Янгиликлар
Афросиёб археологик объекти яқинида кавланган чуқурдан эски сопол буюм ва қабристон қолдиқлари топилди
Самарқандда Афросиёб археологик объекти яқинида ободонлаштириш иншооти қуриш учун ер кавлангани аниқланди. Кавланган чуқурдан ўрта асрларга оид сопол буюм қолдиқлари, ғишт ва қабристон қолдиқлари топилган.
Россияда пилот лойиҳа доирасида ишга жойлаштириладиган ўзбекистонлик мигрантлар сонига чекловни олиб ташлаш режалаштирилмоқда
Россия Меҳнат вазирлиги хорижликларни ишга жойлаштириш бўйича пилот лойиҳаси доирасида Ўзбекистондан Россияга келиши мумкин бўлган мигрантлар сонига чекловни олиб ташлашни таклиф қилмоқда. Ҳозирда ушбу чекловга кўра, пилот лойиҳа доирасида 10 минг нафар ўзбекистонлик Россияга ишлаш учун бора олади.
Ўзбекистон фонд бозори иштирокчилари учун «Инвесторлар жанги 2.0» танлови ўтказилади
«Инвесторлар жанги 2.0» танловида инвестицион портфели энг катта ўсишни кўрсатганлар ғолиб бўлишади. Аризалар 6 июнь кунигача қабул қилинади якунланади.
Фарғона вилоят ХТБ деразадан сакраган ўқувчи воқеасига изоҳ берди
Фарғона вилоят ХТБ ўқитувчи ўқувчига бақириб, юзига урганидан кейин қиз деразадан сакраб тушгани акс этган видеога изоҳ берди. Маълум қилинишича, синф биринчи қаватда жойлашган, қиз бунгача ҳам дарс тугашига 5 дақиқа қолганида синфни дераза орқали тарк этган.
Техасда ўсмир йигит мактабда отишма содир этди (янгиланди)
АҚШнинг Техас штатида 18 ёшли ўсмир Сальвадор Рамос бошланғич мактабда отишма содир этди. Ҳодиса натижасида 19 нафар ўқувчи ва битта ўқитувчи ҳалок бўлди.
Президент — битирувчиларга: «Ўзбекистон улкан имкониятлар мамлакатига айланиб бормоқда»
Шавкат Мирзиёев мактаб битирувчиларини мустақил ҳаётга қадам ташлаётганлари билан табриклади. Президент Ўзбекистон улкан имкониятлар мамлакатига айланиб бораётганини таъкидлаб, олдига аниқ мақсад қўйган ёшларнинг кўзлаган чўққиларга эришишларига ишонч билдирди.
МБ нима учун банклар кредит беришни рад этаётганига изоҳ берди
Фуқаролар Марказий банкка тижорат банклари «номаълум сабабларга кўра» кредит ажратмаётганидан шикоят қилишмоқда. Уларнинг сўзларига кўра, рад этиш вақтида банк ходимлари қарз олувчилар «қора рўйхат»га киритилганини маълум қилишмоқда. МБ гап мижознинг кредит тарихи ҳақида кетаётганини билдирди.
24 май куни Ўзбекистонда содир бўлган энг муҳим хабарлар дайжести
Россия президенти билан гаплашган Шавкат Мирзиёев, фавқулодда вазиятлар бўйича Қозоғистон билан ҳамкорлик қиладиган Ўзбекистон, Самарқандда очилган энг йирик 2-қуёш фотоэлектр станцияси, Қозоғистон ТИВнинг Самарқандда туристлар билан бўлган ҳолатга муносабати, тенгдошини машинада босиб кетган наманганлик мактаб ўқувчиси, Ўзбекистонни Қирғизистон билан боғловчи ерости туннели топилгани ва бошқалар — «Газета.uz»нинг 24 майдаги энг муҳим хабарлари дайжестида.
Адлия вазирига ўринбосар тайинланди
Интеллектуал мулк агентлиги директори лавозимида ишлаб келган Тулкин Абдусаттаров адлия вазири ўринбосари этиб тайинланди.
Шавкат Мирзиёев ва Владимир Путин ҳамкорлик масалаларини муҳокама қилди
Ўзбекистон ва Россия президентлари телефон орқали мулоқотда Ўзбекистон-Россия муносабатларини ривожлантириш, минтақавий кун тартиби ва халқаро сиёсат масалаларини муҳокама қилдилар.
«Тўғридан-тўғри амал қиладиган қонунларни ишлаб чиқиш вақти келди» — Содиқ Сафоев
Давлат илгариги даврлардан фарқли ўлароқ, нафақат бошқарув, балки фуқароларга хизмат кўрсатиш марказига айланиб бормоқда, деди Сенат раисининг биринчи ўринбосари Содиқ Сафоев. Шундай экан, амалдорларнинг фаолиятига баҳо бериш, муаммоларни парламент усулларида ҳал этиш, қонунларни қабул қилишда етук экспертларга таяниш зарур. «Тўғридан-тўғри амал қиладиган қонунларни ишлаб чиқиш амалиётини кенг жорий этиш вақти келди деб ўйлайман», — деди у.
Насрулла Бабаев Бекобод шаҳрига ҳоким бўлди
Қурилиш вазири ўринбосари лавозимида фаолият юритган Насрулла Бабаев Бекобод шаҳри ҳокими этиб тайинланди.
Ўзбекистон ва Қозоғистон фавқулодда вазиятларни бартараф этишда ҳамкорлик қилади
Шавкат Мирзиёев Ўзбекистон ва Қозоғистон ўртасида фавқулодда вазиятларнинг олдини олиш ва уларни бартараф этишда ҳамкорлик қилиш тўғрисидаги ҳукуматлараро битимни тасдиқлади. Томонлар табиий ва техноген хусусиятли фавқулодда вазиятларнинг мониторинги ва прогнози бўйича маълумотлар алмашади, уларни бартараф этишда ўзаро ҳамкорлик қилади.
«Ислоҳотлар буйруқ билан мувафақиятли амалга оширилиши мушкул» — Содиқ Сафоев
Сенат раисининг биринчи ўринбосари Содиқ Сафоев ислоҳотлар буйруқ билан мувафақиятли амалга оширилиши мушкуллиги ва туб ўзгаришлар аҳоли уларни чуқур ва тўла англашига боғлиқлигини таъкидлади. «Тараққиётни таъминловчи тизимли механизмлар ичида энг муҳими — ҳокимиятнинг уч тармоғи ўртасида бир-бирини тийиб туриш тизимини такомиллаштиришдан иборат», — деди у. Сенатор шунингдек, давлат ҳокимиятининг аҳоли олдида жавобгарлигини таъминлаш зарурлигини қайд этди.
Ўзбекистонда «Маданий мерос ва ижод платформаси» ишга туширилади
Туризм ва маданий мерос вазирлиги ҳамда ЮНEСКОнинг Ўзбекистондаги ваколатхонаси «Маданий мерос ва ижод платформаси» ни ишга туширади. Барча амалга оширилаётган маданий дастурлар ва лойиҳалар харитага киритилади, бу эса умумий манзарани кўра олиш, эълон қилинган сиёсат ва стратегиялар доирасида мувофиқлаштирилган ҳолда ишлаш имконини беради.
Қозоғистон ТИВ Самарқандда туристлар билан содир бўлган ҳолатга муносабат билдирди
Қозоғистон ТИВ расмий вакили Айбек Смадияров Самарқандда ички ишлар ходимлари туристларга нисбатан электрошокер қўллаган ҳолат юзасидан муносабат билдирди. «Ўзбекистонда жамиятнинг ўзи ҳуқуқ-тартибот идоралари ходимларининг ҳаракатларини қораламоқда… Биз бунга аралашмасликка ҳаракат қилаяпмиз ва фақат фуқароларимиз ҳимоясига тегишли қисмини кузатиб бораяпмиз», — деди у.
Наманганда 7-синф ўқувчиси автомобилда тенгдошини босиб кетди
Наманган вилояти Косонсой туманида 7-синф ўқувчиси «Ваз-2106» русумли автомобилни ноқонуний бошқараётиб, йўл четида кетаётган 14 ёшли пиёдани босиб кетди. Бу охирги уч сутка ичида Ўзбекистон йўлларида ЙТҲ оқибатида содир бўлган саккизинчи ўлим ҳолатидир.
Ўзбекистонда иккинчи энг йирик қуёш фотоэлектр станцияси ишга туширилди
Самарқанд вилоятининг Нуробод туманида мамлакатдаги иккинчи энг йирик (100 МВт) қуёш фотоэлектр станцияси ишга туширилди ва ягона тармоққа қувват узатишни бошлади. Бу билан йилига 78 млн куб метр табиий газ тежалади (мамлакат аҳоли хонадонларининг 10 кунлик истеъмоли) ва 80 мингдан ортиқ хонадон электр энергияси билан таъминланади.
«Нархларнинг кўтарилиши етарли эмас». Шерзод Ходжаев — энергетика соҳасини ислоҳ қилиш тўғрисида
«Бугунги нархлар билан биз фаолият самарадорлигини ошириш орқали саноатнинг айрим муаммоларини ҳал қилишимиз мумкин. Аммо 25 йилдан бери мерос бўлиб қолган муаммоларни ҳал қила олмаймиз, — дея таъкидлади энергетика вазири ўринбосари Шерзод Ходжаев. Унинг қўшимча қилишича, шунчаки нархларни оширишнинг ўзи етарли эмас. Ишлайдиган бозор қоидалари керак. Шу билан бирга, давлат аҳоли учун тариф сиёсатини сақлаб туриши керак.
Вояга етмаган қизга тегажоғлик қилган эркакка 10 сутка маъмурий қамоқ жазоси берилди
Тошкент шаҳар ИИББ Юнусобод туманидаги уй олдида 17 ёшли қизга тегажоғлик қилган эркак қўлга олингани ҳақида хабар берди. У майда безориликда айбланиб, 10 суткага маъмурий қамоққа олиниб, жаримага тортилди. Жабрланувчи ички ишлар бўлими унинг аризасини биринчи мурожаатда қабул қилмаганидан шикоят қилди.
"Газета.uz"да рўйхатдан ўтиш
Қўшимча имкониятларга эга булиш учун сайтда рўйхатдан ўтинг