Сиёсат

11 ноябр 2022, 21:07

ТДТ саммити якунлари бўйича 10 дан ортиқ ҳужжат қабул қилинди

Самарқандда бўлиб ўтган ТДТ саммитида аъзо давлатлар ўртасида Савдони енгиллаштириш стратегияси тасдиқланди ва Соддалаштирилган божхона коридорлари тизимини шакллантириш тўғрисидаги битим имзоланди. Шунингдек, Туркий инвестиция фондини қисқа муддатларда ташкил этишга қарор қилинди.

11 ноябр 2022, 17:36

Фото: ТДТ аъзо давлатларнинг биринчи хонимлари Самарқандда учрашди

Самарқандда 10 ноябрь куни Ўзбекистон, Туркия, Озарбайжон ва Венгриянинг биринчи хонимлари махсус ташкил этилган «Ўзбекистон ранглари» кўргазмасига ташриф буюрди.

11 ноябр 2022, 17:13

«Шимолий Кипр бўйича алоҳида қарор имзоланмади» — Владимир Норов

Туркия президенти Ражаб Тоййиб Эрдоған ТДТ Давлат раҳбарлари кенгаши йиғилишидаги нутқида Шимолий Кипр ташкилотга кузатувчи сифатида аъзо бўлгани ҳақида гапирди. Ўзбекистон ТИВ раҳбари Шимолий Кипрни мустақил давлат сифатида тан олиш ҳақида гап бўлиш мумкин эмаслигини таъкидлади.

11 ноябр 2022, 14:04

Кун фотоси: ТДТга аъзо ва кузатувчи давлатлар етакчилари Регистонда дарахт экишди

Туркий давлатлар ташкилоти саммитининг асосий тадбиридан сўнг, Ўзбекистон, Туркия, Озарбайжон, Қозоғистон, Қирғизистон, Венгрия ва Туркманистон етакчилари Регистон майдонида дарахт экишди. Шу куннинг ўзида Ўзбекистонда 2,5 млн туп, қолаверса, Озарбайжонда 111 минг туп дарахт экиш кўзда тутилган.

11 ноябр 2022, 12:45

Эрдоған ва Бердимуҳамедов «Туркий дунёнинг олий ордени» билан мукофотланди

Мукофотларни топшираркан, Шавкат Мирзиёев Эрдоғаннинг «туркий давлатлар мустақиллигини мустаҳкамлашдаги жонбозлиги»ни, Бердимуҳамедовнинг «ёш авлод тарбиясига катта ижобий таъсир кўрсаётган маърифий асарлари»ни қайд этиб ўтди. Марҳум адиб Чингиз Айтматов Алишер Навоий мукофоти билан тақдирланди.

11 ноябр 2022, 12:08

Туркий давлатлар ташкилотининг Рақамлаштириш маркази ташкил этилиши мумкин

ТДТ саммитида Қозоғистон президенти Қасим-Жомарт Тоқаев ташкилотнинг Рақамлаштириш марказини ташкил этиш таклифини илгари сурди. Тузилма савдо, транспорт, сув ресурсларидан фойдаланиш, ахборот хавфсизлиги ва бошқа тармоқлар учун зарур рақамли ечимларни ишлаб чиқиш имконини беради.

11 ноябр 2022, 12:00

Мирзиёев: «Жаҳондаги зиддиятли воқеалар туркий дунёнинг умумий хавфсизлигига ҳам таъсир ўтказаяпти»

Ўзбекистон президенти ТДТ саммитида «сўнгги пайтларда жаҳоннинг турли нуқталаридаги зиддиятли воқеалар туркий дунёнинг умумий хавфсизлигига ҳам таъсир ўтказаяпти», дея таъкидлади. Бундан ташқари, Шавкат Мирзиёев Афғонистон масаласи ҳеч қачон назардан четда қолмаслиги ҳам муҳимлигини эслатиб ўтди.

11 ноябр 2022, 11:14

2023 йил — Туркий цивилизациянинг юксалиш йили бўлади

Шавкат Мирзиёев Туркий давлатлар ташкилоти саммити иштирокчиларига Ўзбекистоннинг 2023 йилни Туркий цивилизациянинг юксалиш йили, деб эълон қилиш таклифини қўллаб-қувватлагани учун миннатдорчилик билдирди. «Мен ишонаман, Туркий дунёни буюк келажак кутмоқда», — деди у.

11 ноябр 2022, 10:38

«Биз ҳар қандай қийинчиликларни дўстлик орқали енгиб ўтишга қодирмиз». Шавкат Мирзиёев туркий давлатлар ҳақида

ТДТ саммитида Шавкат Мирзиёев аъзо мамлакатлар бугунги кунда кескин геосиёсий зиддиятлар ва глобал иқтисодий инқироз билан боғлиқ синовларни бошдан кечираётганини таъкидлади. «Қийинчиликларни дўстлик, ҳамкорлик ва бир-биримизни қўллаб-қувватлаш орқали енгиб ўтишга қодирмиз», — деди Шавкат Мирзиёев.

10 ноябр 2022, 21:51

Адлия вазирлиги Тошкент бюджетига оид ҳужжатлар «ўчирилган» бўйича изоҳ берди

Адлия вазирлиги E-qaror порталида Тошкент ҳокимлигининг шаҳар бюджетига оид ҳужжатлари аввал «ўчирилгани», сўнгра қайта тиклангани юзасидан изоҳ берди. Вазирлик маълумотларига кўра, фақат ҳокимлар ҳужжатларни эълон қилиш ва улардан фойдаланишни чеклаш ҳуқуқига эга.

10 ноябр 2022, 20:38

«Янги дунё тартиби учун кураш мамлакатларимиз хавфсизлиги ва ривожланишига таҳдид солади» — Владимир Норов

Ўзбекистон ташқи ишлар вазири Владимир Норов Туркий давлатлар ташкилотини суверенитет, ҳудудий яхлитлик ва хавфсизликка таҳдидларни енгиш учун биргаликдаги имкониятларни оширишга чақирди.

10 ноябр 2022, 20:08

Туркия президенти Ўзбекистоннинг «Олий даражали Имом Ал-Бухорий» ордени билан тақдирланди

Туркия президенти Режеп Таййип Эрдоған Ўзбекистоннинг «Олий даражали Имом Ал-Бухорий» ордени билан тақдирланди. Унга бу юксак мукофотни давлат раҳбари Шавкат Мирзиёев топширди.

10 ноябр 2022, 17:55

ТИВ Украина разведкасининг Ўзбекистон урушда Россияга кўмаклашаётгани ҳақидаги баёнотини асоссиз деб атади

Ўзбекистон ТИВ Украина элчиси билан учрашувда, Украина Мудофаа вазирлигининг Ўзбекистон санкция чекловларини четлаб ўтиб, Россияга икки мақсадли маҳсулотлар етказиб бергани ҳақидаги «асоссиз баёноти» юзасидан «жиддий хавотир билдирди».

10 ноябр 2022, 15:25

Шавкат Мирзиёев ва Виктор Орбан Самарқандда музокара ўтказди

Самарқанд шаҳрида Туркий давлатлар ташкилоти саммити доирасида Ўзбекистон ва Венгрия етакчилари учрашув ўтказди. Шавкат Мирзиёев ва Виктор Орбан музокара саноат, кимё тармоғи, фармацевтика, банк-молия, транспорт ва логистика соҳаларидаги инвестиция лойиҳалари юзасидан фикр алмашди.

10 ноябр 2022, 11:12 2

Шавкат Мирзиёев «Жаҳоннинг энг нуфузли 500 мусулмони» рўйхатига киритилди

Ўзбекистон президенти Шавкат Мирзиёев «Жаҳоннинг энг нуфузли 500 мусулмони» («The Muslim 500») рўйхатига киритилди. Ундан Туркия, Қозоғистон, Озарбайжон раҳбарлари ҳам ўрин олган. Қолаверса, рўйхатда Ўзбекистон мусулмонлари идорасининг собиқ раиси, марҳум Усмонхон Алимов ҳам қайд этилди.

9 ноябр 2022, 15:34

Туркий давлатлар ташкилоти Инвестиция жамғармаси таъсис этилади

Туркий давлатлар ташкилоти Инвестиция жамғармаси таъсис этилади. Ташкилотга аъзо давлатларнинг иқтисодиёт ва савдо вазирлари тегишли битимни имзолашни келишиб олди. Жамғарма савдо-иқтисодий, инвестициявий ҳамкорликни янада чуқурлаштиришига ишонаман, деди бош вазир ўринбосари Жамшид Ходжаев.

9 ноябр 2022, 14:52

Шавкат Мирзиёев Самарқандга борди

Шавкат Мирзиёев 10−11 ноябрь кунлари бўлиб ўтадиган Туркий давлатлар ташкилоти саммити тадбирларида иштирок этиш учун Самарқанд шаҳрига борди. Давлат раҳбари тадбир олдидан Имом Бухорий мақбараси ва Ислом Каримов қабрини зиёрат қилди.

9 ноябр 2022, 13:17

FT: Ўзбекистон Европа Иттифоқидан Алишер Усмоновга нисбатан санкцияларни бекор қилишни сўрамоқда

Ўзбекистон Европа Иттифоқидан Алишер Усмоновга нисбатан жорий этилган санкцияларни бекор қилишни сўради. Financial Times’нинг ёзишича, Ўзбекистон томони бу илтимосни амалдаги чекловлар миллиардернинг мамлакат иқтисодиётига инвестициялар киритишига халал бераётгани билан изоҳлаган.

8 ноябр 2022, 23:50

Бейбут Атамкулов Қозоғистоннинг Ўзбекистондаги элчиси сифатида иш бошлади

Қозоғистоннинг Ўзбекистондаги янги тайинланган элчиси Бейбут Атамқулов ўз иш фаолиятини бошлади. Элчининг ишонч ёрлиқлари нусхаларини ташқи ишлар вазири Владимир Норов қабул қилиб олди.

7 ноябр 2022, 16:41

Жазоирнинг Ўзбекистондаги янги элчиси ўз фаолиятини бошлади

Ташқи ишлар вазири Владимир Норов Жазоирнинг янги тайинланган элчиси Бумедиан Геннаднинг ишонч ёрлиқлари нусхаларини қабул қилди. Томонлар Жазоир компанияларининг Ўзбекистонда автомобилсозлик, нефть-газ саноати, АКТ ва қишлоқ хўжалиги соҳаларидаги лойиҳаларда иштирокини муҳокама қилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг