Жамият
Қозоғистон чегарадан ўтишдаги чекловларни бекор қилади
11 апрелдан Қозоғистон Ўзбекистон, Қирғизистон ва Россия билан қуруқликдаги ўтказиш пунктларида чегарани кесиб ўтиш чекловларини бекор қилади. Манфий ПЗР тести ёки ковидга қарши эмланганлик тўғрисидаги сертификатга эга бўлиш талаби сақланиб қолмоқда.
6 апрель куни Ўзбекистонда содир бўлган энг муҳим хабарлар дайжести
Ўзбекистон санкциялар туфайли Россияга автомобиль сотишни тўхтатгани, 30 апрелгача ёпилган «Ғалаба боғи», депутатлик мақоми тугатилган Мурод Назаров, февралда энг кўп олтин сотган Ўзбекистон, ИТСВга ташқи савдо операцияларини тартибга солиш ваколати берилгани, дориларни маркировкалаш 1 сентябрдан бошланиши ва бошқалар — «Газета.uz» нинг 6 апрелдаги энг муҳим хабарлари дайжестида.
Зангиота туман ҳокими ёрдамчиси пора олаётганда ушланди
Тошкент вилояти Зангиота тумани ҳокими ёрдамчиси ва кадастр бўлимининг собиқ ходими 1000 доллар пора олаётган вақтда қўлга олинди. Улар тадбиркорга турар-жой биноси қуриш учун рухсатнома ва кадастр ҳужжатларини расмийлаштириб беришни ваъда қилишган.
8−11 апрель кунлари кучли шамол бўлиши кутилмоқда — Ўзгидромет
Ҳафтанинг пайшанба кунидан бошлаб республиканинг турли ҳудудларида шамол тезлиги ошиб, 17−22 м/с гача кучайиши кутилмоқда. Айрим жойларда чанг тўзони ҳам бўлиши мумкин. Кучли шамол 11 апрелгаа давом этиши тахмин қилиняпти.
Коррупциявий жиноятларнинг учдан бирини соғлиқни сақлаш, таълим ва банк тизими ходимлари содир этган — Сенат раиси
Сенат раиси Танзила Нарбаева коррупциявий жиноятларнинг ҳар учтадан биттаси соғлиқни сақлаш, таълим ва банк тизими ходимлари томонидан содир этилганини маълум қилди. Шунингдек, тўғридан-тўғри порахўрлик эмас, балки фирибгарлик йўли билан ўзгалар мулкини ўзлаштириш ёки растрата йўли билан талон-торож қилиш ҳолатлари кўпайгани айтилди.
Ўзбекистонликлар қайси автомашина бренди билан кўпроқ қизиқишади?
Google trends маълумотларига кўра, ўзбекистонликлар охирги бир йил ичида асосан Hyundai ва Kia автобрендлари ҳақида маълумот излашган. BMW`га асосан Сирдарё вилоятида истиқомат қилувчилар қизиқса-да, Андижон, Фарғона ва Тошкент вилоятларида ҳам ушбу брендга қизиқиш катта.
Москвадаги қурилишда Ўзбекистон ва Тожикистон фуқаролари оммавий муштлашди (видео)
Москвадаги турар жой мажмуаси қурилиш майдонида Ўзбекистон ва Тожикистон фуқаролари оммавий муштлашди. Жанжалга «аҳмоқ» деган сўз сабаб бўлгани айтилмоқда. Ўзбекистон элчихонасининг консуллик бўлими вазият назорат остида эканини маълум қилди. Ташқи меҳнат миграцияси агентлиги 41 нафар тожикистонлик ва 85 нафар ўзбекистонлик меҳнат мигранти ҳибсга олинганини маълум қилди. Уларнинг 20 нафарига нисбатан депортация қилиш чораси қўлланиши кутилмоқда.
ОАВ билан тизимли ишламагани учун Автоқўмита раиси ва Андижон шаҳар ҳокими огоҳлантирилди
Вазирлар Маҳкамаси мажлисида давлат органлари матбуот хизматлари фаолияти танқид қилинди. Жиззах вилоятидан бошқа барча ҳудудлар сайтида очиқ маълумотлар уч ойгача янгиланмагани таъкидланди. ОАВ ва жамоатчилик билан тизимли алоқаларни йўлга қўймагани учун Автомобиль йўллари қўмитаси раиси Абдураҳмон Абдувалиев ва Андижон шаҳар ҳокими Бахромжон Ҳайдаров огоҳлантирилди.
Мурод Назаровнинг депутатлик ваколати муддатидан аввал тугатилди
Халқ депутатлари Тошкент шаҳар кенгашининг қарори билан депутат Мурод Назаровнинг депутатлик ваколатлари муддатидан илгари тугатилди. У ўз аризасига кўра депутатликдан кетган.
Дорилар ва тиббиёт буюмларини маркировкалаш 1 сентябрдан бошланади
Дори воситалари ва тиббий буюмларни мажбурий рақамли маркировкалаш тизими 2022−2025 йиллар давомида босқичма-босқич жорий қилинади. Биринчи босқич 1 сентябрдан бошланади.
Тошкентдаги ёқилғи қуйиш шохобчасининг 3 нафар ходими бензин паридан заҳарланди
Пойтахтнинг Чилонзор туманидаги ёқилғи қуйиш шохобчасида уч нафар ходим бензин паридан заҳарланиб, ҳушини йўқотди. Улар Республика шошилинч тиббий ёрдам марказининг токсикология бўлимига ётқизилган.
Тошкентдаги «Ғалаба боғи» мажмуаси 30 апрелга қадар ёпилди
Тошкентнинг Олмазор туманидаги «Ғалаба боғи» ёдгорлик мажмуаси ва «Шон-шараф» давлат музейи таъмирланаётгани туфайли боғга кириш 30 апрелгача тўхтатилади.
Фермер ер ажратиб беряпти, деб эшитиб борганмиз — чироқчиликлар ИИО ходимлари билан зиддият ҳақида
Қашқадарё вилояти Чироқчи тумани Оқолтин МФЙда фуқаролар ва ички ишлар ходимлари ўртасида зиддият юзага келди. Вилоят ИИБ фермер ўз дала майдонини шудгор қилаётганда аҳоли вакиллари қаршилик кўрсатганини маълум қилди. Фуқаролар эса фермер еридан аҳолига тарқатиляпти, деб эшитиб келганларини таъкидлади. «Халққаям ер берсин, болаларимиз Россияда ишсиз юрибди», — деди можаро иштирокчиларидан бири.
Йил бошидан буён Россиядан 133 минг меҳнат муҳожири қайтиб келди
Йил бошидан буён Россиядан Ўзбекистонга 133 минг нафар меҳнат муҳожири қайтган бўлса, шундан 50 минг нафари март ойида келди, деб хабар қилди Ташқи меҳнат миграцияси масалалари агентлиги. Россияда ишлаётган ўзбекистонликлар ўртасида ўтказилган сўров респондентларнинг 60 фоизи ҳали қайтишни режалаштирмаганини кўрсатди. Шунингдек, Россияда иш ҳақини вақтида ололмаётган ўзбекистонликлар сони кескин ортгани айтилди.
Ўзбек чегарачилари ноқонуний юк олиб ўтмоқчи бўлган қирғизистонликларга ўқ узди, икки киши ҳалок бўлди
Ўзбекистон чегарачилари Қирғизистон ҳудудидан ноқонуний юк олиб ўтмоқчи бўлган шахсларга қарата ўқ узди. Уларнинг икки нафари ҳалок бўлди, қолганлари Қирғизистон ичига қочиб кирган.
5 апрель куни Ўзбекистонда содир бўлган энг муҳим хабарлар дайжести
1 декабрдан қоидабузар ҳайдовчилар учун жарима балларини ҳисобланиши, ҳокимларга ўз ҳудудида радар ўрнатишга рухсат берилгани, жисмоний шахсларнинг тўлов ҳужжатларига СТИР ўрнига ЖШШИРни киритиши, 1 сентябрдан бошланадиган мактаб директорларини сертификатлаш тизими, «Газета.uz» да эълон қилинган мақолага муносабат билдирган Интеллектуал мулк агентлиги ва бошқалар — «Газета.uz» нинг 5 апрелдаги энг муҳим хабарлари дайжестида.
Олий суд блогер Отабек Сатторий иши бўйича чиқарилган ҳукмни ўзгаришсиз қолдирди
Олий суд муқаддам 6,5 йилга қамалган сурхондарёлик блогер Отабек Сатторийга оид жиноят ишига кассация тартибида берилган шикоятни кўриб чиқиб, ҳукмни ўзгаришсиз қолдирди.
1 сентябрдан мактаб директорларини сертификатлаш тизими жорий этилади
1 сентябрдан мактаб директорларини сертификатлаш тизими жорий этилади ва шунга кўра улар лавозимга тайинланади. Шунингдек, Шавкат Мирзиёев «янги ўқув йилига қадар табиий ва аниқ фанларга ихтисослашган 173 та мактаб ташкил этилиши шартлиги ва бунга вилоят, шаҳар ва туман ҳокимлари жавобгар эканлигини» таъкидлади.
Мактаб ўқитувчиларини қайта тайёрлаш бўйича умуммиллий лойиҳа бошланди
Шавкат Мирзиёев мактаб ўқитувчиларини янги методика асосида қайта тайёрлаш бўйича умуммиллий лойиҳа бошланганини эълон қилди. Унга кўра, келгуси 3−4 йилда барча ўқитувчилар янги методика асосида ўқитилади. Бунинг учун ҳар бир вилоят кесимида «тренерлар гуруҳлари» шакллантирилади. Ушбу мақсадлар учун қўшимча 100 млн доллар йўналтирилади.
Humo карталари фаолияти вақтинча чекланди
5 апрель куни Humo миллий тўлов тизимида маблағларни икки маротаба ечиб олиш ҳолатлари кузатилди. Шу сабабли носозлик бартараф этилгунига қадар Humo ўз терминаллари ва тўлов иловалари ишини вақтинча чеклади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг