30 ноябр 2022, 18:52

Бош прокуратура ҳиндистонлик инвесторнинг Тошкент ҳокимига қарши айбловларини текширмоқда

Ўзбекистон Бош прокуратураси аввалроқ Тошкент ҳокими Жаҳонгир Ортиқхўжаевни шантажда айблаган ҳиндистонлик тадбиркор Мурари Лал Жаланнинг баёнотини текширишга киришди.

30 ноябр 2022, 18:04

Akça Holding компанияси Ўзбекистонда қиймати $250 млн бўлган тўқимачилик лойиҳасини ишга туширмоқчи

Туркиянинг Akça Holding компанияси Наманганда тўқимачилик бўйича $250 млнлик инвестиция лойиҳасини йўлга қўйишни режалаштирмоқда. Корхонада ишлаб чиқарилган текстиль маҳсулотлари АҚШ, Бразилия, Канада ва бошқа мамлакатларга экспорт қилинади.

30 ноябр 2022, 17:11

Марказий банк тижорат банкларидаги долларлашув даражасини қандай пасайтирмоқчи?

Долларлашув даражасининг юқорилиги нархларни барқарорлаштиришга эришишдаги пул-кредит сиёсатининг самарадорлигини пасайтиради, дея қайд этди МБ. Бунга қарши курашиш учун регулятор инфляцияни пасайтириш ниятида, бу эса кредит ставкалари ва долларлашувни камайтиришга ёрдам бериши кутилмоқда.

30 ноябр 2022, 17:03

«Мактабларнинг қарийб 6 фоизида ҳаракат хавфсизлиги синфхоналари ташкил этилган, холос» — сенатор

Сенатор Қутбиддин Бурхонов автомобиль йўлларида инсон хавфсизлигини таъминлаш бўйича президент қарори ижросида қатор камчиликлар кузатилаётганини айтди. Унинг таъкидлашича, мактаб ўқувчиларига йўл ҳаракати қоидаларини ўргатиш ишлари ҳам талаб даражасида эмас.

30 ноябр 2022, 16:54

Шавкат Мирзиёев Қирғизистон билан чегара ва Андижон сув омборини биргаликда бошқариш тўғрисидаги қонунларни имзолади

Ўзбекистон ва Қирғизистон ўртасида Андижон (Кампиробод) сув омборининг сув ресурсларини биргаликда бошқариш тўғрисидаги битимни ратификация қилиш бўйича қонунлар имзоланди.

30 ноябр 2022, 16:45

Фарғонада 30 кг гиёҳванд моддаларининг ноқонуний айланмасига чек қўйилди

ДХХ Фарғона вилоятида гиёҳванд моддаларининг ноқонуний савдоси билан шуғулланган шахсларни аниқлади. Улардан 30 кгдан ортиқ тақиқланган моддалар мусодара қилинди.

30 ноябр 2022, 16:20

Порахўр шахслар суваракларга ўхшайди — Акмал Бурхонов

Коррупцияга қарши курашиш агентлиги раҳбари Акмал Бурхонов коррупционерларни суваракларга ўхшатиб, уларни егулик кўп жойда бўлишини айтди.

30 ноябр 2022, 15:23

Тошкентда қайноналар форуми ўтказилди

30 ноябрь куни пойтахтдаги Темирйўлчилар маданият саройида қайноналар форуми ўтказилди. Унда Оила ва хотин-қизлар давлат қўмитаси раиси Зулайҳо Маҳкамова, жамоатчилик фаоллари ва қайноналар қатнашган. Форумда 30 ноябрни Қайноналар куни, деб эълон қилиш таклифи билдирилган.

30 ноябр 2022, 14:43

Самарқандда Ўзбекистон — Россия ҳукуматлари раҳбарларининг учрашуви бўлиб ўтади

Шавкат Мирзиёев Россия президенти Владимир Путин билан телефон орқали мулоқот қилди. Давлат раҳбарлари Марказий Осиё минтақасидаги амалий ҳамкорлик масалалари юзасидан фикр алмашди. 1−2 декабрь кунлари Самарқандда икки давлат ҳукуматлари раҳбарлари даражасидаги қўшма комиссия учрашуви бўлиб ўтади.

30 ноябр 2022, 14:20

«Моҳир алоқачи» кўкрак нишони ва «Ўз касбининг устаси» белгиси таъсис этилди

Вазирлар Маҳкамасининг тегишли қарори билан ахборот-коммуникация технологиялари соҳасида «Моҳир алоқачи» кўкрак нишони ва «Ўз касбининг устаси» белгиси таъсис этилди.

30 ноябр 2022, 14:11

Андижон ҳокими қурувчиларни ногиронлар аравачасига ўтирғизиб ишининг сифатини текширди

Андижон вилояти ҳокими Шуҳрат Абдураҳмонов Янги Андижон шаҳридаги қурилиш ишлари билан танишиш чоғида қурувчиларни ногиронлар аравачасига ўтирғизиб ишининг сифатини текширди. «Битта ногиронни ҳеч қайсинг уйингга олиб киролмайсан. Қилаётган ишимиз бир тийин бўлмайдими?», — деди Шуҳрат Абдураҳмонов.

30 ноябр 2022, 13:00

Давлат активларини бошқариш агентлиги биносида қуёш электр станцияси ишга туширилди

Давлат активларини бошқариш агентлигида ишга туширилган қуёш электр станцияси муассасанинг биносини кундуз куни электр энергия билан тўлиқ таъминлайди. Шунингдек, эҳтиёждан ортган қисмини ҳудудий электр тармоқларига узатиш имконияти ҳам яратилди.

30 ноябр 2022, 12:57

Депутат маҳалла раиси дарахт кесиш бўйича аризани муҳрламагани учун сўкингани айтилмоқда

Учтепа тумани депутати уй қурилишига халақит берган 2 дарахтни кесишга рухсат олиш учун ариза ёзиб, МФЙ раисидан уни муҳрлаб беришни сўраган. У буни инкор қилгани учун депутат хонадан ҳақорат айтиб чиқиб кетган. Раис унинг устидан арз қилди. Депутат эса уни сўкмагани, ўзига-ўзи нолиганини айтмоқда.

30 ноябр 2022, 12:40

Оққўрғондаги 29 та маҳалладаги аҳолининг муаммолари ўрганилди

Президент маслаҳатчиси Ғ.Мирзаев бошчилигидаги 24 та вазирлик ва идора раҳбарларидан иборат ишчи гуруҳи 920 та хонадон ва 15 та ижтимоий соҳа объектини ўрганди. Уларда аниқланган 547 та масаланинг 76 таси (13,8 фоизи) ҳал қилинди, 471 та масала бўйича чора-тадбирлар белгиланди.

30 ноябр 2022, 12:11

Salam Air авиакомпанияси Ўмондан Ўзбекистонга мунтазам қатновларни йўлга қўяди

Ўмоннинг Salam Air авиакомпанияси Ўзбекистонга мунтазам авиақатновларни амалга ошириш учун рухсатнома олди. Эндиликда Маскат — Ташкент — Маскат ва Маскат — Наманган — Маскат йўналишларида мунтазам рейслар амалга оширилади.

30 ноябр 2022, 11:43 1

Тошкентда ИИО ходими хизмат вақтида ўлдирилди

30 ноябрь куни соат 00:50 ларда Олмазор тумани ИИО профилактика инспектори тезкор чақирув бўйича «Ғалаба» маҳалласида хизмат вазифасини бажараётган вақтида ўлдириб кетилди. Қотилликда гумонланаётган фуқаро муқаддам судланган бўлиб, ходимга тажовуз қилгач, воқеа жойидан қочиб кетган.

30 ноябр 2022, 11:43

Ўзбекистонда ҳаво ҳарорати кескин пасайиши кутилмоқда

1 декабрдан Ўзбекистон ҳудудига совуқ ҳаво массаси кириб келади, дея огоҳлантирди Ўзгидромет. Дам олиш кунларида ҳаво ҳарорати кечаси −4…−7 даражагача, кундузи 0…+3 даражагача пасаяди.

30 ноябр 2022, 11:21

Корпоратив бошқарувчи малака аттестатини бериш бўйича давлат хизмати кўрсатилади

Вазирлар Маҳкамаси қарори билан Корпоратив бошқарувчи малака аттестатини бериш бўйича давлат хизматлари кўрсатишнинг маъмурий регламенти тасдиқланди. Давлат хизматини кўрсатганлик учун БҲМнинг 1 баравари (300 минг сўм) миқдорида йиғим ундирилади.

30 ноябр 2022, 10:54

Самарқандда фуқарони $25 минг эвазига АҚШга жўнатмоқчи бўлган шахс ушланди

Самарқандда фуқарони 25 минг доллар эвазига Мексика орқали АҚШга жўнатмоқчи бўлган шахс ушланди. У ҳужжатларни расмийлаштириш учун олдиндан 10 минг доллар олаётганда пайтда ДХХ ва ИИБ ходимлари томонидан қўлга олинди. Ҳозирда гумонланувчига нисбатан тегишли моддалар билан жиноят иши қўзғатилди.

30 ноябр 2022, 10:02

Тижорат банклари 30 ноябрь куни долларни 11 270 сўмдан сотишни бошлади

Банкларда 1 АҚШ доллари 11 270 сўмдан сотилмоқда, аҳолидан эса 11 195 — 11 250 сўмдан сотиб олинмоқда.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг