Сиёсат

29 август 2021, 19:35

Ҳоким ўринбосарлари фаолияти KPI асосида баҳоланади

Президент қарори билан ҳокимлар ўринбосарлари фаолиятини баҳолаш тизими жорий этилмоқда. Улар фаолияти «қониқарсиз», «қониқарли», «яхши» ва «аъло» деб баҳоланади. Улар ҳудуднинг ижтимоий-иқтисодий кўрсаткичлари учун шахсий жавобгар этиб белгиланди.

28 август 2021, 16:23

Сенаторлар 8 та қонунни маъқуллади

18 ялпи мажлисда сенаторлар жами 8 та қонунни, шу жумладан, суғурта фаолияти, қишлоқ хўжалиги кооперативи, солиқ кодексига ўзгартиш ва қўшимчалар киритиш, давлат хавфсизлик хизмати органлари ходимлари кунини белгилаш, ҳарбий хизмат, Судьялар олий кенгаши тўғрисидаги қонунга ўзгартиш киритиш ҳақидаги ҳужжатлар маъқуллади.

28 август 2021, 01:25

Ўзбекистон Кобулдаги терактни қоралади

Ўзбекистон кўплаб инсонларнинг ҳаётига зомин бўлган Афғонистон пойтахтидаги терактни қоралайди, дейилади ТИВ баёнотида. Кобул аэропортида содир бўлган портлашлар оқибатида ҳалок бўлганлар сони 170 нафарга етди.

28 август 2021, 01:00

Президент 215 нафар маҳкумни афв этди

Шавкат Мирзиёев мустақиллик арафасида 215 нафар маҳкумни афв этиш тўғрисидаги фармонни имзолади. Улар орасида 69 нафар хориж фуқароси, шунингдек, 15 нафар тақиқланган ташкилотлар фаолиятида иштирок этган шахслар бор.

27 август 2021, 14:14 1

«Биз келажак учун жавобгармиз» — Экопартия номзоди Нарзулла Обломуродов сайловолди дастурини эълон қилди

Экопартия Нарзулла Обломуродовни президентлик сайловлари учун номзод сифатида тасдиқлади. Обломуродовнинг «Биз келажак учун жавобгармиз» шиори остидаги сайловолди дастуридан яшил иқтисодиётни ривожлантириш, чиқиндиларни ресурсга айлантириш, аҳолини ичимлик суви билан таъминлаш, Орол минтақасида вазиятни яхшилаш, суд органларига ишончни ошириш, соғлиқни сақлаш ҳамда Ўзбекистон атрофида хавфсизлик минтақасини яратиш йўналишлари ўрин олган. Партиянинг тўлиқ дастури.

27 август 2021, 13:42 1

Ўзбекистон томонга бирорта ўқ отилмаслиги учун ҳар қандай мулоқотга тайёрман — Шавкат Мирзиёев

Президент Шавкат Мирзиёев Ўзбекистон толиблар билан икки йил олдин мулоқотни йўлга қўйганини маълум қилди. «Доҳадаги раҳбари Мулла Абдул Ғани Бародар Ўзбекистон томонига бирорта ўқ отилмаслиги бўйича ваъда берган. Ваъдасига вафодор бўлиб тургани учун ҳам улар билан мулоқот қилишимиз табиий», — деди у. «Ўзбекистоннинг тинчлигига таъсир кўрсатадиган омил бўлса, ким бўлишидан қатъи назар гаплашаман», — дея таъкилади давлат раҳбари.

27 август 2021, 12:44

Карманада қуввати 100 МВт бўлган қуёш фотоэлектр станцияси ишга туширилмоқда

Навоий вилояти Кармана туманида қуввати 100 мегаВатт бўлган замонавий қуёш фотоэлектр станцияси ишга туширилмоқда. Бу ерда йилига 252 миллион килоВатт-соат электр энергияси ишлаб чиқарилади. Бунинг ҳисобидан 80 миллион куб метр табиий газ тежалиб, атмосферага 160 минг тонна буғланувчи газлар чиқишининг олди олинади.

27 август 2021, 11:09

Шавкат Мирзиёев Навоийга йўл олди

Президент Шавкат Мирзиёев Навоий вилоятига жўнаб кетди. Давлат раҳбари у ерда қуёш фотоэлектр станцияси ва кимё саноати корхоналарининг ишга тушириш тадбирларида иштирок этиб, аҳоли билан мулоқот қилади.

26 август 2021, 16:52

Ўзбекистон орқали ўтаётган Афғонистон қочқинлари орасида террорчилар борлиги ҳақидаги хабарларга изоҳ берилди

Сенат ялпи мажлисида Ўзбекистон орқали Европа ва бошқа давлатларга ўтиб кетаётган Афғонистон қочқинлари орасида террорчилар борлиги ҳақидаги хабарларга ТИВ раҳбарининг биринчи ўринбосари муносабат билдирилди. «Ўзбекистон ҳудудидан транзит орқали ўтиб кетаётган шахсларнинг олдиндан рўйхати бўлади, улар тегишли фильтрдан ўтказилади. Бизнинг тегишли ваколатли органларимиз томонидан мамлакатимиз ҳудудида қандайдир террорчилар кириб келишига йўл қўйилмайди», — деди Фарҳод Арзиев.

26 август 2021, 13:25

Афғонистонда қийин аҳволга тушган Ўзбекистон фуқаролари мавжуд эмас — ТИВ

Ташқи ишлар вазирининг биринчи ўринбосари Фарҳод Арзиев Сенатнинг навбатдаги ялпи мажлисида Афғонистонда қийин аҳволга ёки мураккаб вазиятга тушиб қолган Ўзбекистон фуқаролари мавжуд эмаслигини маълум қилди.

26 август 2021, 12:49

«Афғонистонда барча сиёсий кучларнинг манфаатини эътиборга оладиган коалицион ҳукумат шаклланиши тарафдоримиз» — ТИВ

Сенатнинг ялпи мажлисида Ташқи ишлар вазирининг биринчи ўринбосари Фарҳод Арзиев Афғонистон борасида Ўзбекистоннинг позициясини маълум қилди. «Энг аввало биз Афғонистонда барча сиёсий кучларни манфаатини эътиборга оладиган, уларнинг ўзаро тинчлик музокаралари натижасида эришиладиган коалицион ҳукумат шаклланиши тарафдоримиз», — деди у.

26 август 2021, 00:21

Ҳокимлар, вазирлар ва уларнинг ўринбосарлари — 500 дан зиёд киши мукофотланди

Президент фармони билан 30 дан зиёд ҳоким, қатор давлат органлари раҳбарлари ва уларнинг ўринбосарлари мукофотланди. Улар орасида Тошкент шаҳри ва пойтахтнинг бир нечта туманлари, Жиззах вилояти ва Жиззах шаҳри, Хоразм вилояти ва унинг туманлари ҳокимлари ҳамда бошқалар бор.

25 август 2021, 20:49

25 август куни Ўзбекистонда содир бўлган энг муҳим хабарлар дайжести

Янги қабул қилинган қонун ва қарорлар, Шавкат Мирзиёев Ўзбекистондаги янги элчиларидан ишонч ёрлиқларини қабул қилиши, реабилитация қилинмай қолиб кетган қатағон қурбонлари оқланиши — «Газета.uz»нинг 25 августдаги энг муҳим хабарлари дайжестида.

25 август 2021, 20:43

Польша президенти фуқароларни Ўзбекистон орқали эвакуация қилишдаги кўмак учун миннатдорчилик билдирди

Польша президенти Анжей Дуда телефон орқали мулоқотда фуқароларни Ўзбекистон ҳудуди орқали эвакация қилишдаги кўмак учун президент Шавкат Мирзиёевга миннатдорчилик билдирди.

25 август 2021, 20:16

Ўзбекистон президенти Покистон ташқи ишлар вазирини қабул қилди

Ўзбекистон президенти Шавкат Мирзиёев Покистон ташқи ишлар вазири Маҳмуд Қурайшийни қабул қилди. Учрашувда Афғонистондаги вазият ривожига алоҳида эътибор қаратилди.

25 август 2021, 19:31 1

115 нафар қатағон қурбонлари номлари оқланди — Олий суд

6 та жиноят иши бўйича реабилитация қилинмай қолиб кетган 115 нафар қатағон қурбонлари оқланди.

25 август 2021, 18:31

Шавкат Мирзиёев янги тайинланган элчиларни қабул қилди

Президент Шавкат Мирзиёев Руминия, Польша, Тожикистон, Швейцария ва Германиянинг Ўзбекистондаги янги элчиларидан ишонч ёрлиқларини қабул қилди.

25 август 2021, 15:59

Афғонистонда сайлов участкаларини очиш кўзда тутилган — ТИВ

Ташқи ишлар вазирининг биринчи ўринбосари Фарҳод Арзиевнинг маълум қилишича, Ўзбекистон ўзининг Афғонистондаги дипломатик ваколатхоналарида президент сайлови даврида сайлов участкаларини очишни режалаштирилмоқда.

25 август 2021, 14:23

Пандемия даврида президент сайлови: МСК махсус йўриқномани қабул қилди

МСК пандемия даврида президент сайловини ўтказишга оид махсус йўриқномани қабул қилди. Унга кўра, тана ҳарорати юқори бўлган фуқаролар сайлов участкасига киритилмайди, улар учун очиқ ҳавода кўчма сайлов қутилари ташкил қилинади. Қолаверса, яширин овоз бериш кабиналарига парда осилмайди. Сайлов бошланишидан 6 соат олдин овоз бериш бино ва хоналари дезинфекция қилинади.

24 август 2021, 20:39

24 август куни Ўзбекистонда содир бўлган энг муҳим хабарлар дайжести

Бўстон туманига аёл киши ҳоким этиб тайинланиши, Тошкентда 1,3 тоннадан ортиқ наркотиклар партияси йўқ қилиниши, президент раислигида ўтказилган видеоселектор йиғилиши — «Газета.uz»нинг 24 августдаги энг муҳим хабарлари дайжестида.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг