлди. Ҳодиса оқибатида жабрланганлар йўқ. Ёнғиннинг келиб чиқиш сабаби ва моддий зарар миқдори аниқланмоқда.

4 октябр 2021, 15:51

Қўлланма: «Тонировка» учун онлайн рухсатнома олиш

1 октябрдан бошлаб автомобиль ойналарини қорайтириш учун рухсатномани фақат ЯИДХП орқали расмийлаштириш мумкин. Ўқувчиларнинг илтимосига кўра, «Газета.uz» «тонировка» сертификатини олиш бўйича қўлланмани тақдим этади.

4 октябр 2021, 15:08

«Бундан кейин барча адибларимизнинг музейларига бўлган эътибор янада кучайтирилади» — Азиз Абдуҳакимов

Абдулла Қодирий хотирасига бағишлаб ўтказилган тадбирда бош вазир ўринбосари Азиз Абдуҳакимов музейларга бўлган ёндошув тубдан ўзгараётганини таъкидлади. «Бундан кейин барча адибларимизнинг музейлари ва ҳатто уй-музейларга бўлган эътибор янада кучайтирилади», — деди у.

4 октябр 2021, 14:36

Чилонзорда янги қурилаётган уйда газ портлаши тафсилотлари маълум қилинди

Тошкентнинг Чилонзор туманидаги янги қурилаётган уйда газ портлаши квартиранинг газ таъминоти тизимига рухсатсиз уланиши оқибатида юз берди, дея маълум қилди «Ҳудудгазтаъминот». Аниқлик киритилишича, бино ҳали фойдаланишга топширилмаган.

4 октябр 2021, 12:28

Харид чекини рўйхатдан ўтказганларга харид суммасининг 1 фоизи қайтарилади

2022 йил 1 январдан бошлаб чакана савдо, умумий овқатланиш ва хизмат кўрсатиш объектларида харидни амалга оширган ва ушбу харидни солиқ органларининг махсус мобиль иловасида рўйхатдан ўтказганларга ўша харид суммасининг 1 фоизи бюджетдан қайтарилади. Кешбэк ҳар ой якунида жисмоний шахсларнинг банк карталарига ўтказилади. Чек бермаганлик ҳолати ҳақида хабар берганларга ундирилган жариманинг 20 фоизи мукофот тариқасида тўланади.

4 октябр 2021, 11:49

Ҳафта давомида совуқ об-ҳаво давом этиши кутилмоқда

Эртага шимолий ҳудудларга Кавказдан яна совуқ ва кучсиз ҳаво массалари кириб келади. 5−6 октябрда шимолда ва чўл ҳудудларининг баъзи жойларида шамол тезлиги 15−20 м/с гача кучаяйиши кутилмоқда. Ҳафта давомида ҳаво ҳарорати +17…+20 даража илиқгача кўтарилади.

4 октябр 2021, 11:25

14−20 октябрь кунлари сайловда муддатидан олдин овоз бериш мумкин бўлади

14−20 октябрь кунлари Ўзбекистон президенти сайловида муддатидан олдин овоз бериш ўтказилади.

4 октябр 2021, 10:57

Наманганда 6 ёшли бола юк машинаси уриб кетиши оқибатида ҳалок бўлди

Наманганда вилоятида 6 ёшли бола юк машинаси уриб кетиши оқибатида вафот этди. Ҳолат юзасидан жиноят иши қўзғатилди.

4 октябр 2021, 10:06 1

Блогер Бобур Ғаниев 15 суткага қамалди. Суд «мент» сўзини ҳақоратомуз сўз дея таърифлади

Автоблогер Бобур Ғаниев ИИББ ходимларини ҳақорат қилгани учун 5,4 млн сўмга жаримага тортилди. Судья «мент» сўзини ҳақоратомуз деб таърифлади. Блогер ва унинг шериклари ИИО ходимларининг хизмат вазифасини бажаришга қаршилик қилгани учун 15 суткага қамалди. Депутат Расул Кушербаев блогернинг телефони тинтув қилингани қанчалик қонуний эканлиги бўйича саволга берилди ва қамоқнинг «оммани ўзига жалб қилиш» билан тушунтирилганлиги бўйича хавотир билдирди.

4 октябр 2021, 02:05

Чилонзордаги кўп қаватли уйда газ портлаши содир бўлди

Тошкентнинг Чилонзор туманидаги етти қаватли янги уйда газ портлаши содир бўлди. Уйда яшовчилар жабрланмади, бир нечта квартирага зарар етган, деб хабар берди ФВВ.

3 октябр 2021, 21:45 1

Тошкентда Damas тўрт ўқувчини уриб юборди. Улардан бири шифохона йўлида вафот этди

Тошкентнинг Янгиҳаёт туманида Damas автомобили тезликни ошириб, йўл четида турган тўрт ўқувчини уриб юборди. Улардан бири шифохона йўлида вафот этди, қолганлари жиддий жароҳатлар билан касалхонага ётқизилди.

3 октябр 2021, 13:23

Хориждан ўқишни кўчиришда ўтиш бали жорий йилги кириш баллари билан бир хил бўлади

Келгуси йилдан хориждан ўқишни кўчиришда ўтиш бали жорий йилги кириш баллари билан бир хил бўлиши маълум қилинди. Мазкур имтиҳонлар ДТМда ўтказилади. Ички ўқишни кўчириш хусусида ҳам янгиликлар кутилмоқда.

3 октябр 2021, 11:10

Сурхондарёда Lacetti`даги газ баллони ёрилди

Шанба куни Сурхондарё вилояти Жарқўрғон туманида Lacetti автомобилига ўрнатилган газ баллони ёрилди. Ҳодиса оқибатида тан жароҳати олганлар йўқ.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг