Сиёсат

28 июл 2021, 21:00

28 июль куни Ўзбекистонда содир бўлган энг муҳим хабарлар дайжести

Ўзбекистонда пандемия бошлангандан бери коронавирусдан кунлик касалланиш бўйича энг юқори антирекорд қайд этилиши, Токио олимпиадасида Ўзбекистон делегацияси қўлга киритган бронза медаль, президент раислигида ўтказилган видеоселектор йиғилиши — «Газета.uz»нинг 28 июлдаги энг муҳим хабарлари дайжестида.

28 июл 2021, 18:00

«Болалар ғамхўрликни тўлиқ ҳис қилаяпти-ми? Афсуски, йўқ». Президент — меҳрибонлик уйлари тарбияланувчилари ҳақида

Чоршанба куни ўтказилган йиғилишда Шавкат Мирзиёев меҳрибонлик уйларидаги болалар ғамхўрликни тўлиқ ҳис қилмаётганини қайд этди. Шунингдек, ҳокимлар, сектор раҳбарлари ва Халқ таълими вазирлиги меҳрибонлик уйлари билан етарлича ишламагани танқид остига олинди. Шундан келиб чиқиб, 16 та «Меҳрибонлик уйи» ва 4 та «Болалар шаҳарчаси» Миллий Гвардия тизимига ўтказилиши маълум қилинди.

27 июл 2021, 21:00

27 июль куни Ўзбекистонда содир бўлган энг муҳим хабарлар дайжести

Ўзбекистонда пандемия бошлангандан бери коронавирусдан кунлик касалланиш бўйича энг юқори антирекорд қайд этилиши, вакцинадан бош тортганлар ишдан четлатилиши мумкинлиги, Ўзбекистон Олимпиаданинг тўртинчи кунини ҳам медалсиз якунлаши — «Газета.uz»нинг 27 июлдаги энг муҳим хабарлари дайжестида.

27 июл 2021, 12:49

Жавлон Ваҳобов Ўзбекистоннинг Бразилиядаги элчиси этиб тайинланди

Ўзбекистоннинг АҚШдаги элчиси Жавлон Ваҳобов энди бир вақтнинг ўзида Бразилиядаги элчи вазифасини ҳам бажаради. Шунингдек, у Ўзбекистоннинг Канададаги элчиси вазифасида ҳам фаолият олиб боради.

27 июл 2021, 01:12

Сенатнинг 17 ялпи мажлиси 30 июль куни чақирилади

Сенатнинг навбатдаги ялпи мажлисида Ўзбекистон аҳолиси ва ҳудудининг сейсмик хавфсизлигини таъминлаш ҳамда Зайтун мойи ва зайтун меваси тўғрисидаги халқаро битимга қўшилиш ҳақидаги қонунлар кўриб чиқилади. Шунингдек, 2021 Давлат дастурининг ярим йиллик ижроси, ИИВнинг ҳуқуқбузарликлар профилактикаси ҳамда Давлат экология қўмитасининг мораторийга амал қилинмаслик ҳолатлари бўйича ахборотлари тингланади.

26 июл 2021, 21:00

26 июль куни Ўзбекистонда содир бўлган энг муҳим хабарлар дайжести

Шавкат Мирзиёевнинг ҳафталик иш графики, Олимпиада рекордини ўрнатган ўзбекистонлик оғир атлетикачи, Молия вазирининг фуқароларни «Ташаббусли бюджет»дан фаол фойдаланишга чақириши — «Газета.uz»нинг 26 июлдаги энг муҳим хабарлари дайжестида.

26 июл 2021, 18:59

Молия вазири фуқароларни «Ташаббусли бюджет»дан фаол фойдаланишга чақирди

«Ташаббусли бюджет» бўлимини ўз ичига олган «Очиқ бюджет» портали ишга туширилганидан буён фуқаролар 8000 дан зиёд мурожаат йўллади, уларни ҳал қилишга қарийб 160 млрд сўм ажратилди, дея маълум қилди молия вазири Тимур Ишметов. У ўзбекистонликларни мазкур платформадан фаолроқ фойдаланишга чақирди.

26 июл 2021, 14:49

ЕХҲТнинг махсус миссияси президент сайловига тайёргарлик жараёнини ижобий баҳолаган — МСК

Марказий сайлов комиссияси раиси ўринбосари Баҳром Қўчқоров Эҳтиёжларни баҳолаш миссияси Ўзбекистон президенти сайловига тайёргарлик жараёни бўйича «жуда ижобий» хулоса берганини маълум қилди. Унинг сўзларига кўра, миссия ўтган сайловлар бўйича ЕХҲТнинг тавсияларини сайлов амалиётига жорий этилишини ҳам ижобий баҳолаган.

26 июл 2021, 13:05

Афғонистон билан чегарада палаткалар шаҳарчаси қурилмаяпти — ДХХ Чегара қўшинлари

ДХХ Чегара қўшинлари «Газета.uz» сўровига берган жавобида Афғонистон билан чегара ҳудудда қочоқлар учун палаткалар шаҳарчаси қурилаётгани ҳақидаги хабарни рад этди. Шунингдек, Чегара қўшинлари афғон ҳарбий хизматчилари ва маҳаллий қуролли гуруҳлар кўнгиллилари июнь ойида Ўзбекистон чегарасини қай тарзда кесиб ўтишганини ҳам маълум қилишди.

26 июл 2021, 11:59

Шавкат Мирзиёев тадбиркорлар билан август бошида учрашади

Президентнинг тадбиркорлар билан учрашуви август ойининг бошида ўтказилиши кутилаётгани маълум қилинди. Бундан ташқари, давлат раҳбарининг ҳафталик иш режаси ҳақида ҳам маълумот берилди.

25 июл 2021, 07:06

2022 йилдан аҳоли ва тадбиркорлардан 15 турдаги ҳужжат ва маълумотларни сўраш тартиби бекор қилинади

1 январдан бошлаб давлат органлари томонидан молиявий ҳисоботлар нусхалари, жисмоний шахсларнинг сўнгги 12 ойдаги иш ҳақи тўғрисидаги, тадбиркорлик субъекти давлат рўйхатидан ўтганлиги, давлат божи, йиғимлар ва алимент тўланганлиги, кам таъминланганлик ва фуқаронинг «Ёшлар дафтари» ёки «Аёллар дафтари»га киритилганлиги ҳақидаги жами 15 турдаги маълумотларни сўраш тартиби бекор қилинади. Ушбу маълумотлар «Электрон ҳукумат» платформаси орқали онлайн олинади.

24 июл 2021, 22:36

«16 февраль воқеалари»да айбланган 5 фуқаро оқланди

1999 йилнинг 16 февраль куни пойтахтдаги портлашлар сабаб жиноий жавобгарликка тортилган 5 фуқаро оқланди. Оқланганлар «16 февраль воқеалари»нинг асосий ижрочилари деб топилганлар эмас. Улар собиқ божхона ходимлари ҳисобланади.

24 июл 2021, 22:32

24 июль куни Ўзбекистонда содир бўлган энг муҳим хабарлар дайжести

Хорижий давлатлар раҳбарлари Шавкат Мирзиёевни туғилган куни билан табриклаши, янги чиқарилган қарорлар, Тошкентнинг Сергели, Бектемир, Мирзо Улуғбек ва Яшнобод туманлари чегараси ўзгариши, Токио олимпиадасининг биринчи кунида ўзбекистонлик спортчиларлар бирорта ҳам ғалабага эришмагани — «Газета.uz»нинг 24 июлдаги энг муҳим хабарлари дайжестида.

24 июл 2021, 19:36

Тошкентнинг Сергели, Бектемир, Мирзо Улуғбек ва Яшнобод туманлари чегараси ўзгарди

Тошкентнинг Сергели, Бектемир, Мирзо Улуғбек ва Яшнобод туманлари ҳудудига Тошкент вилоятининг Зангиота, Қибрай, Юқори Чирчиқ ва Ўртачирчиқ туманларидан 7,8минг гектардан кўпроқ ер майдонлари қўшиб берилди. Шу билан бирга, Сергели ва Бектемир туманларидан 171,3 гектар ер майдони Тошкент вилоятига ўтказилди.

24 июл 2021, 18:00

Хорижий давлатлар раҳбарлари Шавкат Мирзиёевни туғилган куни билан табриклади

24 июль куни, президент Шавкат Мирзиёев 64 ёшни қарши олди. Шу муносабат билан президент бир қатор хорижий давлатлар раҳбарлари ва жамоат арбобларидан табрик ва қутловлар қабул қилди.

24 июл 2021, 14:31

«Бу қонун чиқарувчиларимизга боғлиқ». МСК раиси ўринбосари президентликка мустақил номзод кўрсатиш ҳақида

Марказий сайлов комиссияси раиси ўринбосари Баҳром Қўчқоров сайловчилар ташаббускор гуруҳлари мустақил равишда ўз номзодини кўрсатиш масаласини ҳал этиш қонун чиқарувчиларга боғлиқ эканлигини қайд этди. Ушбу масала ЕХҲТнинг ДИИҲБ миссиясининг Ўзбекистонга ташрифи чоғида кўтарилган эди.

24 июл 2021, 10:17 2

«Ҳоким кабинети „халқ қабулхонаси“ бўлади» — президент

Президент аҳоли мурожаатлари билан ишлаш тизими бўйича йиғилиш ўтказди. Барча ҳокимлар фуқароларни қабул қилиш учун ҳафтасига икки кун ажратишлари ва ҳокимликларда кунлик қабул ташкил этилиши белгиланди. «Ҳар бир ҳокимнинг кабинети «халқ қабулхонаси» бўлади. Мурожаатларни кўриб, нималарга эътибор қилиш бўйича ҳар бир раҳбарнинг стратегияси бўлиши керак, — деди президент.

23 июл 2021, 20:14

23 июль куни Ўзбекистонда содир бўлган энг муҳим хабарлар дайжести

Ўзбекистон президенти сайлови кампаниясига старт берилиши, Стратегик ривожланиш агентлигининг ташкил этилиши, Содиқ Сафоевга ректорлик вазифаси юклатилиши — «Газета.uz»нинг 23 июлдаги энг муҳим хабарлари дайжестида.

23 июл 2021, 19:05

Раҳбар ўринбосарларининг фаолиятини баҳолаш тизими жорий этилади

Президент қарори билан, давлат бошқаруви органлари ва хўжалик бирлашмалари раҳбарлари ўринбосарларининг фаолиятини баҳолаш тизими жорий этилади. Шунингдек, вазирликлар ва идоралар раҳбарияти фаолияти кўрсаткичларини баҳолашда инсон омилини камайтириш мақсадида асосий кўрсаткичлар бўйича маълумотларни автоматик тарзда таҳлил қилиш орқали мавжуд ҳолатни аниқлаш имконини берувчи махсус электрон платформа ишга туширилади.

23 июл 2021, 15:25

Содиқ Сафоевга Дипломатия университети ректори вазифаси юклатилди

Олий Мажлис Сенати раисининг биринчи ўринбосари Содиқ Сафоевга Жаҳон иқтисодиёти ва дипломатия университети ректори вазифасини бажариш юклатилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг