Жамият

Бугун, 20:38

ОТМларга 950 мингга яқин абитуриент ҳужжат топширди

Ўзбекистонда қарийб 950 минг нафар абитуриент олий таълим муассасаларига ҳужжат топширди. Бу ўтган йилги кўрсаткичдан 535 минг киши ёки 36,1 фоизга кам. Ҳужжат топширганларнинг 46 фоизи сиртқи таълимга ҳужжат топширган.

Бугун, 20:10

Тошкентда тез ёрдам машинаси иштирокидаги ЙТҲ оқибатида йўловчи вафот этди

Пойтахтда Nexia ва тез тиббий ёрдам автомашинаси иштирокида ЙТҲ содир бўлди. Оқибатда Ford русумли тез тиббий ёрдам автомобили йўловчиси шифохонада вафот этди. Ҳолат юзасидан дастлабки терговолди суриштирув ҳаракатлари олиб борилмоқда.

Бугун, 17:32

Намангандаги поликлиникада шифокор дўппосланиши юзасидан жиноят иши очилди

Наманган шаҳридаги оилавий поликлиникада фуқаро ўғлига нотўғри ташхис қўйганликда шифокорни айблаб, у билан муштлашиб кетган. Шифокорнинг юз, бош ва қўл қисмига жароҳатлар етказилган. «Безорилик» моддаси билан жиноят иши қўзғатилди.

Бугун, 16:36

«Салар» канали бўйидаги қайта ишлаб чиқариш ва қорамол қушхоналари Тошкент вилоятига кўчирилади

«Салар» канали бўйида ва Тошкентдаги сув тозалаш иншооти яқинида жойлашган баъзи ишлаб чиқариш объектлари ва қорамол қушхоналари Олмалиқ ва Оҳангарондаги махсус саноат зоналарига кўчирилади.

Бугун, 14:35

Аҳоли мурожаатларини ҳал қилиш учун «Тезкор штаблар» ташкил этилмоқда

Вилоят ҳокимликларида аҳоли мурожаатларини ҳал қилиш учун «Тезкор штаблар» ташкил этилади. Уларнинг фаолиятига ҳокимлар раҳбарлик қилади. «Ҳар бир ҳокимнинг кабинети „халқ қабулхонаси“ бўлади», — деган эди Шавкат Мирзиёев 23 июль куни ушбу масалаларга оид видеоселекторда.

Бугун, 13:50

Туркиялик мухожирлар, уч эгизакнинг онаси, Гарвард битирувчиси, молекуляр биолог: коронавирусга қарши вакциналарни яратганлар ким?

Бирор юқумли касалликка шифо топиш, вакцина яратиш — жуда катта масъулият ва тажрибани талаб этади. Чунки бир доза препарат билан ёки инсонни нормал ҳаётга қайтариш, ёки бирор ножўя таъсир билан нохуш ҳолатларга олиб келиш мумкин. Ўзбекистонда коронавирусга қарши қўлланилаётган 5 та вакцина муаллифлари ва вакциналар қандай яратилганлиги ҳақида «Газета.uz» мақоласида.

Бугун, 11:46

ИИБ 11 ёшли боланинг зўрлангани тўғрисидаги хабарни текширмоқда

Қува тумани ИИБ 11 ёшли боланинг амакиси томонидан жинсий тажовузга учрагани тўғрисидаги хабарни текширмоқда. Фарғона вилоят прокуратураси ишни назоратига олди.

Бугун, 09:56

Ўзбекистон Туркистонда 5000 ўринли янги масжид қурмоқда

Ўзбекистон кўмаги билан Туркистон шаҳрига кираверишда 5 минг кишига мўлжалланган масжид қурилмоқда. Унинг умумий майдони 20 минг квадрат метрни ташкил қилиб, қурилиш ишлари кейинги йил якунланиши режалаштирилган.

Кеча, 20:43

3 август куни Ўзбекистонда содир бўлган энг муҳим хабарлар дайжести

Элдор Шомуродовнинг «Рома»га ўтиши, президент раҳбарлигида ўтказилган видеоселектор йиғилиши, Олимпия ўйинларида Ўзбекистон делегацияси қўлга киритган навбатдаги олтин медаль — «Газета.uz»нинг 3 августдаги энг муҳим хабарлари дайжестида.

Кеча, 20:35

Фарғоналик шахс икки йил давомида ўғил бола жиянини зўрлаб келгани айтилмоқда

Фарғона вилоятида 11 ёшли бола икки йил давомида ўз амакисининг жинсий тажовузига учрагани айтилмоқда. Ҳодиса тўғрисида блогер Ақида Ханум маълум қилди.

Кеча, 18:09

$70 минг эвазига қамоқхонадаги шахсни озод қилишга ваъда берган фуқаро қўлга олинди

Тошкентда ИИВ Жазони ижро этиш департаментидаги танишлари орқали 19 йилга қамалган шахсни озодликка чиқаришга ваъда берган сурхондарёлик фуқаро қўлга олинди.

Кеча, 15:47

ЮНЕСКО қўмитаси Ўзбекистонга Шаҳрисабзни қайта тиклаши учун яна бир йил муддат берди

ЮНЕСКО Умумжаҳон мероси қўмитаси пандемия шароитида Ўзбекистонга Шаҳрисабзнинг тарихий қисмини қайта тиклаши учун яна бир йил муддат бериш тўғрисида қарор қабул қилди.

Кеча, 13:33

Veolia Тошкент иссиқлик таъминоти тизими бошқарувини қўлга киритади

Франциянинг Veolia компанияси Тошкент иссиқлик таъминоти тизими бошқарувини қўлга киритади. Компания 30 йил ичида 315 млн евро ҳамда лойиҳа даврида олинадиган даромад ҳисобидан 1 млрд 80 млн евро инвестиция киритади. 10 йил ичида Тошкентдаги барча қозонхоналарни ёпиқ иссиқлик таъминоти тизимига ўтказиш ҳам режа қилинган. Синов лойиҳалари иккита туманда амалга оширилади.

Кеча, 13:06

«Тошкент транспорти» мобил иловаси ишга туширилди

Пойтахт жамоат транспортининг реал вақтдаги ҳаракатини кузатишга мўлжалланган «Тошкент транспорти» мобил иловаси ишга туширилди. Илова орқали транспорт карталарини сотиш шаҳобчаларининг жойлашувини ҳам кўриш мумкин.

Кеча, 12:09

Бухорода «Абдуллахон» мадрасаси девори ўпирилиб тушди

Бухородаги «Абдуллахон» мадрасаси орқа томон деворининг бир бўлаги ўпирилиб тушди. Қайд этилишича, ҳодиса иссиқ ва совуқ иқлим, ёғингарчиликлар ва ер ости сувларининг кўтарилиши таъсирида содир бўлган.

Кеча, 11:21

«Хўп, хўп хўжайин». Тошкентда ЙПХ ходими яна жарима ёзмасдан ҳайдовчини қўйиб юборди

Тошкент вилоятида яна ЙПХ ходими Malibu ҳайдовчисига протокол тузмоқчи бўлганида, у ҳайдовчининг телефонида «хўжайин» билан гаплашди. Якунда ходим ҳайдовчини «огоҳлантириб», қўйиб юборди. Мазкур жараён Toshkent телеканали эфирида узатилган.

Кеча, 11:03

ОТМларга кириш имтиҳонлари ўтказиладиган хиёбон ва стадионлар манзиллари эълон қилинди (рўйхат)

Республика бўйлаб 2021−2022 ўқув йили учун тест синовлари ўтказиладиган хиёбон ва стадионларнинг манзиллари рўйхати маълум қилинди.

Кеча, 09:51 1

Пойтахтда дарахтларни суғориш бўйича акция ўтказилмоқда

Пойтахтда 2 августдан 7 августгача «Шаҳримиз дарахтларини биргаликда асрайлик!» шиори остида дарахтларни суғориш акцияси ўтказилмоқда.

Кеча, 09:26

Сенат ўзбекистонликларни хорижга ишга юборишда камчиликларга йўл қўйган раҳбар ишдан бўшатилганини маълум қилди

Сенат Ташқи меҳнат миграцияси агентлигининг Андижон филиали Россияга ишга жўнатган 41 нафар ўзбекистонликлар ваъда қилинган маош тўланмаётганлиги ҳақидаги мурожаатни ўрганиш натижаларини эълон қилди. Аниқланишича, фуқароларнинг паспортлари расмийлаштириш учун олинган ва улар бир соатлик иш ҳақини бир кунлик деб «нотўғри тушунишган». Ушбу воқеалар ортидан агентликнинг Андижон филиали раҳбари Улуғбек Юлдошев ишдан бўшатилди.

2 август 2021, 20:47

2 август куни Ўзбекистонда содир бўлган энг муҳим хабарлар дайжести

Шавкат Мирзиёевнинг коронавирусга қарши вакцина олганлиги, ЙПХ ходими Malibu ҳайдовчисига протокол тузмоқчи бўлгани, лекин буйруқ асосида уни қўйиб юбориши, давлат раҳбарининг ҳафталик иш графики — «Газета.uz»нинг 2 августдаги энг муҳим хабарлари дайжестида.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг