Жамият
Сирдарёнинг сув босган ҳудудларида 50 та кўп қаватли уйлар қурилади
Сардоба сув омбори тўғони ўпирилиши оқибатида сув босган Сардоба, Оқолтин ва Мирзаобод туманларида 2020−2021 йиллар давомида 50 та кўп қаватли уй-жойлар қурилади. Сув тошқини оқибатларини бартараф этиш учун Сирдарё вилояти маҳаллий бюджетига дастлабки 100 миллиард сўм ажратилган.
Россия президенти номидан қорақалпоғистонлик уруш қатнашчиларига медаллар топширилади
Иккинчи жаҳон урушида эришилган ғалабанинг 75 йиллиги муносабати билан Россия президенти Владимир Путин номидан қорақалпоғистонлик 596 нафар уруш иштирокчисига, фронт ортида меҳнат қилган фуқароларга эсдалик медали топширилади.
АҚШ Ўзбекистонда COVID-19га қарши курашиш учун 2 млн доллар ажратди
АҚШ Касалликларни назорат қилиш ва олдини олиш маркази Ўзбекистонда коронавирусга қарши курашиш учун 2 млн доллар ажратди. Маблағлар шошилинч тиббий операциялар марказини ташкил этиш мақсадида тегишли жиҳоз харид қилиш ва тренинг ўтказишга ҳам сарфланади.
ЕХҲТ омбудсман идорасига шахсий ҳимоя воситаларини топширди
ЕХҲТнинг Ўзбекистондаги лойиҳалари координатори омбудсман идорасига шахсий ҳимоя воситаларини топширди. Улар пандемия даврида жазони ижро этиш муассасаларида мониторинг ўтказишда қўлланилади.
Уруш қаҳрамонлари ҳақида янги сайт яратилди
«Ўзархив» агентлиги Иккинчи жаҳон уруши қаҳрамонлари хотирасига бағишланган сайтни ишга туширди.Унда уруш қаҳрамонлари ҳақидаги маълумотлар, аскарларнинг мактублари ва бир қатор муҳим ҳужжатлар мавжуд.
Фарғона водийсида зилзила сезилди
Хитой-Қирғизистон чегарасида содир бўлган зилзила Фарғона водийсида ҳам сезилди.
Карантин: Қашқадарё «яшил», Сурхондарё «сариқ» ҳудудга киритилди
Эпидемиологик вазиятга кўра Қашқадарё «яшил», Сурхондарё эса «сариқ» ҳудудга киритилди.
Навоийда фожиали авария: катта тезликда қизил чироқдан ўтган Nexia-3 симёғочга урилди
Навоийда катта тезликда ҳаракатланган Nexia-3 қизил чироқдан ўтиб, йўл четидаги симёғочга бориб урилди. Ҳайдовчи ҳодиса жойида оламдан ўтди.
Жиззахда 10 яшарли қиз сел оқимида ҳалок бўлди
Жиззахда сел оқими туфайли 10 яшарли қиз ҳалок бўлди. У даладан молларини уйига ҳайдаб келиш учун сойдан ўтаётганда сел келиб қолган.
Туман ва шаҳарлар карантин даражасига кўра ажратилади
Ҳар бир туман ва шаҳар санитария-эпидемиологик вазиятга қараб «қизил», «сариқ» ёки «яшил» ҳудудларга ажратилади.
Стикерлар бекор қилинади, айрим хизмат кўрсатиш субъектларига ишлашга рухсат берилади
Эпидемиологик вазият яхши бўлган ҳудудларда, санитария талабларини белгилаган ҳолда, ноозиқ-овқат дўконлари, тиббий диагностика, такси хизмати, таъмирлаш, тикувчилик, маиший техника ва пойабзал тузатиш, сартарошхоналар фаолиятига рухсат берилади. Шунингдек, стикерлар бекор қилиниб, шахсий автомобиллардан фойдаланиш мумкин бўлади.
Сардоба тошқинида 4 киши ҳалок бўлди, 1 киши бедарак йўқолган
Президент Шавкат Мирзиёев Сирдарё вилоятида Сардоба сув омбори тўғони ўпирилиши натижасида юзага келган сув тошқинида 4 кишининг вафот этгани, 1 кишининг бедарак йўқолганини маълум қилди.
Сирдарёда сув тошқинининг дастлабки зарарлари эълон қилинди
ФВВ Сардоба сув омбори тўғони ўпирилиши оқибатида инфратузилмаларга етган дастлабки зарар миқдорини маълум қилди. 8 та болалар боғчаси, 16 та мактаб, 7 та тиббиёт муассасаси, 7 та қабристон, 13 та кўприк ва бошқа объектлар зарар кўрган.
Маст ҳайдовчи 22 ёшли аёл ва икки ёшли бола ўлимига сабаб бўлди
Самарқанд вилоятида маст ҳайдовчи қарама-қарши йўналишда юк машинаси билан тўқнашув содир қилди. Ёш аёл ва унинг икки ёшли фарзанди ҳалок бўлди.
Хотиржамликнинг баҳоси. Сардоба фожиаси бизга нимани ўргатди?
Сардоба фожиаси бизга халқимизнинг офат қаршисида бемисл даражада ҳамжиҳат эканини кўрсатди. Мамлакатнинг ҳар бир ҳудудидан Сирдарёга техникалар ва минглаб тонна инсонпарварлик ёрдами оқиб келмоқда. Офат оқибатлари қай даражада ва ундан қандай ибрат-хулосалар чиқаришимиз керак? Сабина Бакаева ва Шуҳрат Латипов репортажи.
Юлдуз Усмонованинг хатти-ҳаракатларига ҳуқуқий баҳо берилади
ИИВ Юлдуз Усмонованинг ички ишлар органлари ходимларини ҳақорат қилгани акс этган видеомурожаатини ўрганмоқда. Тошкент ИИББ хонанданинг хатти-ҳаракатларига ҳуқуқий баҳо беради.
Тошкент давлат транспорт университети ташкил этилади
Президент қарори билан Тошкент темир йўл муҳандислари институти, Тошкент автомобиль йўлларини лойиҳалаш, қуриш ва эксплуатацияси институти ҳамда Тошкент давлат техника университетининг авиакосмик технологиялари факультети бирлаштирилиб, Тошкент давлат транспорт университети ташкил қилинмоқда.
Коронавирусдан соғайганлар сони 1400 нафардан ошди
Кун давомида 86 нафар коронавирус бемори тўлиқ соғайиб, жами тузалганлар сони 1405 нафарга етди.
Сирдарёда сув тошқини вақтида шикастланган электр тармоқлари тикланмоқда
«Сардоба» сув омбори тўғони ўпирилиши натижасида 4 та нимстанция сув остида қолгани ҳамда 8 мингдан ортиқ истеъмолчи электр таъминотидан маҳрум бўлгани аниқланди. Ҳозирда шикастланган электр тармоқларида тиклаш ишлари олиб борилмоқда.
Сардобадаги қутқарув ишларида 2 нафар Миллий гвардия ходими оқиб кетган
«Сардоба» сув омбори тўғони ўпирилган илк соатларда эвакуация-қутқарув ишларида қатнашган 2 нафар Миллий гвардия ходими кучли оқимга дуч келиб, оқиб кетди. Улардан бири ҳалок бўлди, иккинчи ходимни қидириш ишлари давом этмоқда.
"Газета.uz"да рўйхатдан ўтиш
Қўшимча имкониятларга эга булиш учун сайтда рўйхатдан ўтинг