Жамият
Гематологик ва онкологик касалликларга чалинган болалар учун махсус мактаб ташкил этилди
Болалар гематологияси, онкологияси ва клиник иммунологияси марказида даволанаётган болалар учун «Меҳрли мактаб» давлат таълим муассасаси ташкил этилди. Муассасада 2 ёшдан 7 ёшгача бўлган болалар учун мактабгача таълим ҳамда 1−11-синфлар учун умумий ўрта таълим берилади.
Мактаблар, Меҳрибонлик уйлари ва интернатларда овқатланиш аутсорсингга топширилиши мумкин
ХТВ мактаблар, мактаб-интернатлари ва Меҳрибонлик уйларида овқатланишни аутсорсингга топшириш бўйича ҳукумат қарори лойиҳасини ишлаб чиқди. Аутсорсинг компаниялари фойдаланадиган мактаб ўқувчиларининг кунлик рационал овқатланиш нормалари ССВ томонидан тасдиқланади.
5 май куни Ўзбекистонда содир бўлган энг муҳим хабарлар дайжести
Кучли ёмғир туфайли сув остида қолган Тошкент кўчалари, пойтахт аэропортида багаж бўлинмаси ишини эфирга узатиш бошлангани, Спортчи Элбек Раҳимовнинг ўлими бўйича ўқилган суд ҳукми, Осиё ва Параосиё ўйинлари ғолибларига бериладиган мукофот, маданий мерос объектига айлантириладиган Чорсудаги 7 гумбаз ва бошқалар — 5 майдаги энг муҳим хабарлари дайжестида.
Спортчи Элбек Раҳимовнинг ўлими билан боғлиқ иш бўйича судланувчиларга ҳукм ўқилди
Қаршида спортчи Элбек Раҳимовнинг ўлими билан боғлиқ жиноят иши бўйича суд ҳукми ўқилди. 26 нафар айбланувчи орасида уч нафар вояга етмаган бола ва уч нафар ички ишлар органлари ходими ҳам бор. Улардан 19 нафари 3 йилдан 20 йилгача муддатга озодликдан маҳрум этилди. Айбланувчилар моддий ва маънавий зарарни ҳам қоплашлари шарт.
Тошкент аэропортида багаж бўлинмаси ишини эфирга узатиш бошланди
«Тошкент» халқаро аэропортига етиб келган йўловчилар ўз юкларини энди камералар орқали кузатишлари мумкин. Бу юкчиларни интизомга чақириши ва кутиш вақтини қисқартиришга хизмат қилиши керак. Илгари йўловчилар чамадонларнинг шикастлангани ҳақида кўп шикоят қилишарди.
«Бу Тошкентнинг бренди». Чорсудаги 7 та кичик гумбаз ҳам маданий мерос объектлари рўйхатига киритилади
Маданий мерос агентлиги Чорсу бозоридаги марказий гумбазга ҳамоҳанг тарзда қурилган 7 та кичик гумбаз давлат муҳофазасига олинганини маълум қилди. Агентлик раҳбарининг биринчи ўринбосари Турсунали Кузиевнинг сўзларига кўра, гумбазлар Тошкентнинг юзи ҳисобланади. Илмий эксперт кенгаши аъзоси Зафар Ҳакимовнинг фикрича, Эски-Жува маконини археологик ёдгорлик сифатида сақлаб қолиш керак. Агентлик Чорсу бозорини Эски шаҳарнинг тарихий ҳудуди сифатида рўйхатга олишни режалаштираяпти.
Nest One осмонўпар биноси қурилиш майдончасида ёнғин содир бўлди
Tashkent Сity`даги Nest One осмонўпар биноси қурилиш майдончасида содир бўлган ёнғин ўчирилди, жабрланганлар йўқ.
Осиё ва Параосиё ўйинлари ғолиблари ва уларнинг мураббийлари рағбатлантирилади
Осиё ва Параосиё ўйинларида ғолиб бўлган спортчилар, уларни тайёрлаган мураббийлар ва бошқа мутахассислар қўшимча равишда пул мукофотлари билан рағбатлантирилади.
Андижонга Хитойдан 14 та автобус келтирилди
Андижонга Хитойдан кондиционер ва кузатув камерали 14 та янги автобус келтирилди. Улар 70 йўловчини ташиш имконига эга.
Ихтисослаштирилган мактабларга ўқувчиларни қабул қилиш тартиби белгиланди
Ҳукумат қарори билан Президент таълим муассасалари агентлиги тизимидаги ихтисослаштирилган мактабларга ўқувчиларни қабул қилиш тартиби белгиланди. Унга кўра, имтиҳонлар аниқ ва табиий фанлар, инглиз тили ҳамда мантиқий фикрлаш бўйича ўтказилади.
Ўзбекистонда 9 май кунига сиёсий тус бермаслик сўралди
«Юксалиш» ҳаракати Ўзбекистонда 9 май санасини сиёсий тус бермасдан, вазмин ҳамда жамият қадриятларидан келиб чиққан ҳолда нишонлашни сўради. Ҳаракат ушбу сана жамият учун тинчликнинг қадрига етиш куни сифатида қадриятга айланиб қолганини эслатиб ўтди.
Тошкентда ШҲТ туризм форуми бўлиб ўтади
Ўзбекистоннинг 2022 йилдаги ШҲТ саммитига раислиги доирасида 19−20 май кунлари Тошкентда ташкилотга аъзо давлатларнинг туризм соҳаси мутасаддилари иштирокида туристик форум бўлиб ўтади.
Қибрайда қурилиш бошлаган икки компания қишлоқ хўжалиги ерларига 1,8 млрд сўмлик зарар етказди
Қибрай туманида икки компания суғориладиган иккита ер майдонида ноқонуний қурилиш ишлари олиб борди. Мазкур ҳолат юзасидан жиноят иши қўзғатилиб, етказилган зарар 1,8 млрд сўмдан ортиқ деб баҳоланди.
Кинологлар ва хавфсизлик кучларининг хизмат итлари «Дог биатлон»да беллашмоқда (+фото, видео)
Чирчиқда Хотира ва қадрлаш кунига бағишланган «Дог биатлон» мусобақаси бошланди. Унда Мудофаа, Ички ишлар ва Фавқулодда вазиятлар вазирликлари, ДХХ Чегара қўшинлари, Миллий гвардия ва Давлат божхона қўмитасининг отрядлари ўз хизмат итлари билан қатнашмоқда.
Кучли ёмғир туфайли Тошкент кўчалари яна сув остида қолди
Чоршанба куни кечқурун кучли ёмғир туфайли Тошкент шимоли-шарқида кўча ва ҳовлиларни сув босди. Маълум қилинишича, пойтахт ҳокими ва бошқа мутасаддилар тошқин оқибатларини бартараф этиш ишларини кузатган.
Фуқарони пул эвазига Швецияга ишга юборишни ваъда қилган корхона раҳбари ушланди
Пойтахтнинг Чилонзор туманида корхона раҳбари фуқарони 4 минг доллар эвазига Швеция давлатига ишга юборишни ваъда қилиб, ундан сўралган сумманинг 2 мингини олган вақтида ушланди.
Маҳаллий туристлар Ўзбекистон бўйлаб саёҳатлари учун кешбэкни қандай олиши мумкин?
Ўзбекистон бўйлаб саёҳат қилган маҳаллий туристлар учун кешбэк Туризм вазирлигининг электрон платформаси орқали тўлаб берилади. Бунда туристлардан сафар давомида авиа, темир йўл ёки автомобиль транспорти ва турар жой хизматларидан фойдаланиш, қолаверса, маданият ташкилотларига ташриф буюриш талаб этилади.
5 май куни Тошкент-Андижон-Тошкент йўналишида поезд юрмайди
Чоршанба куни Қамчиқ довонида кузатилган сел оқибатида тоғ ўпирилиб тушди. Бунинг оқибатида 5 май кунига мўлжалланган Тошкент-Андижон-Тошкент йўналишидаги поезд ҳаракати вақтинча тўхтатилди. Фарғона ва Наманганга қўшимча авиарейслар йўлга қўйилди.
7 май — шанба барча учун иш куни этиб белгиланди
7 май, шанба ҳафтасига неча кун ишлашидан қатъий назар барча ходимлар учун иш куни ҳисобланади. 14 май эса дам олиш куни сифатида белгиланди. Қолаверса, ўзбекистонликлар 8−9 май кунлари кетма-кет икки кун дам олади.
5−11 май кунлари Фарғона вилоятида оммавий қабуллар ўтказилади
Май-июль ойларида Ўзбекистоннинг барча ҳудудларида фуқаролар муаммолари билан ишлаш учун сайёр қабуллар ташкил этилади. 20 дан ортиқ вазирлик ва идоралар раҳбарлари иштирок этадиган қабуллар Фарғона вилоятидан бошланади. Қабул кунлари ва манзиллар.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг