Сиёсат

20 июн 2022, 13:55

Конституцияни референдум орқали ўзгартириш таклиф этилди

Президент Конституцияни парламент ваколати билан эмас, балки референдум ўтказиш йўли орқали ўзгартиришни таклиф қилди. «Конституциявий ислоҳотни фуқароларимиз фикри ва қўллаб-қувватлаши асосида референдум орқали амалга оширсак, бу — ҳақиқий халқ Конституцияси бўлади», — деди Шавкат Мирзиёев.

20 июн 2022, 13:13

Президент уй-жой бўйича конституциявий кафолат белгилашни таклиф қилди

Шавкат Мирзиёев «снос"ларга барҳам бериш учун уй-жой бўйича конституциявий кафолат белгилаб қўйиш кераклигини айтди. «Суд қарорисиз ҳеч ким уй-жойидан маҳрум қилинмаслиги керак. Иморат бузилишга тушадиган бўлса, бу учун бузишдан олдин унинг қийматига мос равишда компенсация тўланиши шарт», — деди у.

20 июн 2022, 12:23

Президент Конституцияга ўлим жазосини тақиқлаш бўйича норма киритишни таклиф қилди

Шавкат Мирзиёев ўлим жазосини қайтариш ҳақидаги таклифларга қўшилмаслигини айтиб, уни тақиқлаш тўғрисидаги нормани Конституцияда мустаҳкамлаб қўйишни таклиф қилди. «Чунки яшаш ҳуқуқи — ҳар бир инсоннинг табиий ҳуқуқидир», — деди у.

20 июн 2022, 11:27

Шавкат Мирзиёев Конституциявий ислоҳотни ўтказиш зарурати нимадалигини тушунтирди

Шавкат Мирзиёев Конституциявий ислоҳотни ўтказиш заруратига тўхталиб ўтди. Унинг сўзларига кўра, ҳозирги таҳликали замонда Ўзбекистонда инсоннинг юксак ўрни ва қадрини, мамлакат учун қандай қадрият ва манфаатлар устувор аҳамиятга эга эканлигини «Конституцияда акс эттириш — давр тақозосидир».

19 июн 2022, 21:24

Шавкат Мирзиёев Ҳиндистон президенти ва бош вазирига ҳамдардлик билдирди

Якшанба куни Шавкат Мирзиёев Ҳиндистоннинг шимоли-шарқий ҳудудларида юз берган табиий офатлар оқибатида инсонлар ҳалок бўлгани муносабати билан ҳамдардлик билдирди. Ҳодиса оқибатида Бангладеш ва Ҳиндистонда камида 42 киши вафот этгани айтилмоқда.

19 июн 2022, 20:35

Абдулазиз Камилов Кобулда Афғонистон ТИВ раҳбари в.б. билан учрашди

Ўзбекистон президентининг ташқи сиёсат масалалари бўйича махсус вакили Абдулазиз Камилов Афғонистонда муваққат ҳукумат ТИВ раҳбари билан музокаралар ўтказди.

18 июн 2022, 14:16 1

Давлат бошқарувини ўзгартириш, президентга импичмент, бош вазирга ишончсизлик вотуми — Конституцияга таклифлар

Давлат бошқарувини ўзгартириш, президентга импичмент ҳамда бош вазирга ишончсизлик вотумини эълон қилиш тартибини жорий этиш, бодикамераси йўқ ички ишлар ходимининг мақомини оддий фуқарога тенглаштириш, ўзбек тилини билишни мажбурий қилиш — Конституция бўйича айрим таклифлар «Газета.uz» материалида.

18 июн 2022, 09:00

Референдум тўғрисидаги қонунга ўзгартиришлар киритилди

Референдум тўғрисидаги қонунга сайлов комиссиялари ваколатларини ўзгартириш, кузатувчилар ҳуқуқларини кенгайтириш ва бошқаларни назарда тутувчи қўшимчалар киритилди. Шунингдек, референдумда қабул қилинган қарорларни фақат референдумда бекор қилиш талабига истисно киритилди.

17 июн 2022, 23:47

Қасим-Жомарт Токаев ДХР ва ЛХР «квази-давлатлари» тан олинмаслигини маълум қилди

Қозоғистон Луганск ва Донецк халқ республикаларидан бўлган «квази-давлат ҳудудлари»ни тан олмайди, деди президент Қасим-Жомарт Токаев. «Халқларнинг ўз тақдирини ўзи белгилаш ҳуқуқи амалга ошаверса, ер юзида ҳозирги 193 танинг ўрнига 500−600 дан ортиқ давлат бўлади. Бу тартибсизлик дегани», — деди у.

17 июн 2022, 23:32

Президент Болалар гематологияси ва онкологияси шифохонасидаги болаларга далда берди

Президент Шавкат Мирзиёев Болалар гематологияси, онкологияси ва клиник иммунологияси марказига ташриф буюрди. «Ёнингизга яна келишдан мақсадим — сизларга куч бериш, умидни икки карра кўпайтириш. Бу ҳаммамизга синов», — деди давлат раҳбари марказда даволанаётган болаларга ва уларнинг ота-оналарига.

17 июн 2022, 21:13

Президентнинг ташқи сиёсат масалалари бўйича махсус вакили вазифалари белгилаб берилди

Ўзбекистон президентининг ташқи сиёсат масалалари бўйича махсус вакили лавозими Ўзбекистон президенти Администрацияси тузилмасига киритилиб, меҳнатига ҳақ тўлаш шароитлари президент маслаҳатчиси ўринбосарига тенглаштирилди.

17 июн 2022, 09:00

Фақат куч тилини тушунади, пропагандасини енгиш осон, ҳеч ким объектив маълумотга эга эмас — АҚШ дипломатининг СССР ҳақидаги телеграммаси

1946 йил АҚШ дипломати Жорж Кеннаннинг «Узун телеграммаси»да Совет Иттифоқи сиёсий тизимига берилган таъриф ҳали ҳам долзарб бўлиши мумкин. Советларнинг фақат куч тилини тушуниши, ташқи дунё ҳақида объектив маълумотга эга бўлмаган Сталин, енгиш осон бўлган пропаганда — ҳужжатдаги қизиқарли фикрлар.

17 июн 2022, 08:22 3

Янги Конституция қабул қилинса, Шавкат Мирзиёев ҳам сайловларда қатнаша олади — Содиқ Сафоев

Агар янги Конституция қабул қилинса, ҳамма қатори президент Шавкат Мирзиёевга ҳам сайловларда қатнашиш имкони яратиб берилади, деди Сенат раҳбарининг биринчи ўринбосари Содиқ Сафоев. У Шавкат Мирзиёевнинг «ҳокимиятга тиш-тирноғи билан ёпишиб олган сиёсатчи эмас"лигини қўшимча қилди.

16 июн 2022, 23:38

Президент «Қўриқлаш фаолияти тўғрисида»ги қонунни имзолади

«Қўриқлаш фаолияти тўғрисида»ги қонун Миллий гвардияга бу борадаги давлат сиёсатини амалга ошириш ҳуқуқини берди. Ҳужжат билан қурол-яроғ ва махсус техникани қўллаш шартлари ҳам белгилаб қўйилди.

16 июн 2022, 21:44

Озарбайжон президенти Ўзбекистонга ташриф буюради

Озарбайжон президенти Илҳом Алиевнинг 21−22 июнь кунлари расмий ташриф билан Тошкентга келиши кутилмоқда.

16 июн 2022, 20:02

Танзила Нарбаева АҚШ расмийлари билан учрашди

Сенат раиси Танзила Нарбаева АҚШ давлат котибининг фуқаролик хавфсизлиги, демократия ва инсон ҳуқуқлари бўйича ўринбосари Узра Зея, Демократлар партиясидан конгрессмен Ами Бера ва АҚШнинг Европада хавфсизлик ва ҳамкорлик бўйича комиссиясининг катта сиёсий маслаҳатчиси Женис Хелвиг билан учрашди.

16 июн 2022, 11:27

Абдулазиз Камилов президентнинг махсус вакили бўлди

Президент ҳузуридаги Хавфсизлик кенгаши котиби ўринбосари Абдулазиз Камилов давлат раҳбарининг ташқи сиёсат масалалари бўйича махсус вакили этиб тайинланди.

15 июн 2022, 15:11

Олий таълим вазирлигида янги вазир ўринбосари лавозими жорий қилинди

Президент Олий таълим вазирлигида янги вазир ўринбосари лавозими жорий қилингани ва унга Бухоро шаҳар мономарказ раҳбари Садоқат Сиддиқова тайинланганини маълум қилди. У касб-ҳунар мактаблари ва техникумларни бошқариш ҳамда методик таъминлашга масъул бўлади.

15 июн 2022, 13:50

Самарқанднинг икки туманида ҳоким алмашди

Самарқанд вилоятининг Қўшработ ҳамда Иштихон туманларига янги ҳокимлар тайинланди.

15 июн 2022, 13:46

«Ўзбекистон — минтақада етакчи, унинг хавфсизлиги — минтақа хавфсизлигидир» — АҚШ Марказий қўмондонлиги раҳбари

АҚШ Марказий қўмондонлиги раҳбари Майкл Курилла Ўзбекистонга ташрифини ҳар бир мамлакат тўқнашаётган хавф-хатарлар ва ҳамкорликни мустаҳкамлаш имкониятлари ҳақида суҳбатлашишни кўзда тутган «тинглаш сафари»нинг бир қисмига қиёслади. У махсус кучлар ўртасида ҳамкорликни кучайтиришни таклиф қилди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг