Сиёсат

6 январ 2021, 13:04

Уй-жой коммунал хўжалик вазири лавозимидан озод этилди, Автомобил йўллари қўмитаси раисига ҳайфсан ва қурилиш вазирига огоҳлантириш берилди

Бош вазир Абдулла Арипов ва Президент администрацияси раҳбари раислигидаги йиғилишдан кейин уй-жой коммунал хўжалик вазири Музаффар Солииев лавозимидан озод этилди, Автомобил йўллари қўмитаси раиси Абдурахмон Абдувалиевга ҳайфсан ва қурилиш вазири Ботир Зокировга огоҳлантириш берилди.

4 январ 2021, 10:03

Президент қисқа муддатли таътилга чиқди

Ўзбекистон президенти Шавкат Мирзиёев 4 январдан қисқа муддатли меҳнат таътилига чиқди.

1 январ 2021, 13:48 5

Президентнинг расмий веб-сайти янги форматда ишга туширилди

Ўзбекистон президентининг расмий веб-сайти янги форматда ишга туширилди. Унда президент администрациясининг раҳбарияти таркиби билан танишиш мумкин.

1 январ 2021, 00:02

Президент: «Янги Ўзбекистонни барпо этишда давом этамиз»

Президент Шавкат Мирзиёев Ўзбекистон халқини Янги йил билан табриклади. «Янги Ўзбекистонни барпо этишга қаратилган улкан ишларимизни қатъий давом эттирамиз», — дея таъкидлади давлат раҳбари.

31 декабр 2020, 21:44

Ҳокимлар Янги йилни қандай нишонлайди?

Андижон ҳокими иш жойида, Сирдарё ҳокими навбатчи, Навоий, Самарқанд ва Қашқадарё ҳокимлари оила даврасида. Ўзбекистонда вилоят ҳокимлари Янги йил байрамини қандай кутиб олади?

31 декабр 2020, 19:49

Президент мурожаатномасидан фоторепортаж

Президент Шавкат Мирзиёев 29 декабрь куни Ўзбекистон парламентига навбатдаги анъанавий мурожаатномани йўллади. Ушбу маросимда иштирок этган «Газета.uz» фотомухбири камера объективига муҳрланган энг сара фотосуратларни эътиборингизга ҳавола этади.

30 декабр 2020, 12:51

Конституцияга ўзгартишлар киритиш тўғрисидаги қонун Сенат сайтида эълон қилинди

Сенати суд ҳокимияти фаолияти оид Конституцияга ўзгартишлар тўғрисидаги қонунни ўз сайтида эълон қилди. Ушбу қонун матни Қонунчилик палатаси томонидан маъқулланган бўлса-да, жамоатчилик муҳокамаси учун тақдим этилмаган эди.

30 декабр 2020, 12:25

Ўзбекистонда автомобил каршеринг хизматлари учун имконият яратилди

Ҳукумат қарори билан Ўзбекистонда каршеринг ташкилотлари фаолиятига имконият берилди. 10 январдан автомототранспорт воситаларини ушбу ташкилотларидан 30 кунгача ижарага олиш мумкин бўлади. Ушбу ташкилот автомототранспорт воситалари махсус таниқлик белгига эга бўлиши шарт.

29 декабр 2020, 16:48

Шавкат Мирзиёев парламентга мурожаатида энг кўп ишлатган сўзлар

Президент Шавкат Мирзиёев 29 декабрдаги парламентга мурожаатномасида энг кўп «ёшлар», «таълим» ва «пандемия» сўзларини ишлатди. Давлат раҳбари нутқида 41% урғу иқтисодиётни ривожлантиришга йўналтирилган бўлса, 28% ижтимоий соҳага доир масалаларга қаратилди. Иқтисодий тадқиқотлар ва ислоҳотлар маркази экспертлари мурожаат бўйича лингвистик ва контент таҳлилни тақдим этишди.

29 декабр 2020, 14:28

Президент маданий мерос объектларини сақлаш дастурини қабул қилишни топширди

Шавкат Мирзиёев парламентга мурожаатида ҳукуматга маданий мерос объектларини рўйхатдан ўтказиш, сақлаш ва муҳофаза қилиш бўйича махсус дастурни қабул қилишни топширди. Президент охирги вақтларда баъзи ёдгорликларга бепарво муносабатда бўлинаётганини қоралади.

29 декабр 2020, 14:05

«Президент сайловлари халқаро тамойиллар асосида ўтказилиши керак» — Шавкат Мирзиёев

Президент Шавкат Мирзиёев парламентга мурожаатида Ўзбекистон 2021 йилда бўлиб ўтадиган президент сайловини ўтказиш масаласига тўхталди. «Биз ўтган сайловларда халқаро кузатувчиларнинг тавсияларини миллий қонунчилик ва амалиётга татбиқ этиш бўйича ишларни давом эттирамиз», — деди давлат раҳбари.

29 декабр 2020, 13:54

2021 йилда иккита тезюрар поездни ишга тушириш режалаштирилмоқда

2021 йилда иккита тезюрар поездни ишга тушириш, Бухоро-Урганч-Хива темир йўлини электрлаштиришни бошлаш, аҳоли пунктларидан вилоятлар марказларига автобус қатновларини кўпайтириш ҳамда ер усти метроси қурилишининг иккинчи босқичини якунлаш режалаштирилмоқда. Президент парламентга мурожаатида 2021 йилга мўлжалланган режаларга тўхталиб ўтди.

29 декабр 2020, 13:40

«Бизнинг ишимиздаги асосий камчилик, бу — билим етишмаслиги ва коррупция» — президент

«Бизнинг ишимиздаги энг катта нуқсон, бу — билимларнинг етишмаслиги ва коррупция. Бу барча соҳаларда сезилади», деди президент Шавкат Мирзиёев парламентга мурожаатида. Давлат раҳбари, шунингдек, келгуси йилда бюджети 3 триллион сўм бўлган «Минтақавий инфратузилмани ривожлантириш жамғармасини» ташкил этишни таклиф қилди.

29 декабр 2020, 13:19 2

Республика жамоат хотин-қизлар кенгаши ташкил этилади

Шавкат Мирзиёев Республика жамоат хотин-қизлар кенгашини ташкил этиш ташаббуси билан чиқди ва ушбу ташкилотга раиси сифатида Танзила Нарбаевани таклиф қилди. Аёлларнинг бизнес лойиҳаларини қўллаб-қувватлаш ва аниқланган муаммоларни ҳал қилиш учун бюджетдан қўшимча равишда 1 триллион сўмдан ортиқ маблағ ажратилади.

29 декабр 2020, 12:31

2021 йил — Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилинди

Президент Шавкат Мирзиёев 2021 йилни Ёшларни қўллаб-қувватлаш ва аҳоли саломатлигини мустаҳкамлаш йили деб эълон қилишни таклиф қилди.

28 декабр 2020, 17:13

Ўзбекистон президенти парламентга мурожаатларида энг кўп қайси сўзларни ишлатган

Ўзбекистон Президенти Администрацияси ҳузуридаги Иқтисодий тадқиқотлар ва ислоҳотлар маркази экспертлари охирги 3 йилда қилинган парламентга мурожаатларнинг лингвистик ва контент таҳлилини ўтказиб, уларни тасвирий ифодаловчи сўзлар жамланмасини тузди.

28 декабр 2020, 16:36

Президент бир гуруҳ ватандошларга мукофотларни топширди

Президент мустақилликнинг 29 йиллиги арафасида тақдирланган бир гуруҳ ватандошларга фахрий унвонлар, орден ва медалларни топширди. «Бу ерда ўтирганлар бугунги куннинг қаҳрамонлари, мардона халқимизнинг буюк вакиллари» — дея таъкидлади давлат раҳбари.

28 декабр 2020, 15:57

Президент мурожаатномаси 29 декабрь куни бўлиб ўтади

Давлат раҳбари мурожаатномада 2021 йилга ном бериши, мамлакатни янада ривожлантиришга қаратилган энг муҳим вазифалар, ички ва ташқи сиёсатга доир устувор йўналишларни белгилаши кутилмоқда.

28 декабр 2020, 13:06

Депутатлар президент хавфсизлик хизматига оид қонун лойиҳасини кўриб чиқди

Депутатлар кўриб чиққан президент хавфсизлик хизматига оид қонун лойиҳаси МДҲ ҳамкорлик келишуви асосида ишлаб чиқилган ҳамда АҚШ, Россия ва Корея тажрибаси ўрганилган. Ҳозирга қадар хизмат бир қанча қонуности ҳужжатлар асосида фаолият юритиб келмоқда. Қонун эса хизмат фаолиятида ҳуқуқий асосни яратиш мақсадида ишлаб чиқилган.

25 декабр 2020, 18:01

Шавкат Мирзиёев ёшлар билан учрашди

Президент Шавкат Мирзиёев биринчи марта ўтказилаётган Ўзбекистон ёшлари форумига ташриф буюриб, нутқ сўзлади. Давлат раҳбари ўз нутқида Учинчи Ренессанс, ёш волонтёрлар фаолияти, ёшлар билан ишлаш бўйича Тошкент тажрибаси, «Ёшлар: 1+1» дастури, Ёшлар кичик саноат зоналари, «Ёшлар мурожаати» электрон платформаси, тадбиркорликка ўқиган ёшларга 4 фоизлик кредитлар, ёш оилаларни уй-жой билан таъминлаш ва бошқа мавзуларга тўхталди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг