«Бу каби ҳолатлар денгиздан томчи». Саида Мирзиёева — университетда талаба қизга тегажоғлик қилингани ҳақида
27 октябр 2021, 20:58

«Бу каби ҳолатлар денгиздан томчи». Саида Мирзиёева — университетда талаба қизга тегажоғлик қилингани ҳақида

Саида Мирзиёева Педагогика университетида декан ўринбосари ва талаба қиз билан боғлиқ воқеага муносабат билдирди. «Лекин жамоатчиликка ошкор этилаётган бу каби ҳолатлар денгиздан томчи эканини барчамиз англаб турибмиз», — дейди у. Қўшимча қилинишича, «айбдорлар жавобгарликдан қоча олмаслиги учун бундай ҳодисаларнинг ҳар бири жамоатчиликка ошкор қилиниши шарт».

COVID-19 ва камбағалликка қарши курашиш, Афғонистон, рақамли молия: Мирзиёев ва Си Цзиньпин нима ҳақда суҳбатлашди?
27 октябр 2021, 20:49

COVID-19 ва камбағалликка қарши курашиш, Афғонистон, рақамли молия: Мирзиёев ва Си Цзиньпин нима ҳақда суҳбатлашди?

Ўзбекистон президенти ва ХХР раиси Си Цзиньпин телефон орқали мулоқотда Афғонистондаги вазият, вакцина ишлаб чиқариш бўйича минтақавий марказ қуриш ва бошқа масалаларни муҳокама қилди. Шавкат Мирзиёев коронавируснинг келиб чиқиши ҳақидаги масалани сиёсийлаштиришга қарши чиқди, дея хабар қилди «Синьхуа».

Мудофаа ва ҳуқуқни муҳофаза қилувчи органлар давлат бюджетидан қўшимча 1,43 трлн сўм олади
27 октябр 2021, 19:56

Мудофаа ва ҳуқуқни муҳофаза қилувчи органлар давлат бюджетидан қўшимча 1,43 трлн сўм олади

Мудофаа ва ҳуқуқни муҳофаза қилувчи органларни сақлаш, моддий-техника базасини мустаҳкамлаш учун 1,43 трлн сўм ($133,7 млн) йўналтирилади. Сенат буни назарда тутувчи ўзгартишларни давлат бюджетига киритишни маъқуллади. Июнда сенаторлар куч ишлатар тузилмалар ходимларини моддий таъминлаш, қўшимча штатлар ажратиш ва моддий-техник базасини мустаҳкамлаш учун 1,1 трлн сўм ажратишни ҳам маъқуллаган эди.

Афғонистон Термиздан БМТ ёрдамининг олиб кирилишига ҳозирча рухсат бергани йўқ
27 октябр 2021, 18:23

Афғонистон Термиздан БМТ ёрдамининг олиб кирилишига ҳозирча рухсат бергани йўқ

БМТ Қочқинлар ишлари бўйича бошқармасининг инсонпарварлик ёрдами мамлакат ҳукуматининг уни олиб киришга рухсат бермагани сабабли ҳозирча Термиздан Афғонистонга етказилгани йўқ.

Оксана Чусовитина спорт мактабини рўйхатдан ўтказди
27 октябр 2021, 18:20

Оксана Чусовитина спорт мактабини рўйхатдан ўтказди

Оксана Чусовитина спорт таълими фаолияти билан шуғулланиш учун «Chusa sport team» МЧЖни рўйхатдан ўтказди. Август ойида Шавкат Мирзиёев Токио-2020 Олимпия ўйинлари иштирокчилари билан учрашувида Чусовитина спорт маҳорати мактабини ташкил этиш ва уларнинг фаолияти учун барча зарур шароитлар яратишга топшириқ берилган эди.

Тошкентда Lacetti автомашинаси ҳайдовчиси автобусга урилиши оқибатида ҳалок бўлди
27 октябр 2021, 18:07

Тошкентда Lacetti автомашинаси ҳайдовчиси автобусга урилиши оқибатида ҳалок бўлди

Яккасарой туманида Lacetti автомашинаси ҳайдовчиси йўл четида тўхтаб турган Mercedes-Benz автобуси билан тўқнашиб кетган ва олган жароҳатлари туфайли воқеа жойида вафот этган.

Олимпиада ўйинлари совриндори Давлат Бобонов жаҳон рейтинги пешқадамига айланди
27 октябр 2021, 17:52

Олимпиада ўйинлари совриндори Давлат Бобонов жаҳон рейтинги пешқадамига айланди

Ўзбекистонлик дзюдовчи Давлат Бобонов -90 кг вазн тоифасида дунё рейтингида 1-ўринга кўтарилиб олди. Яна икки нафар ўзбекистонлик дзюдочи Шарофиддин Болтабоев (-81 кг) аввалги ўрнига нисбатан бир поғона пастлаб, 4-ўринни, Сардор Нуриллаев (-66 кг) ҳам бир поғонага пастлаб, 6-ўринни эгаллаб турибди.

Ўзбекистонда биринчи юқори кучланишли рақамли подстанция қурилади
27 октябр 2021, 17:23

Ўзбекистонда биринчи юқори кучланишли рақамли подстанция қурилади

Осиё тараққиёт банки кўмаги билан Жиззах вилоятида 220 кВ кучланишли «Зафаробод» рақамли подстанцияси қурилади. Подстанция 2023 йилда фойдаланишга топширилади. Унинг қурилишида тендерда ғолиб бўлган Хитойнинг «Shanghai Electric Group Co.,Ltd» компанияси иштирок этади.

Самарқандда 10 кунда 8 киши ис газидан заҳарланиб, ҳалок бўлди
27 октябр 2021, 17:22

Самарқандда 10 кунда 8 киши ис газидан заҳарланиб, ҳалок бўлди

Самарқанд вилоятида 10 кунда ис газидан заҳарланиш оқибатида 8 киши вафот этган. Уларнинг 5 нафари вояга етмаган болалардир. Яна 1 киши оғир аҳволда шифохонага ётқизилган. Шунингдек, вилоятда октябрь ойининг бошидан буён 128 та аҳоли уйларида турли кўламли ёнғинлар содир бўлган.

Долларнинг расмий курси кетма-кет учинчи кун пасайди
27 октябр 2021, 17:18

Долларнинг расмий курси кетма-кет учинчи кун пасайди

Долларнинг сўмга нисбатан расмий курси 7,68 сўмга пасайиб, 10 676 сўм этиб белгиланди. Шунингдек, евро ва рубль курслари ҳам пасайди.

«Афғонистон яқин келажакда минтақавий хавфсизликнинг муҳим омили бўлиб қолади» — Абдулазиз Камилов
27 октябр 2021, 17:03

«Афғонистон яқин келажакда минтақавий хавфсизликнинг муҳим омили бўлиб қолади» — Абдулазиз Камилов

Ташқи ишлар вазири Абдулазиз Камилов Теҳрон саммитидаги нутқида Афғонистон яқин келажакда минтақавий хавфсизликнинг муҳим омили бўлиб қолиши ҳақида таъкидлади. Унинг сўзларига кўра, ушбу давлатни халқаро миқёсда яккаланиб қолишига йўл қўймаслик учун Афғонистонга нисбатан можародан кейинги стратегияни ишлаб чиқиш зарур.

«Юнистрим» Россияда ишлаётган Ўзбекистон фуқароларини қўллаб-қувватлайди
27 октябр 2021, 17:00

«Юнистрим» Россияда ишлаётган Ўзбекистон фуқароларини қўллаб-қувватлайди

Меҳнат муҳожирларига ёрдам бериш мақсадида «Юнистрим» банки касаллик ёки жароҳат туфайли даромадини йўқотганлар учун бепул суғуртали дебет картасини чиқарди.

9 ойда ХТВ тизимида 76,5 млрд сўмлик молиявий хато-камчиликлар аниқланган
27 октябр 2021, 16:57

9 ойда ХТВ тизимида 76,5 млрд сўмлик молиявий хато-камчиликлар аниқланган

2021 йилнинг январь-сентябрь ойларида ХТВ тизимидаги таълим муассасаларида 76,5 млрд сўмлик молиявий хато-камчиликлар, шундан 16 млрд сўмлик ўғирлик ва камомад ҳолатлари аниқланган.

Педагогика университети раҳбарияти ва масъулларига қатъий ташкилий ва интизомий чоралар кўрилади
27 октябр 2021, 16:30

Педагогика университети раҳбарияти ва масъулларига қатъий ташкилий ва интизомий чоралар кўрилади

Олий таълим вазирлиги Педагогика университетида декан ўринбосари ва талаба қиз билан боғлиқ воқеани назоратига олди. Вазирлик ушбу ҳолатга йўл қўйган университет раҳбарияти ва масъулларига нисбатан қатъий ташкилий ва интизомий чоралар кўрилишини таъкидлади. Соғлиқни сақлаш вазирлиги эса жабрланувчи қизнинг саломатлигини ўз назоратига олди.

Хорижий валютада олинган кредитлар миллий валютага ўтказилса компенсация берилади
27 октябр 2021, 16:23

Хорижий валютада олинган кредитлар миллий валютага ўтказилса компенсация берилади

Президент тадбиркорлик субъектларининг валюта хатарларини камайтиришга оид қарорни қабул қилди. Давлат жамғармаси хорижий валютада олинган кредитлар миллий валютага ўтказилганида компенсация тўлаб беради.

Uzbekistan Airports таркибида янги хендлинг компанияси ташкил этилмоқда
27 октябр 2021, 15:55

Uzbekistan Airports таркибида янги хендлинг компанияси ташкил этилмоқда

Uzbekistan Airports таркибида Uzbekistan Airports Handling компанияси фаолият бошлайди. Янги хендлинг корхонаси аэропорт комплексидаги қатор хизматларни тақдим этади. Эндиликда авиакомпаниялар ўзларига зарур хизмат пакетини шакллантириб, кераксиз хизматлардан воз кечишлари мумкин бўлади.

Тошкентда Matiz йўл четидаги пиёдаларни уриб юбориши оқибатида 3 киши жароҳат олди
27 октябр 2021, 14:55

Тошкентда Matiz йўл четидаги пиёдаларни уриб юбориши оқибатида 3 киши жароҳат олди

Миробод туманида Matiz автомашинаси йўл четида турган пиёдаларни уриб юбориб, ағдарилиб кетган. Оқибатда 3 нафар пиёда тан жароҳатлари билан шифохонага ётқизилган. Йўл четида турган автомобилларга ҳам зарар етган.

Абдулазиз Камилов Эрон президенти билан Афғонистондаги вазиятни муҳокама қилди
27 октябр 2021, 14:52

Абдулазиз Камилов Эрон президенти билан Афғонистондаги вазиятни муҳокама қилди

Ўзбекистон ТИВ раҳбари Абдулазиз Камилов Теҳрон саммити доирасида Эрон президенти Иброҳим Раиси билан Афғонистондаги вазият бўйича музокаралар ўтказди. Камилов Эроннинг Афғонистондаги вазиятни ўрганиш бўйича ташаббусини олқишлашини маълум қилди. Раиси саммит доирасида афғон масаласи бўйича умумий ечим ва қарашлар топилишига умид қилиши ҳақида таъкидлади.

«Қонун имконияти чекланган шахсларга тўғридан-тўғри имтиёз бермайди». Сенаторлар жамиятлар вакиллари билан учрашди
27 октябр 2021, 14:23

«Қонун имконияти чекланган шахсларга тўғридан-тўғри имтиёз бермайди». Сенаторлар жамиятлар вакиллари билан учрашди

Ногиронлар, Карлар ва Кўзи ожизлар жамиятлари сенаторлар рад этган «Ижтимоий тадбиркорлик тўғрисида»ги қонунни маъқуллашни сўраб, Сенатга мурожаат қилган эди. Шундан сўнг, сенаторлар Одилжон Иминов ва Эркин Гадоев жамиятлар раҳбарлари билан учрашди. Таъкидланишича, «учрашувда қонун имконияти чекланган шахсларга тўғридан-тўғри имтиёз ва преференциялар беришни назарда тутмаслиги тушунтирилган». Қолаверса, ҳужжатни қайта ишлашда ҳамкорлик қилиш таклиф этилган.

Япония Афғонистон ва қўшни мамлакатлар, шу жумладан Ўзбекистонга ҳам грант ажратади
27 октябр 2021, 13:23

Япония Афғонистон ва қўшни мамлакатлар, шу жумладан Ўзбекистонга ҳам грант ажратади

Япония гуманитар эҳтиёжларнинг ўсиб бораётганлиги сабабли Афғонистон ва қўшни мамлакатларга 65 млн доллар миқдорида фавқулотда грант ажратади. Шундан 200 минг доллари Ўзбекистонга берилади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг