Янгиликлар

Бугун, 20:57

«Тиббий суғуртани жорий қилиш тезлашмаса, тиббиётда кескин ўзгариш бўлмайди» — президент

Сешанба кунги видеоселекторда Шавкат Мирзиёев тиббий суғурта бўйича Сирдарё тажрибасини тезроқ бутун республикада ҳаётга тадбиқ этиш зарурлигини қайд этди. Бундан ташқари, жарроҳлик амалиётини талаб этмайдиган юрак қон-томир, ошқозон-ичак, нафас йўллари, тери касалликларига диагноз қўйиш, даволаш ва реабилитация жараёнларини туманларда амалга ошириш кераклиги айтилди.

Бугун, 20:05

Жаҳон янгиликлари дайжести

АҚШ президенти ва вице-президентининг 2020 йил учун солиқ декларациялари, Колумбиядаги намойишларда 1,7 мингдан ортиқ кишининг жароҳат олгани, Грузия, Молдова ва Украинанинг Европа Иттифоқига қўшилиш бўйича меморандум имзолагани ва бошқа янгиликлар — «Газета.uz»нинг жаҳон янгиликлари дайжестида.

Бугун, 19:51

1 августга қадар Сирдарёдаги, 1 ноябргача эса Тошкентдаги поликлиникалар тўлиқ рақамлаштирилади

1 августга қадар Сирдарёдаги, 1 ноябргача эса Тошкент шаҳридаги барча поликлиникаларни тўлиқ рақамлаштириш режалаштирилмоқда. Гулистондаги оилавий поликлиникани тажриба доирасида хусусий шерикликка бериш кўзланмоқда.

Бугун, 18:59

Электромобилларни олиб кириш учун йиғимни бекор қилиш маъқулланди

Электромобилларни сотиб олиш ва (ёки) Ўзбекистон ҳудудига вақтинчалик олиб кириш учун йиғим бекор қилинади. Қонунчилик палатаси Солиқ кодексига ўзгартиришлар киритиш тўғрисида қонун лойиҳасини қабул қилди.

Бугун, 18:35

«Бепул тиббиёт йўқ, ҳаммаёқда коррупция деяпти одамлар» — Шавкат Мирзиёев

Президент тиббиёт соҳасига бағишланган видеоселекторда республикадан ажратилаётган маблағлар тўғри сарфланмаётганини танқид қилди. «Бепул тиббиёт йўқ, ҳаммаёқда коррупция деяпти одамлар», — деди у. Қолаверса, давлат раҳбари соҳада ўзгариш қилиш шарт бўлган 5 та йўналишни белгилаб берган.

Бугун, 16:39

Фуқарога $13 минг эвазига ер олиб бермоқчи бўлган солиқ инспектори ва фермер қўлга олинди

Самарқанд вилоятида фуқарога 13 минг АҚШ доллари эвазига 15 гектар ер майдонини олиб бермоқчи бўлган туман солиқ инспектори ва фермер қўлга олинди.

Бугун, 16:27 1

Рўмол билан сайловнинг ҳеч қандай алоқаси йўқ — Чиноздаги 45-мактаб директори узр сўради

Рўмол ўраган қизларга сайлов сабабли уларга индашмаётгани, сайловдан кейин «қанақадир ташкилотлар» ота-оналарини суриштиришини айтган Чиноздаги 45-мактаб директори бу ҳақда ҳеч қандай органлардан топшириқ бўлмаганини билдирди. У жамоатчилик ва ота-оналардан узр сўради.

Бугун, 16:12

Долларнинг расмий курси кетма-кета олтинчи бор кўтарилмоқда

Долларнинг расмий курси 10,89 сўмга қимматлади ва жами 10 577 сўм этиб белгиланди. Шунингдек, евро ва рубль курслари ҳам бироз кўтарилган.

Бугун, 15:23

Ҳокимнинг «маҳфий» қарори туфайли тадбиркорга товон пули тўлаб берилмади

Тошкентнинг туман ҳокими «махфий» қарорига биноан тадбиркор ер участкасини олиб қўйилиши муносабати билан ўз савдо объектидан маҳрум бўлди, дея маълум қилди бизнес омбудсман. Суд пойтахт ҳокимиятига бузилган иншоот учун тадбиркорга товон пули тўлаш мажбуриятини юклади.

Бугун, 14:53

Кўплаб инсонлар ортиқча иш юки сабабли вафот этмоқда — ЖССТ ва ХМТ

Узоқ давом этадиган иш куни инсульт ва юрак касалликларининг келиб чиқишига, бунинг оқибатида ҳар йили юз минглаб инсонларнинг ўлимига олиб келади. ЖССТ ва ХМТнинг ушбу мавзудаги дастлабки тадқиқотларига кўра, ортиқча меҳнат қилиш касбий касалликлар учун энг муҳим хавф омилига айланган.

Бугун, 14:34

Тошкент шаҳар ҳокимининг биринчи ўринбосари маҳалла раисини ҳақоратлаб, куч ишлатди — Маҳалла вазирлиги

Тошкент шаҳар ҳокимининг биринчи ўринбосари Бахтиёр Раҳмонов Тошкент вилояти Оққўрғон туманидаги маҳаллалардан бирининг раисини ҳақорат қилди ва жисмоний куч ишлатди, деб хабар берди Маҳалла вазирлиги.

Бугун, 13:01

Сирдарёда пиёдалар йўлакчасидан ўтаётган болани юк машинаси уриб юборди. Бола вафот этди

Сирдарё вилоятида юк машинаси йўлнинг пиёдалар йўлакчасидан ўтаётган мактабнинг 2 синф ўқувчисини уриб юборди. Бола олган тан жароҳатларидан шифохонада вафот этган.

Бугун, 12:50

Самарқандда пиёда юк автомобили уриб юбориши оқибатида вафот этди

Самарқанд вилоятида 42 ёшли Туркия фуқароси ўз бошқарувидаги юк автомашинасида пиёдани уриб юборди. 39 ёшли пиёда воқеа жойида вафот этган.

Бугун, 11:33

Ўзбекистонлик дзюдочилар Қозоғистондаги Осиё кубогида 2-ўринни эгаллашди

Қозоғистонда бўлиб ўтган дзюдо бўйича ёшлар ўртасидаги Осиё кубогида Ўзбекистон спортчилари 14 та медални қўлга киритишди ва умумжамоа ҳисобида 2-ўринни эгаллашди.

Бугун, 11:33

Чилонзор ва Ўзбекистон метро линиялари ишлаш вақтини ўзгартиради

Пойтахт метросининг Чилонзор ва Ўзбекистон линиялари 21 майдан бошлаб янги жадвал асосида ишлайди.

Бугун, 11:31

Ижтимоий сўров: ҳар ўнинчи респондент оилада аёлларга куч ишлатиш мумкин деб ҳисоблайди

«Ижтимоий фикр» сўровномасида иштирок этганларнинг кўпчилиги оилада куч ишлатиш мумкин эмас деб ҳисоблайди. Лекин 10,3 фоиз респондентлар «аёл ўз хатти-ҳаракати билан эрини куч ишлатишга мажбур қилган ҳолларда» куч ишлатиш мумкин, деб ҳисоблайдилар.

Бугун, 10:58 1

Яна бир миллион дозада хитой-ўзбек вакцинаси олиб келинди

Ўзбекистонга хитой-ўзбек вакцинасининг навбатдаги партияси 1 миллион дозада олиб келинди. Эртага ушбу вакцинадан яна 500 минг доза вакцина олиб келиниши айтилмоқда.

Бугун, 10:56

Жаҳон банки сув таъминоти ва инновацияларни ривожлантиришни қўллаб-қувватлайди

Ўзбекистон ва Жаҳон банки «Ўзбекистонда сув таъминоти хизматлари секторини ривожлантириш ва уни институционал қўллаб-қувватлаш» ва «Миллий инновацион тизимни модернизация қилиш» лойиҳалари бўйича битимларни имзолади.

Бугун, 10:06

Самарқандда 17 ёшли қизнинг мурдаси топилди

Пастдарғом туманидаги каналда 17 ёшли қизнинг мурдаси топилди. Қизнинг яқинлари унинг номусига тегиб, кейин ўлдирганини гумон қилишаётганини билдирган. Суд тиббий экспертизасининг дастлабки маълумотларига кўра, марҳуманинг ўлими, сувга чўкишдаги механик асфиксиядан келиб чиққанини ва жинсий аъзоларида тан жароҳатлари аниқланмаганлиги айтилмоқда.

Бугун, 09:50 2

Самарқандда сигнал чалган ҳайдовчининг автомобилини жарима майдончасига қўйдирган ИИБ раҳбарларига чора кўрилди

Самарқанд вилоятида туман ИИБ бошлиғига сигнал чалган ҳайдовчининг машинаси жарима майдончасига жойланиши юзасидан хизмат текшируви ўтказилди. Унга кўра, Пахтачи тумани ИИБ Йўл ҳаракати хавфсизлиги гуруҳи катта инспектори М.Тоғаевга ҳайфсан, ЙПХ инспектори сафдор Ф.Ҳаитовга танбеҳ интизомий жазоси берилди. Туман ИИБ бошлиғининг ҳаракатлари эса «Интизомий кенгаш»да кўриб чиқилади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг