Сиёсат

3 июн 2020, 11:06

Халқаро рейтинг ва индекслар билан ишлаш бўйича республика кенгаши ташкил этилади

Президент фармонига биноан, давлат органларида халқаро рейтинглар билан ишлаш масаласини мувофиқлаштириш мақсадида Халқаро рейтинг ва индекслар билан ишлаш бўйича республика кенгаши ташкил этилади ва у Парламент назорати остида бўлади. Шунингдек, 1 октябрга қадар «Ўзбекистон Республикаси халқаро рейтингларда» ягона портали ишга туширилади.

2 июн 2020, 17:31

Ҳукумат аъзолари ва вазирлар Сўх туманига етиб келишди

Президент топшириғи билан бир гуруҳ ҳукумат аъзолари ва вазирлар Сўх туманига вертолёт орқали етиб келишди. Улар тумандаги муаммоларни ўрганиб, уларни бартараф этиш бўйича дастур ишлаб чиқади.

2 июн 2020, 13:32

Сўх-Риштон йўли ЕОИИ талаблари сабабли ёпилган — бош вазир

Бош вазир Абдулла Арипов Сўх-Риштон йўли 2019 йил августида очилганидан икки кун ўтиб Қирғизистон аъзо бўлган ЕОИИ талаби билан ёпилганини маълум қилди. Қирғиз делегацияси билан учрашувда йўлни қисқа муддатларда очиш масаласи яна кўтарилди.

1 июн 2020, 21:59

ИИВ ППХ Бош бошқармасига бошлиқ тайинланди

ИИВ ППХ ва жамоат тартибини сақлаш бош бошқармасига Азизхон Умархонов бошлиқ этиб тайинланди. Бунга қадар у Тошкент ИИББ бошлиғининг жамоат тартибини сақлаш бўйича ўринбосари лавозимида фаолият юритган.

1 июн 2020, 19:24

Ўзбекистон ва Қирғизистон президентлари телефон орқали сўзлашдилар

Ўзбекистон ва Қирзиғистон президентлари телефон орқали мулоқотда «Чашма» чегараолди ҳудудида рўй берган ҳодиса билан боғлиқ масалаларни батафсил кўриб чиқиб, бундай вазият бошқа такрорланмаслиги учун мукаммал чоралар қабул қилиш муҳим эканини таъкидладилар.

1 июн 2020, 16:12

МТРКнинг собиқ раиси Қирғизистонга элчи этиб тайинланди

МТРКнинг собиқ раиси ва АКТ вазири бўлиб ишлаган Хуршид Мирзоҳидов мамлакатнинг Қирғизистондаги фавқулодда ва мухтор элчиси этиб тайинланди. У Бишкек шаҳрига етиб борди.

1 июн 2020, 15:13

Сўхда юз берган тўқнашув муҳокама қилинди

Ўзбекистон бош вазири Абдулла Арипов ва Қирғизистон бош вазирининг биринчи ўринбосари Кубатбек Боронов иштирокида бир кун олдин икки давлат чегара ҳудудидаги қишлоқлар аҳолиси ўртасида юз берган тўқнашув муҳокама қилинди. Томонлар ушбу кўнгилсизлик авж олиб кетмаслиги учун биргаликда тергов ҳаракатларини олиб боришга келишиб олди.

1 июн 2020, 13:31

Украина президенти йиллик даромад декларациясини тақдим этди

2019 йилда Украина президенти Владимир Зеленский ва унинг оиласининг умумий даромади 1,06 млн долларни ташкил этгани маълум бўлди. Декларацияга кўра, Зеленский даромадининг аксарияти тадбиркорлик фаолиятидан келган. Харажатлари эса — қарийб 500 минг доллар бўлиб, асосан президентлик сайлов кампаниясига сарфланган.

1 июн 2020, 10:00

Самарқандда стикерсиз ҳаракатланишга рухсат берилди

1 июндан бошлаб Самарқанд вилоятидаги «қизил» ҳудудларда, шу жумладан Самарқанд шаҳрида ҳам автотранспорт воситаларининг махсус рухсатномасиз ҳаракатланишига рухсат берилди. Бунда, автотранспорт воситалари фақатгина куннинг муайян вақтида (07:00 дан — 10:00 гача, 17:00 дан — 20:00 гача) ҳаракатланиши кўзда тутилган.

29 май 2020, 23:36

Тошкентнинг Сергели туманида кичик туман ташкил этилади

Шавкат Мирзиёев Сергели туманида ҳокимлигига тўғридан-тўғри бўйсунадиган алоҳида «Янги ҳаёт» кичик туманини ташкил этиш таклифини билдирди.

29 май 2020, 19:46

Президент Зангиотада кўп тармоқли махсус шифохона қурилиши билан танишди

Президент Зангиота туманида барпо этилаётган кўп тармоқли махсус шифохона қурилиши билан танишди. Муассаса 2 минг ўринга мўлжалланган. Лекин 4 минг ўрингача трансформация қилиш имконияти бор.

29 май 2020, 18:56

Ташқи ишлар вазирига янги ўринбосар тайинланди

Фурқат Сидиқов Ўзбекистон ташқи ишлар вазири ўринбосари этиб тайинланди.

29 май 2020, 18:08

Қорақалпоғистон қишлоқ хўжалиги вазири тайинланди

Алишер Якубов Қорақалпоғистон Республикаси қишлоқ хўжалиги вазири этиб тайинланди. У ҳозирга қадар Қорақалпоғистон Ер ресурслари ва давлат кадастри бошқармаси бошлиғи сифатида фаолияти юритиб келаётган эди.

29 май 2020, 13:36

Қийноқнинг олдини олиш қўмитаси ташкил этилиши кутилмоқда

Ўзбекистонда алоҳида ҳуқуқни муҳофаза қилиш органи — Қийноқнинг олдини олиш қўмитаси ташкил этилиши кутилмоқда. Қўмита ўз ваколатларини мустақил ҳамда давлат органлари, уларнинг мансабдор шахсларига тобе бўлмаган тарзда амалга ошириб, президент ва Олий Мажлис палаталарига ҳисобдор бўлади.

28 май 2020, 17:26

Марҳамат туманига янги ҳоким тайинланди

Бобирбек Юлдашев Андижон вилояти Марҳамат тумани ҳокими этиб тайинланди. У тайинловга қадар президент Администрацияси маҳаллий давлат ҳокимияти органлари билан ишлаш шўъбаси бош инспектори бўлиб ишлаган.

28 май 2020, 14:29

«COVID-19 туфайли афғон халқига ёрдамни кенгайтириш зарур» — ТИВ

«Ўзбекистон — АҚШ — Афғонистон» биринчи уч томонлама мажлисида COVID-19 пандемияси туфайли афғон халқига инсонпарварлик ёрдамини бериш, аввало, дори-дармон ва озиқ-овқат маҳсулотлари билан таъминлаш бўйича халқаро ҳамкорликни кенгайтириш зарурлиги таъкидланди.

28 май 2020, 12:02

15 апрель — «Маданият ва санъат ходимлари куни»

Тўлиқ жонли ижрода ўтказилган концерт дастурлари учун ижара тўловидан 50 фоиз чегирма берилади, 15 апрель мамлакатда «маданият ва санъат ходимлари куни» деб эълон қилинди — маданият ва санъат соҳасидаги муҳим ўзгаришлар.

28 май 2020, 11:54

Маданият вазирлиги фаолияти такомиллаштирилади

Маданият вазирлиги фаолияти такомиллаштирилади. Жумладан, Маданий мерос департаментида Бадиий экспертиза бошқармаси ҳамда унинг ҳудудий бўлимлари ташкил этилади ва Ўзбекистонга оид хориждаги маданий бойликларни тадқиқ этиш маркази Маданият вазирлик тизимига ўтказилди.

27 май 2020, 15:17

Учта янги давлат мукофоти таъсис этилди

Ўзбекистонда «Саломатлик» ордени, «Соғлом турмуш» медали ва «Меҳр-саховат» кўкрак нишони таъсис этилди. Улар коронавирус пандемияси даврида, табиий офатлар, фавқулодда ҳолатлар оқибатларини бартараф этишда мардлик ва жасорат кўрсатганларга, соғлиқни сақлаш тизимини ривожлантиришга ва соғлом турмуш тарзини тарғиб қилишга ҳисса қўшганларга берилади.

26 май 2020, 18:19

Тўрткўл туманига янги ҳоким тайинланди

Қорақалпоғистон Республикаси Жўқорғи Кенгесининг махсус фармойиши билан Рустам Шамуратов Тўрткўл тумани ҳокими лавозимига тайинланди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг