Сиёсат

23 август 2021, 10:41

Алишер Қодировнинг президентликка номзодини қўллаб-қувватлаш учун имзолар мажбурий йиғилаётгани айтилмоқда

Ижтимоий тармоқларда мактаб тарғибочилари уйма-уй юриб, «Миллий тикланиш» партиясининг президентликка номзоди Алишер Қодировни қўллаб-қувватлаш учун мажбурий равишда имзолар йиғаётгани айтилмоқда. Ҳолатга Алишер Қодиров муносабат билдириб, имзо йиғишда мажбурлаш бўлмаслиги кераклигини таъкидлади ва партия фаолларининг босимига учраганлардан депутатнинг Telegram-ботига хабар беришни сўради.

21 август 2021, 22:24

Ҳокимиятлар тадбиркорлардан «снос» учун 123 млрд сўм қарздор

Бино ва иншоотларнинг бузилиши муносабати билан ҳокимиятлар тадбиркорладан 123 млрд сўм қарздор. Президент ҳокимларга 1 сентябрга қадар компенсацияларни тўлаб бериш вазифасини топширди. «Бир сўм ҳам қарздорлик қолмаслиги шарт», — деди у.

21 август 2021, 12:42

«Ўзтрансгаз»га янги раҳбар тайинланди

Энергетика вазирлиги бошқарма бошлиғи лавозимида ишлаб келган Бехзот Нарматов «Ўзтрансгаз» бошқаруви раиси лавозимига тайинланди.

20 август 2021, 22:25

20 август куни Ўзбекистонда содир бўлган энг муҳим хабарлар дайжести

Шавкат Мирзиёевнинг Ўзбекистон тадбиркорлари билан очиқ мулоқоти, 5000 сўм ва 10 000 сўм номиналдаги янги банкноталарнинг янги дизайни, Ўзбекистон ташқи ишлар вазирлигининг баёноти — «Газета.uz»нинг 20 августдаги энг муҳим хабарлари дайжестида.

20 август 2021, 21:46

Ўзбекистон орқали Афғонистондан қарийб 2000 чет эл фуқароси эвакуация қилинди

Охирги бир неча кунда Ўзбекистон ҳудуди орқали Афғонистондан қарийб 2000 нафар чет давлатлар фуқаролари эвакуация қилинди, дея хабар берди ТИВ.

20 август 2021, 21:38 1

«Экспортга юборган машинамизни ички бозорга нисбатан 30−40 фоизга арзонроқ сотар эдик» — президент

Ўзбекистонда ишлаб чиқарилган автомобиллар экспортга ички бозорга нисбатан 30−40 фоиз арзонроққа сотилган, дея таъкидлади президент. Унинг сўзларига кўра, келгусида рақобат муҳитининг шаклланиши, Тошкент, Наманган ва Жиззах вилоятларида янги заводлар қурилиши натижасида автозавод ўз фаолиятини тубдан қайта кўриб чиқишига тўғри келади.

20 август 2021, 20:50

150 нафар Афғонистон фуқароси орқага қайтарилган — ТИВ

Ўзбекистон ташқи ишлар вазирлиги Афғонистоннинг 150 нафар фуқароси ўзи хоҳиши билан ватанига қайтарилганини маълум қилди. Ўзбекистон «Толибон» раҳбарияти вакиллари билан «ушбу тоифадаги шахсларга нисбатан ҳар қандай зўравонлик, тазйиқ ва таъқибларнинг олдини олиш» бўйича келишиб олган.

20 август 2021, 18:34

Шавкат Мирзиёев темир йўл юкларини ташиш соҳасидаги монополияни танқид қилди

Шавкат Мирзиёев темир йўл юкларини ташиш соҳасидаги монополияни танқид қилди ва хусусий логистика операторлари ўзининг вагонлари билан фаолиятини бошлашини маълум қилди. Президент «Ўзбекистон темир йўллари» раисига монополияни бартараф этиш тўғрисида топшириқ берди. «Керак бўлса, ўзинг ташкиллаштирасан, ўзинг кредит оласан, ўзинг банкларга ялинасан», — деди у монопол компания раҳбарига юзланиб.

19 август 2021, 17:46

Сенатнинг 18 ялпи мажлиси 26 август куни чақирилади

Сенатнинг 18 ялпи мажлисида суғурта фаолияти, Солиқ кодексига ўзгартиш киритиш тўғрисидаги ва бошқа қонунлар муҳокама қилинади. Қолаверса, сенаторлар Тошкент шаҳри ва вилояти чегараларини ўзгартириш масаласини кўриб чиқади ва ТИВ ҳисоботини тинглайди.

19 август 2021, 10:31

Лазиз Кудратовга Стратегик ривожланиш агентлиги раҳбари вазифаси юклатилди

Инвестициялар ва ташқи савдо вазирининг биринчи ўринбосари бўлган Лазиз Кудратовга Стратегик ривожланиш агентлиги директори вазифаси юклатилди.

18 август 2021, 21:03

18 август куни Ўзбекистонда содир бўлган энг муҳим хабарлар дайжести

Тошкентдаги маҳаллий рейслар аэропорти вақтинча ёпилиши, Халқаро фан олимпиадалари ғолибларига пул мукофоти топширилиши, ташаббусли бюджет бўйича овоз бериш бошлангани — «Газета.uz»нинг 18 августдаги энг муҳим хабарлари дайжестида.

18 август 2021, 13:06

«20 йил олдингидек Афғонистонни қандайдир экстремистик кучларнинг қўлига бермаслик керак» — Содиқ Сафоев

Сенат раисининг ўринбосари Содиқ Сафоев минтақавий лойиҳалар орқали Афғонистонни минтақа ва жаҳон бозорига боғлаш, у ердаги иқтисодиётни ривожлантириш уруш эҳтимолини камайтиришини қайд этди. «Биз кўп йиллар тайёрлаган Афғонистон билан боғлиқ йирик иқтисодий лойиҳалар кечиктирилмаслиги керак», — деди у. Шунингдек, Сафоев халқаро ҳамжамият 20 йил олдинги хатони такрорламаслиги, Афғонистонни экстремистик кучлар қўлига бериб қўймаслик кераклигини таъкидлади.

18 август 2021, 00:37

Ўзбекистон ва Германия президентлари Афғонистондан фуқаролар эвакуациясини муҳокама қилдилар

Шавкат Мирзиёев ва Франк-Вальтер Штайнмайер фуқароларни Афғонистондан эвакуация қилишдаги ҳамкорликни давом эттиришга келишиб олдилар. Сешанба куни 125 йўловчиси бўлган эвакуация самолёти Кобулдан Тошкентга учиб келди. Улар шу ердан Германияга жўнатилади. ГФР мудофаа вазири кўпроқ одамни эвакуация қилиш учун Тошкент ва Кобул ўртасида ҳаво кўпригини қуриш режалари ҳақида маълум қилди.

17 август 2021, 21:46

17 август куни Ўзбекистонда содир бўлган энг муҳим хабарлар дайжести

Президентнинг матбуотга берган интервьюси, 1 сентябрдан иш ҳақи, пенсия, стипендия ва нафақалар миқдори оширилиши ҳақидаги фармон, Ташқи ишлар вазирлигининг Афғонистондаги вазият бўйича баёноти — «Газета.uz»нинг 17 августдаги энг муҳим хабарлари дайжестида.

17 август 2021, 18:23

Ашраф Ғани, Абдул-рашид Дўстум ва бошқа Афғонистон етакчилари Ўзбекистонда эмаслиги айтилди

Дунё ахборот агентлиги Ўзбекистон ҳудудида Афғонистон этник гуруҳларининг арбоблари ва етакчилари йўқлигини маълум қилди.

17 август 2021, 18:10

Учинчи Ренессанс нима дегани?

Шавкат Мирзиёев матбуотга берган интервьюсида Учинчи Ренессанс ва Янги Ўзбекистон тушунчалари нимани англатишига аниқлик киритди.

17 август 2021, 14:53

«Ислоҳотларни қилиб, тезроқ бойисак, „Толибон“ каби хатарлар унчалик қўрқинчли эмас» — иқтисодчи Беҳзод Ҳошимов

Иқтисодчи Беҳзод Ҳошимовнинг ёзишича, иқтисодий қолоқлик ва имкониятлар тенгсизлиги келажакда Ўзбекистон тинчлиги учун хавф туғдириши мумкин. «Бизнинг иқтисодий даражамизда биздек тинч мамлакатлар деярли йўқ, бизнинг даромадларимиз анча „хавфли“ чегарада», — дейди у. Шунингдек, у афғонистонлик юқори малакали кадрларни Ўзбекистонга олиб келиб, бошпана бериш имкониятини кўриб чиқишни ҳам таклиф қилди.

17 август 2021, 12:19 2

Ўзбекистон чегарада тинчликни сақлаш бўйича «Толибон» вакиллари билан яқин алоқада бўлиб турибди — ТИВ

ТИВ Афғонистондаги вазият бўйича баёнотида, Ўзбекистон «қўшни давлатнинг ички ишларига аралашмаслик тамойилларига содиқлигини» қатъий билдирди. Шунингдек, Ўзбекистон томони чегара ҳимоясини таъминлаш ва чегара ҳудудида тинчликни сақлаш масалалари бўйича «Толибон» ҳаракати вакиллари билан яқин алоқада бўлиб турганини маълум қилинди. Мамлакатнинг Кобул ва Мозори Шарифдаги дипломатик ваколатхоналари одатдаги тартибда ишламоқда.

17 август 2021, 11:38

«Жойларда фақат менинг ташрифим олдидан ҳақиқий ҳолатни бўяб кўрсатишдек хўжакўрсин ишлар давом этмоқда» — президент

Шавкат Мирзиёевнинг таъкидлашича, ҳудудларга ташриф чоғида «маршрут»ни ўзгартириш жойлардаги раҳбарларни бўшашмасдан, доимо ишчан ҳолатда туришга ўргатади. Давлат раҳбарининг қайд этишича, унинг огоҳлантиришига қарамасдан, жойларда фақат президентнинг ташрифи олдидан кўча ва майдонларни тозалаш ишлари давом этмоқда.

17 август 2021, 11:18

«Коррупционерлар беш ойда 450 млрд сўм зарар етказган» — Шавкат Мирзиёев

Президент Шавкат Мирзиёев ўтган 2020 йилда турли даражадаги мансабдорлар томонидан 500 млрд сўм миқдорида зарар етказилганини маълум қилди. Унинг сўзларига кўра, 2021 йилнинг беш ойида эса 1696 нафар мансабдорга нисбатан жиноий иш очилиб, етказилган зарар 450 млрд сўмни ташкил этмоқда.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг