Сиёсат

11 июн 2021, 11:47

16−17 июнь кунлари Татаристон президенти Тошкентга келади

Июнь ойининг ўрталарида Татаристон президенти Рустам Миннихановнинг Ўзбекистонга ташрифи режалаштирилмоқда. Икки давлат етакчилари республикалар ўртасида ўзаро манфаатли ҳамкорликнинг ҳолати ва истиқболларини муҳокама қилишади. Қолаверса, 25 дан ортиқ компаниялар вакилларидан иборат делегация Татаристон-Ўзбекистон бизнес форумида ҳам қатнашади.

10 июн 2021, 23:29

Шавкат Мирзиёев биринчи даражали «Зарринтож» ордени билан мукофотланди — видео

Шавкат Мирзиёев Тожикистонга расмий ташрифининг биринчи куни якунида, Тожикистоннинг юксак мукофоти — I даражали «Зарринтож» ордени билан мукофотланди. Орденни унга ҳамкасби Эмомали Раҳмон топширди.

10 июн 2021, 20:30

10 июнь куни Ўзбекистонда содир бўлган энг муҳим хабарлар дайжести

Шавкат Мирзиёевнинг Тожикистонга ташрифи, Ўзбекистонга олиб келинган ваксиналар, автобуслар иштирокидаги ЙТҲлар статистикаси, Жасур Умировнинг озод этилиши, 15 млн сўмга ручка харид қилиниши — «Газета.uz»нинг 10 июндаги энг муҳим хабарлари дайжестида.

10 июн 2021, 19:37

Ўзбекистон Хатлонда шифохона, Тожикистон эса Самарқандда мактаб қуриб берди

Ўзбекистон Хатлон вилоятида 250 ўринли замонавий шифохона, Тожикистон эса Самарқанд вилоятида 640 ўқувчига мўлжалланган мактаб қуриб берди. Шавкат Мирзиёев Тожикистонга ташрифи давомида ҳамкасби Эмомали Раҳмон билан рамзий тугмани босиб, уларнинг фаолиятига старт берди.

10 июн 2021, 18:22

Ўзбекистон ва Тожикистон Зарафшон дарёсида иккита ГЭС қуриш бўйича битимни имзолади

Ўзбекистон ва Тожикистон Зарафшон дарёсида иккита ГЭС қуриш лойиҳаси бўйича қўшма акциядорлик жамияти ташкил этиш тўғрисида, қолаверса, ўзбек-тожик инвестиция компанияси ташкил этиш, саноат ва янги технологиялар соҳасида, тоғ-кон саноатида ҳамкорлик тўғрисида жами 35 та ҳужжатни имзолади.

10 июн 2021, 16:34

«Истиқболга мўлжалланган аниқ режаларимиз бор». Шавкат Мирзиёев Тожикистон билан ҳамкорлик ҳақида

Ўзбекистон ва Тожикистон президентлари кенгайтирилган таркибда музокараларни давом эттирди. «Истиқболга мўлжалланган аниқ режаларимиз бор», — деди Шавкат Мирзиёев. Ўзбекистон томони автомобилларини йиғишни ташкил этиш, авиақатновни кенгайтириш ва автобус йўналишларини тиклаш, шунингдек, дипломатик муносабатларнинг 30 йиллигига бағишланган маданий тадбирларни ўтказиш таклифини илгари сурди.

10 июн 2021, 15:31

«Гидрометеорология хизмати аълочиси» кўкрак нишони таъсис этилди

Ҳукумат «Гидрометеорология хизмати аълочиси» кўкрак нишони таъсис этишга оид қарорни қабул қилди. Унга кўра, нишон билан гидрометеорология ва иқлимшунослик соҳасини ривожлантириш ишларига катта ҳисса қўшганлар 7 май — «Ўзгидромет» ташкил топган кун арафасида тақдирланади.

10 июн 2021, 14:30

Тарихий яқинлигимиз бугун ҳаётга кўчмоқда — Шавкат Мирзиёев

Душанбедаги «Қасри Миллат» қароргоҳида Ўзбекистон ва Тожикистон президентлари тор доирадаги учрашувини ўтказдилар. Шавкат Мирзиёев Эмомали Раҳмонни Ўзбекистонга жавоб ташрифи билан келишга таклиф қилди.

10 июн 2021, 13:28

Депутатлар иқтисодчининг энергетика соҳасида ислоҳотлар қачон бошланиши ҳақидаги саволини танқид қилди

Қонунчилик палатасининг икки нафар депутати иқтисодчи Юлий Юсуповнинг Ўзбекистон энергетика соҳасини ислоҳ қилиш қачон бошланиши сўраб, эълон қилган постини танқид остига олди. Халқ вакилларининг таъкидлашича, мамлакат энергетика соҳасида аллақачон, салмоқли ишлар бажарилган, ҳозирги узилишлар эса — «йиллар давомида тўпланиб қолган муаммоларнинг оқибати».

10 июн 2021, 12:47

Шавкат Мирзиёевни Душанбеда Эмомали Раҳмон кутиб олди

Президент Шавкат Мирзиёев Тожикистонга етиб келди. Душанбе халқаро аэропортида уни мамлакат раҳбари Эмомали Раҳмон кутиб олди.

10 июн 2021, 09:53

Шавкат Мирзиёев Тожикистонга жўнаб кетди

Президент Шавкат Мирзиёев расмий ташриф билан Тожикистонга йўл олди. Ташриф чоғида икки томонлама ҳамкорликнинг деярли барча соҳаларини қамраб оладиган 30 дан зиёд ҳужжат қабул қилиниши кўзда тутилган.

9 июн 2021, 20:30

9 июнь куни Ўзбекистонда содир бўлган энг муҳим хабарлар дайжести

Реклама баннерларининг бузилиши билан боғлиқ ҳолатлар, Миллий боғда қурилиши режалаштирилаётган кутубхона, Aдлия вазири иштирокидаги брифинг, Муборак ҳокимининг ишдан олиниши, Тошкентдаги каналларда икки киши чўкиб кетиши — «Газета.uz»нинг 9 июндаги энг муҳим хабарлари дайжестида.

9 июн 2021, 18:41 1

Ҳар хил ўйин бўлиб кетмаслиги учун ер бўйича фармон жамоатчилик муҳокамасига қўйилмади — адлия вазири

Адлия вазири Русланбек Давлетов ер муносабатларини тартибга солишга оид президент фармони нима сабабдан жамоатчилик муҳокамасига қўйилмаганини изоҳлади. «Ҳар хил ўйин бўлиб кетмаслиги, бутун давлат миқёсида ерлар талон-торож қилинмаслиги учун мана шунақа ёндошув қилинди», — деди у. Вазирнинг сўзларига кўра, энди ҳокимлар ер ажратиш бўйича қарор қабул қила олмайди. Фақат вилоят ҳокимларида қишлоқ хўжалиги ерларини ажратишга оид ваколат қолган.

9 июн 2021, 13:01

«Нимага ер берилмаслиги керак?». Русланбек Давлетов инвесторларга ер майдонлари ижарага берилиши ҳақида

Президентнинг ер муносабатларини тартибга солишга оид фармонига кўра хорижий инвесторларга ер майдонлари ижарага берилиши ҳақидаги муҳокамаларга адлия вазири Русланбек Давлетов муносабат билдирди. «Нимага ер берилмаслиги керак?», — деди у. Қолаверса, вазир чет элликларга фақат ноқишлоқ майдонлардан ер берилиши кўзда тутилганини қайд этди. Бироқ, у айтган тартиб фармонда мавжуд эмас.

9 июн 2021, 01:15

Шавкат Мирзиёевнинг Тожикистонга ташрифи дастури эълон қилинди

Ўзбекистон президенти Тожикистонга расмий ташрифи давомида Душанбедаги қатор тадбирларда иштирок этади, жамоатчилик вакиллари билан учрашади ва Сўғд вилоятига ташриф буюради. 30 дан ортиқ ҳужжатларни имзолаш режалаштирилмоқда.

9 июн 2021, 00:05

Ўзбекистон Ногиронлар ҳуқуқлари тўғрисидаги Конвенцияни ратификация қилди

Президент Ногиронлар ҳуқуқлари тўғрисидаги Конвенцияни ратификация қилиш ҳақидаги қонунни имзолади. Ҳужжат Конвенциянинг 12-моддасига қўшимча шарт билан ратификация қилинди. Мазкур қўшимча шарт давлат ментал ногиронлиги бўлган кишиларга ҳуқуқ лаёқатини беришга тайёр эмаслигини, мазкур модда ижросига ўтиш бирмунча вақт олишини англатади.

8 июн 2021, 20:30

8 июнь куни Ўзбекистонда содир бўлган энг муҳим хабарлар дайжести

Навоийдаги оҳак ишлаб чиқариш цехида ёнғин чиқиши, Effect.uz журналистлари Aндижонда калтакланиши, Эверестга чиққан ўзбекистонликка президент совғаси топширилиши, 15 июндан умумтаълим мактабларида 1-синфга қабул бошланиши ва «Газета.uz»да чиққан мақолалар — «Газета.uz»нинг 8 июндаги энг муҳим хабарлари дайжестида.

8 июн 2021, 18:13

«Нарх-навони барқарор ушлаб туриш, бу — тадбиркорларга паст нархларда соттириш, дегани эмас» — президент

Шавкат Мирзиёев гўштнинг қимматлашиши фонида нархларни барқарорлаштириш тадбиркорларни арзон нархда сотишга мажбур қилишни англатмаслигини айтди. Президент бозорда таклиф ортиши учун шароит яратиш зарурлигини таъкидлади. Шундан келиб чиқиб, паррандачилик корхоналарининг фойда, мол-мулк, ер ва сув солиқлари 50 фоизга камайтирилади.

8 июн 2021, 15:36

Баҳодир Исаев «Паррандасаноат» уюшмасига раҳбар бўлди

«Паррандасаноат» уюшмаси раисининг биринчи ўринбосари Баҳодир Исаев энди ташкилотга раҳбарлик қилади. Бу ҳақда президент Шавкат Мирзиёев сешанба кунги видеоселекторда маълум қилган. Унга шунингдек, Ветеринария қўмитаси раисининг биринчи ўринбосари вазифасини бажариш ҳам юклатилди.

8 июн 2021, 14:59

«Биз ерни ҳақиқий эгаси — халққа беришни бошлаймиз. Бу тарихий қадам» — президент

Ўзбекистон президенти аҳоли бандлигини таъминлашга бағишланган видеоселекторда тадбиркорлик, хизмат кўрсатиш ва қишлоқ хўжалиги соҳасида, хусусан, ишсизларга ер майдонларини ажратиш орқали янги иш ўринлари сонини 1,5−2 бараварга ошириш бўйича кўрсатма берди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг