Янгиликлар

29 июл 2021, 20:37

Сурхондарёда профилактика инспектори ёрдамчилари фуқарони уриб, унинг ўлимига сабаб бўлди

Сурхондарё вилояти Денов туманида икки нафар ИИО ФМБ профилактика инспектори ёрдамчилари фуқарони бир неча бор уриб, тан жароҳати етказган. Оқибатда фуқаро шифохонада вафот этган. Ҳолат юзасидан жиноят иши қўзғатилиб, 2 нафар шахсга нисбатан «қамоққа олиш» эҳтиёт чораси қўлланилган.

29 июл 2021, 18:43

Абитуриентларга рухсатномаларни бериш 1 августдан бошланади

ОТМларнинг бакалавриат таълим йўналишларига кириш тест синовларида иштирок этиш онлайн рўйхатдан абитуриентларга «Абитуриент рухсатномаси»ни бериш 1 август санасидан бошланади.

29 июл 2021, 18:21

Президент сайлови учун партияларнинг ваколатли вакиллари рўйхатга олинди

Марказий сайлов комиссияси Ўзбекистон президенти сайлови учун бешта партиянинг ваколатли вакилларини рўйхатга олди. Улар МСК мажлислари, ҳужжатларни топшириш, имзо варақалари тўғри тўлдирилганини текшириш, овозларни санаб чиқиш жараёнларида иштирок этади.

29 июл 2021, 17:00

«ISHONCH» дўконлар тармоғи энди Бухорода

Бухоро шаҳрида маиший техника, мебель, сантехника воситалари, спорт анжомлари ва бошқа кўплаб маҳсулотлар муддатли тўлов асосида сотиладиган «ISHONCH» дўконлар тармоғининг филиали иш бошлади.

29 июл 2021, 16:56

1 ноябрга қадар аҳолининг 70 фоизини эмлаш режалаштирилмоқда

1 ноябргача Ўзбекистон аҳолисининг 70 фоизини коронавирусга қарши эмлаш режалаштирилмоқда. Ҳозирга қадар республика бўйлаб 5,4% аҳоли инфекцияга қарши тўлиқ эмланган. Энг юқори кўрсаткичлар Наманган, Андижон, Жиззах ва Фарғона вилоятларида қайд этилган.

29 июл 2021, 16:25

Долларнинг расмий курси яна пасайди

Долларнинг расмий курси 23,03 сўмга пасайди ва жами 10 625,00 сўм этиб белгиланди. Евро ва рубль курслари эса бироз кўтарилди.

29 июл 2021, 16:12

Июнь ойида йиллик инфляция даражаси 10,9 фоизни ташкил этди

Марказий банк берган маълумотларга кўра, 2021 йилнинг июнь ойи якунлари бўйича йиллик инфляция даражаси май ойида кузатилгани каби 10,9 фоизни ташкил этиб, сўнгги тўрт-беш ойдан бери деярли ўзгаришсиз шаклланмоқда. Шунингдек, жорий йилнинг I ярим йиллигида ялпи ички маҳсулот реал ҳажмда ўтган йилнинг мос даврига нисбатан 6,2 фоизга ошди.

29 июл 2021, 15:31

Ўзбекистонга 1,2 млн доза Pfizer вакцинаси олиб келинади

Ўзбекистонга коронавирусга қарши яна 17,9 млн доза вакцина олиб келиниши режалаштирилмоқда. Улар орасида Pfizer/Bio N Tech вакцинасининг 1,2 млн дозаси олиб келиниши ҳам кўзда тутилган.

29 июл 2021, 15:30

Ўзбекистонда «Спутник V» вакцинасини ишлаб чиқариш қачондан бошланади?

Jurabek Laboratories томонидан «Спутник V» вакцинасининг биринчи намунаси ишлаб чиқилиб, Гамалея институтига текшириш учун юборилган. Ижобий жавоб олингач ва Россиядан хом-ашё келтирилгач, Ўзбекистонда «Спутник V» вакцинасини қуйиш август ўрталарида бошланиши мумкин. Jurabek Laboratories ишлаб чиқариш директорининг маълум қилишича, компания биринчи босқичда 2 млн доза «Спутник V» ва 10 млн доза хитой-ўзбек вакциналарини ишлаб чиқаришни режалаштирган.

29 июл 2021, 14:09

Токио-2020: Олимпиаданинг олтинчи кунини Ўзбекистон медалларсиз якунлади

Токиода ўтказилаётган Олимпия ўйинларининг олтинчи кунида 6 нафар ўзбекистонлик спортчилар беллашувларда қатнашишди. Улар орасида боксчи Баҳодир Жалолов кейинги босқичга йўлланма олган бўлса, қолган барча спортчилар мусобақадаги иштирокларини тугатишди.

29 июл 2021, 14:09

Вакцина дозалари орасида 3 ойдан кўп вақт ўтса, қайта эмланиш кераклиги айтилди

Коронавирусга қарши вакцинанинг биринчи дозаси олингандан сўнг, иккинчисини олгунга қадар 12 ҳафта (3 ой)дан ортиқ вақт ўтса, фуқаро ревакцинация қилинади, дея маълум қилди СЭС бошлиғи ўринбосари Ботир Қурбонов.

29 июл 2021, 13:47

Тошкент маҳаллаларида истироҳат йўлаклари ташкил этилади

Тошкентдаги кўп қаватли уйлар ва аҳоли зич жойлашган маҳаллалар, ички йўл ёқалари ва бошқа бўш майдонларда истироҳат йўлаклари ташкил этилади.

29 июл 2021, 13:21

Қозоғистонда ўзбекистонликлар иштирокидаги ЙТҲда 1 киши ҳалок бўлди ва 5 киши жароҳатланди

Қозоғистоннинг Ақтўбе вилоятида ичида саккиз нафар ўзбекистонлик бўлган Toyota ЙТҲга учради. Оқибатда бир киши вафот этди, 5 нафар йўловчи даволанмоқда. Яна икки нафар йўловчига эса шифохонадан жавоб берилган.

29 июл 2021, 12:49

Марказий банк асосий ставкани яна ўзгаришсиз қолдирди

Марказий банк Бошқарувининг оралиқ йиғилишида асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилинди.

29 июл 2021, 12:31

Жо Байден Светлана Тихановская билан учрашди

АҚШ президенти Жо Байден Оқ уйда Беларус муҳолифати етакчиси Светлана Тихановскаяни қабул қилди. Байден АҚШ «Беларус халқини демократия йўлида қўллаб-қувватлашини» таъкидлади.

29 июл 2021, 12:00

Президент ОКМКнинг «Ёшлик-1» конининг ўзлаштирилиши билан танишди

Олмалиқ кон-металлургия комбинатида қиймати 4,9 млрд доллар бўлган «Ёшлик-1» конини ўзлаштириш лойиҳаси амалга оширилмоқда. Президент Шавкат Мирзиёев пайшанба куни конда олиб борилаётган ишлар билан танишди.

29 июл 2021, 11:25

Архитектор Серго Сутягин вафот этди

Ўзбекистонда хизмат кўрсатган меъмор, Тошкентдаги «Панорама» киносаройи ва «Космонавтлар» метро бекати лойиҳалари муаллифи Серго Сутягин вафот этди.

29 июл 2021, 10:51

Элдор Шомуродов «Рома»га ўтмоқда

Спорт журналистлари Николо Скира ҳамда Фабрицио Романо ўзбекистонлик футболчи Элдор Шомуродовни Италиянинг «Рома» клуби билан келишувга эришгани ҳақида маълум қилишди. Римликлар ҳужумчини 16 млн евро эвазига сотиб олиш ҳуқуқи билан ижарага олдилар. Шомуродов энди 2026 йилгача «Рома» манфаатларини ҳимоя қилади.

29 июл 2021, 10:38

Burger King Ўзбекистон бозорига кирмоқда

Burger King тез овқатланиш ресторанлар тармоғи Ўзбекистон бозорига кирмоқда. ООО Burgerhouse компанияси рўйхатга олинган, ходимлар ишга олинмоқда. Биринчи филиал йил охиригача очилиши мумкин.

29 июл 2021, 10:13

Яна антирекорд: бир кунда 879 кишида коронавирус аниқланди

Кеча Ўзбекистонда 879 нафар кишида коронавирус инфекцияси қайд этилди. 529 нафар кишида пневмония аниқланиб, 6 нафар бемор вафот этди.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг