8 август 2020, 12:23

Бекободда маҳалла раиси муҳтожларга ажратилган пулларни талон-торож қилди

Бекободда МФЙ раиси маҳалласида яшамайдиган ва муҳтож бўлмаган 26 фуқарога 101,5 млн сўм нафақа тайинлаб, 31,6 млн сўмини тўлаб бергани аниқланди.

8 август 2020, 10:30

Уйда тайёрлаймиз: мазали кечки овқат

Кечки овқат учун «Гўшт Сай», «Қиймадан тайёрланган қуш уяси», «Товуқли тоблатма» ва яна бошқа мазали ва қизиқарли таомлар Zira.uz томонидан тузилган таомлар рўйхатида.

8 август 2020, 00:46

Кун давомида 690 та коронавирус ҳолати қайд этилди, 793 бемор соғайди

Жума куни Ўзбекистонда 690 та коронавирус ҳолати аниқланиб, умумий кўрсаткич 29 225 тага етди. Соғайганлар 20 минг нафардан ошди.

7 август 2020, 22:25

Сенаторлар Россиядаги меҳнат мигрантларини ҳимоя қилиш тўғрисида ҳукуматга сўров юборди

Сенат Россияда меҳнат қилаётган Ўзбекистон фуқаролари ҳуқуқлари ҳимоясини таъминлаш юзасидан Вазирлар Маҳкамасига парламент сўрови юборишга қарор қилди.

7 август 2020, 22:03

Сенат «Таълим тўғрисида"ги қонуннинг янги таҳририни маъқуллади

Сенаторлар янги таҳрирдаги «Таълим тўғрисида"ги қонунни маъқулладилар. Унда давлат органлари ваколатларига аниқлик киритилиб, таълим шакллари, педагоглар, таълим олувчилар ва ота-оналарнинг ҳуқуқ ва мажбуриятлари белгиланди.

7 август 2020, 20:42

«Олий таълимда коррупция ҳолатлари деярли барча босқичларда мавжуд» — Танзила Норбоева

Сенат раҳбари Танзила Норбоева олий таълим тизимидаги коррупция туфайли Ўзбекистоннинг бирорта ҳам олийгоҳи дунёнинг энг яхши университетлари рейтингига кира олмаганини маълум қилди.

7 август 2020, 20:19

«Мигрант бўлиш осон эмас. Бу ашаддий синов» — Абдулазиз Камилов

Сенатнинг олтинчи ялпи мажлисида ярим йиллик фаолияти бўйича ҳисобот берган ташқи ишлар вазири, жумладан, пандемияси сабабли хорижда қийин аҳволга тушиб қолган фуқароларга қўлдан келганча ёрдам кўрсатилаётганини таъкидлар экан, бу борада камчиликлар ҳам борлигини тан олди. «Консулхонага ҳужум қиламиз, ўт қўямиз, консулни осамиз, деган гаплар ҳам бўлди», — деди у.

7 август 2020, 19:06

COVID-19 беморлари тиббий хизматлар сифати ҳақида шикоят қилишлари мумкин

Тошкент ҳокимияти sogboling.uz сайтини ишга туширди. Сайт ёрдамида коронавирус билан оғриган беморлар тиббий хизматлар сифатини баҳолашлари, муаммолар юзага келган тақдирда, шикоят қилишлари мумкин.

7 август 2020, 18:13

Коронавирусга чалинган абитуриентлар тест синовларига қўйилмайди

Коронавирусга чалинган абитуриентлар ОТМларга кириш имтиҳонларига киритилмайди. Турли сабабларга кўра тест синовларида қатнаша олмаган абитуриентлар учун тест синовлари имтиҳонлардан 4 кун ўтгандан кейин алоҳида ўтказилади.

7 август 2020, 17:16

Тест синовлари 2 сентябрдан бошланади

2020−2021 ўқув йили учун қабул тест синовлари 2 сентябрдан бошланиб, 14 кун давомида ўтказилади. Ҳозирда барча бинолар ва стадионларни жиҳозлаш ишлари амалга оширилмоқда.

7 август 2020, 16:40

«Бемор грипп билан коронавирусни ҳам юқтириб олса, касаллик оғир кечади» — доцент

Врачлар малакасини ошириш институти доценти Дилфуза Ҳасанова грипп билан оғриётган бемор қатъий карантин чораларига риоя қилса, унга вирус юқтирмаслигини маълум қилди. Агарда бемор грипп билан коронавирусни ҳам юқтириб олса, унинг иммунитети пасайиб, бу пневмонияга олиб келиши мумкинлигидан огоҳлантирди.

7 август 2020, 16:09

Сенат янги таҳрирдаги «Одам савдосига қарши курашиш тўғрисида» ги қонунни маъқуллади

Сенаторлар янги таҳрирдаги «Одам савдосига қарши курашиш тўғрисида» ги қонунни маъқуллашди. Унда, жумладан, одам савдосидан жабрланганлар ҳақидаги маълумотлар махфийлиги кафолатланди. Шунингдек, одам савдосига қарши курашда ННТлар ваколат ва вазифалари белгиланди.

7 август 2020, 15:01

Дам олиш кунлари ҳарорат бироз пасаяди

Шанба ва якшанба кунлари аксарият вилоятларда ҳарорат бироз пасайиб, кундузи 33−38, кечаси 20−25 даража атрофида бўлиши кутилмоқда. Якшанба куни тоғли ва тоғолди ҳудудларда қисқа муддатли ёмғирлар кузатилиши мумкин.

7 август 2020, 14:31

Twitter давлат билан алоқадор аккаунтларни белгилашни бошлади

Twitter давлат билан алоқадор ва давлат томонидан бошқариладиган расмий аккаунтларга махсус белгилар қўйишни бошлади. Ҳозирда махсус белгилар, жумладан, TASS, Russia Today, Sputnik, China Xinhua News каби ОАВлар ҳамда Кремлнинг расмий аккаунтларига қўйилган.

7 август 2020, 13:37

Президент талабалар учун арзон интернет трафиклари жорий этиш бўйича топшириқ берди

Президент мутасаддиларга чекка ҳудудларни ҳам интернет билан таъминлаш ҳамда талабалар учун арзонлаштирилган интернет трафикларини ажратиш бўйича топшириқ берди.

7 август 2020, 13:30

Олий таълимда янги ўқув йили масофавий тарзда бошланади

Сентябрдан бошлаб 2, 3 ва 4-курс талабаларига ўқиш онлайн тарзда бошланади. Октябрь ойида 1-курслар ҳам қабул қилиб олингач, пандемиянинг юмшашига қараб анъанавий тизимга яна қайтиш эҳтимоли бор.

7 август 2020, 13:09

«Карантин чоралари босқичма-босқич бекор қилинади» — Сенат раиси

«Карантин чоралари босқичма-босқич бекор қилинади. Аҳоли ўртасида соғлом турмуш тарзи тўғрисидаги кенг тарғибот ишларини кучайтиришимиз, касалликка чалинганларни ишлаб чиқилган протоколлар асосида даволаш билан бирга нормал ҳаётга қайтаришимиз, яъни иқтисодиётимизни ривожлантиришимиз зарур», — дея таъкидлади Сенат раиси Танзила Норбаева.

7 август 2020, 13:02

Танзила Норбаева «темир дафтар»ни шакллантириш ва юритиш тизимини танқид қилди

Сенат раиси «темир дафтар»ни шакллантириш ва юритиш тизими айрим ҳудудларда аҳоли норозилигига олиб келаётганини айтиб ўтди. «Темир дафтар» тизими очиқ, шаффоф бўлиши ва ажратилган маблағларни тақсимлаш жараёнида инсон омилини максимал даражада кисқартириши кераклиги билдирилди. Бунинг учун тизимга замонавий ахборот технологияларини жорий этиш муҳимлиги қайд этилди.

7 август 2020, 12:44

Санитария-эпидемиология хизмати мутасаддилари 1 млрд 750 млн сўмдан ортиқ маблағни талон-тарож қилишган

Андижон, Бухоро, Қашқадарё, Навоий, Наманган вилоятларидаги Санитария-эпидемиология хизмати мутасаддилари томонидан Инқирозга қарши кураш жамғармасининг 1 млрд 750 млн сўмдан зиёд маблағи талон-тарож қилинган, дея маълум қилди сенат раиси Танзила Норбаева. У шунингдек «Жамоатчилик назорати тўғрисида"ги қонун ишламаётганига эътибор қаратди.

7 август 2020, 11:57

Сенат коронавирус қурбонларининг хотирасига бир дақиқалик сукут сақлади

Сенаторлар Қорақалпоғистон Жўқорғи Кенгесининг раиси Муса Ерниязов ва коронавирусдан вафот этган бошқа фуқароларнинг хотирасига бир дақиқа сукут сақлашди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг