Жамият

3 июн 2022, 09:22

Кассир харидорлар чекидан 16,5 млн сўм кешбэк йиғди

Ўзбекистонда компаниялардан бирининг кассири бир ой давомида харидорларнинг 1,6 млрд сўмлик 152 дона касса чекларини рўйхатдан ўтказиб, салкам 16,5 млн сўм миқдорида кешбэк тўплагани аниқланди. Давлат солиқ қўмитаси ушбу суммани бекор қилди.

2 июн 2022, 22:41

Прокуратура Қашқадарёда аскар йигитнинг ўлими юзасидан тергов ҳаракатларини бошлади

Қашқадарёда муддатли ҳарбий хизматга чақирилган 18 ёшли Руслан Қидиралиев вафот этди. Ўлимга «сурункали юрак ишемик касаллиги» сабаб бўлгани айтилмоқда. Бироқ яқинлари бунга ишонаётгани йўқ ва унинг калтакланганини даъво қилишмоқда. Ҳарбий прокуратура терговни бошлади.

2 июн 2022, 22:00

2 июнь куни Ўзбекистонда содир бўлган энг муҳим хабарлар дайжести

Ўзбекистонга келган Тожикистон президенти, Россиядан депортация қилинадиган ўзбек ва тожик мигрантлари, шакар танқислиги бўлмаслигини айтган Иқтисодий тараққиёт вазирлиги, аукцион орқали ижарага бериладиган метродаги ерлар ва бошқалар — «Газета.uz» нинг 2 июндаги энг муҳим хабарлари дайжестида.

2 июн 2022, 18:36

Мактабларга 1-синфга қабул қилиш ва кўчириб ўтказиш тартиби тасдиқланди

Ҳукумат қарорига кўра, болалар 1-синфга 7 ёшга тўладиган йилда, 20 июндан 31 июлгача ЯИДХП ёки ХТВнинг электрон хизматлар портали орқали юборилган ариза асосида қабул қилинади. Шунингдек, ўқувчиларни бир мактабдан бошқасига кўчириб ўтказиш тартиби ҳам белгилаб берилди.

2 июн 2022, 17:55

Июнь ойида Ўзбекистон бўйлаб ёшлар фестиваллари ўтказилади

30 июнга қадар Ёшлар ойлиги муносабати билан Ўзбекистонда «маҳалла-сектор-туман-ҳудуд-республика» даражасида ёшлар фестиваллари ва форум, танлов ва спорт мусобақалари ўтказилади. Улар қаторидан Бухорода Туркий давлатлар ташкилоти ва Тошкентда ШҲТга аъзо давлатлар ёшлари учун форумлар ҳам ўрин олган.

2 июн 2022, 17:22

Баҳодир Абдикаримов Маданий мерос агентлигига раҳбар бўлди

Бош прокуратура масъул ходими Баҳодир Абдикаримов Туризм ва спорт вазирлиги ҳузуридаги Маданий мерос агентлиги директори этиб тайинланди. У мазкур лавозимда 5,5 ой ишлаган Шахриёр Нуруллоевнинг ўрнини эгаллади.

2 июн 2022, 12:53

50 тоннадан ортиқ туз сотувдан олиб ташланди — СЭС

Май ойида 7 та корхонада стандартларга жавоб бермайдиган 50 тоннадан ортиқ йодланган тузнинг сотувга чиқарилиши тақиқланди. Ҳозирда республикада жами 117 та корхона туз ишлаб чиқаради ва қадоқлайди. Фарғона водийсида истеъмол қилинадиган тузнинг 10−53 фоизида йод миқдори паст экани маълум бўлди.

2 июн 2022, 12:53

Низоли ҳолатда ЙПХ ходимини тасвирга олишни ҳеч ким тақиқламоқчи эмас — Алишер Қодиров

«Миллий тикланиш» партияси етакчиси Алишер Қодиров фракция аъзолари ЙПХ ходимини суратга олишни тақиқловчи қонун лойиҳасини бошқа нормалар борлиги учун ҳам қўллаб-қувватлаганини маълум қилди. Унинг сўзларига кўра, низоли ҳолатда ЙПХ ходимини тасвирга олишни ҳеч ким тақиқламоқчи эмас. Партия депутатлари эса мазкур нормани қонундан чиқариб юбориш кераклигини, ички ишлар ходимлари қасддан фуқароларни айбдор қилишга уринганида ўзини ҳимоя қилиш учун ҳам видеога олиш зарурлигини таъкидлашди.

2 июн 2022, 12:11 1

Ер усти метроси остидаги ер майдонлари аукцион орқали ижарага берилади

Ҳукумат қарори билан ер усти метро йўналишлари остида жойлашган ер участкалари Тошкент шаҳар ҳокимлиги захирасига ўтказилади. Ер майдонлари фудтрак ҳамда енгил турдаги қурилмаларни қуриш ва жойлаштириш учун аукцион орқали 5 йилга ижарага берилади. Шунингдек, «Дўстлик-Қўйлиқ» ер усти метро йўналиши 1−5 бекатлари оралиғида сайилгоҳлар ташкил этилади.

2 июн 2022, 11:58

ДХХ Андижонда психотроп дорилар савдоси билан шуғулланган шахсларни қўлга олди

ДХХ Андижонда кучли таъсир қилувчи дори воситалари савдоси билан шуғулланиб келган гуруҳ фаолиятига чек қўйди. Гумондорлар ёнидан, уларга тегишли машина ва хонадонлардан жами 5,5 мингга яқин «Тропикамид», «Зардекс», «Лирика», «Регапен» ва «Циклодол» топилди. Қолаверса, гаров сифатида қолдирилган ҳайдовчилик ва никоҳ гувоҳномалари, диплом, паспортлар борлиги аниқланди. Уларга нисбатан жиноят иши қўзғатилди.

2 июн 2022, 10:23

Ўзбекистон ёзда Роғун ГЭСдан энергия сотиб олишни режалаштирмоқда

Ўзбекистон ва Тожикистон ҳукуматлари ёзда Роғун ГЭСдан электр энергия экспорт қилиш бўйича меморандум имзолади. Йил охиригача энергия сотиб олиш ҳажми ва тарифлари бўйича шартнома тузиш режалаштирилган.

1 июн 2022, 23:52

Ўзбекистон-Туркманистон чегарасида автоташувчилар учун ўрнатилган қатор чекловлар бекор қилинди

Ўзбекистон-Туркманистон чегарасидаги «Олот» ва «Фарап» ўтказиш пунктлари одатий режимга қайтиб, Туркманистон ҳудудига хорижий автоташувчиларнинг кириши билан боғлиқ бир қатор чекловлар бекор қилинди.

1 июн 2022, 23:00

1 июнь куни Ўзбекистонда содир бўлган энг муҳим хабарлар дайжести

Нархи ошган «буханка», ўсимлик ёғи маҳсулотларини экспорт қилишни тақиқлаган Ўзбекистон, Самарқандда тўй вақтида овқатдан заҳарланган 19 киши, қишлоқ аёлларини қўллаб-қувватлаш учун $2,4 млн ажратадиган USAID, камарга ёзилган штраф учун жанжал кўтариб, қамалган 3 нафар қашқадарёлик ва бошқалар — «Газета.uz» нинг 1 июндаги энг муҳим хабарлари дайжестида.

1 июн 2022, 18:54

Музейлардаги маданий бойликларни муҳофаза қилиш кучайтирилади

Ўзбекистон музейларида экспонатларнинг оммавий ўғриланиши ва қалбакилаштирилиши ҳақидаги хабарлардан сўнг, президент музей ашёлари ва коллекцияларини тўлиқ инвентаризациядан ўтказиш, уларни муҳофаза қилишни кучайтириш бўйича топшириқ берди. Тошкентдаги учта музейни хорижий музейлар тажрибаси асосида реконструкция қилиш, жиҳозлаш, рақамлаштириш ва янги экспозициялар яратиш ишлари олиб борилмоқда. Қолаверса, Маданий мерос кодекси ишлаб чиқилиши кутилмоқда.

1 июн 2022, 18:09

Давлат экология қўмитаси аҳоли ва фермерларни сомон пояларини ёқмасликка чақирди

Ғалла ўрим йиғими мавсуми бошланиши муносабати билан Давлат экология қўмитаси аҳоли ва фермерларни далаларда қолган сомон поя қолдиқларини ёқмасликка чақирди. Сомон поя қолдиқларини ёқиш иқтисодиёт ва атроф-муҳитга кўплаб зарар этказади. Бу тупроқ унумдорлигининг кескин пасайишига, ҳавонинг ифлосланишига ва бошқа зарарларга олиб келади.

1 июн 2022, 17:56

Фуқаровий қурол ва ўқ-дориларни ҳадя этиш тақиқланди

«Қурол тўғрисида»ги қонунга киритилган ўзгартиришларга кўра, Ўзбекистон ҳудудида фуқаровий қурол ва унинг ўқ-дориларини ҳадя этиш тақиқланмоқда. Шунингдек, ов қуроли ва ўқ-дориларини олиш ҳуқуқига эга бўлиш учун ёш чегараси 25 ёш этиб белгиланди. Қолаверса, қурол эгалари даврий тиббий текширувдан ўтказиб турилади.

1 июн 2022, 17:45

Қаршида хавфсизлик камарига ёзилган жарима сабаб йўлни тўсиб қўйганларнинг 3 нафари 10 суткага қамалди

Қаршида хавфсизлик камарини тақмаганлик учун белгиланган жаримадан норози бўлиб йўлни тўсган такси ҳайдовчиларнинг 3 нафари 10 суткага қамалди, яна 12 нафари огоҳлантирилди.

1 июн 2022, 16:45

Кўп қаватли уйлар конструкцияларини ноқонуний ўзгартирганлик учун жавобгарлик кучайтирилди

Президент имзолаган қонунга мувофиқ, кўп квартирали уйлар конструкцияларини ноқонуний ўзгартирганлик ва уларга туташ ерда қурилиш ишларини амалга оширганлик учун жавобгарлик кучайтирилмоқда. Ҳуқуқбузар жисмоний шахслар 9 млн сўмгача, мансабдорлар эса 15 млн сўмгача жаримага тортилади. Қоидабузарликни биринчи марта содир этган шахс ихтиёрий равишда муаммони бартараф этса, жавобгарликдан озод қилинади.

1 июн 2022, 15:08

Антимонополия қўмитаси «буханка» нархи кескин ошганига муносабат билдирди

Антимонополия қўмитаси пойтахтда қолипли нон («буханка») нархининг кескин кўтарилганига муносабат билдирди. «Ун маҳсулоти заҳираси шакллантирилган бўлиб, нарх наволарнинг кескин ошиб кетмаслиги учун зарур миқдорда савдоларга қўйиб борилади», — дейилади хабарда. Қўмита фуқаролардан сунъий «ажиотаж» вужудга келтирмасликни сўрамоқда.

1 июн 2022, 14:04

«Озодлик Радиоси» Ўзбекистонда журналистларни аккредитациядан ўтказишни муҳокама қилмоқда

«Озод Европа Радиоси / Озодлик Радиоси» медиа корпорацияси президенти Жейми Флай Ахборот ва оммавий коммуникациялар агентлигида музокаралар ўтказди. Учрашувда «Озодлик» материаллари Ўзбекистон қонунчилиги ва «журналист этикасига» мос келиши, қолаверса, журналистларни аккредитациядан ўтказиш масалалари муҳокама қилинди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг