Сайлов-2021

23 сентябрь 2021, 10:51

Сўров иштирокчиларининг деярли ярми президентликка номзодлар теледебат қилишларини ёқламоқда — «Ижтимоий фикр»

«Ижтимоий фикр» марказининг президентлик сайлови бўйича сўрови фуқаролар сайловолди дастурлари билан тўлиқ танишишга ҳали улгурмаганини кўрсатди. Респондентларнинг деярли ярми номзодлар орасидаги очиқ теледебатларни дастурлар ҳақида маълумот олишнинг энг жозибали шакли деб аташди.

22 сентябрь 2021, 17:16 1

Президентликка номзодлар мактабларда бепул овқатланишни таклиф қилишди

ЎзЛиДеПнинг президентликка номзоди Шавкат Мирзиёев Хоразмда ҳам 1−4 cинф ўқувчиларига бепул тушлик бериш жорий этилишини маълум қилди. ХДПнинг президентликка номзоди Мақсуда Ворисова бошланғич синф ўқувчилари учун бепул нонушталар ташкил этилиши ҳақида айтди.

21 сентябрь 2021, 17:47

«Бизда ситиларга ружу қўйилиб, соғлиқ учун фойдали манбалардан воз кечилмоқда» — «Адолат» номзоди

«Адолат» партиясидан президентликка номзод Баҳром Абдуҳалимов шаҳарларда «сити» қуришга ружу қўйилганлигини танқид қилди. Партия раҳбари ҳаводаги чангга қарши курашишда фойда бериши мумкин бўлган сунъий кўллар республикада бирин-кетин йўқ қилинаётганлигини таассуф билан қайд этган.

21 сентябрь 2021, 15:51 1

Қорақалпоғистонни ривожлантириш учун 43 трлн сўм йўналтирилади — Шавкат Мирзиёев

ЎзЛиДеПнинг президентликка номзоди Шавкат Мирзиёев келгуси 5 йилда Қорақалпоғистонни ривожлантириш учун 43 трлн сўм йўналтирилишини таъкидлади. Ушбу маблағлар давлат бюджети, халқаро молия ташкилотлари ва банк кредитлари ҳисобидан ажратилади.

21 сентябрь 2021, 15:49

Келгуси йилда Қорақалпоғистонда 1−4 синф ўқувчилари учун бепул тушлик берилади — президент

Шавкат Мирзиёев Қорақалпоғистонда сайловчилар билан учрашувда келгуси йилдан бошлаб 1−4 бошланғич синф ўқувчилари учун бепул тушлик бериш йўлга қўйилишини таъкидлади.

21 сентябрь 2021, 14:58 1

Шавкат Мирзиёев Қорақалпоғистонда келгуси 5 йилда иш ўринлари қандай яратилиши бўйича маълумот берди

Президент Шавкат Мирзиёев Қорақалпоғистонда сайловчилар билан учрашувда 6 минг нафар ишсиз аҳоли учун, ихчам иссиқхоналар қуриб берилишини маълум қилди. Аҳоли томорқаларининг сув таъминотини яхшилаш орқали, 12 минг фуқаронинг бандлиги таъминланади.

21 сентябрь 2021, 11:14 1

Шавкат Мирзиёев Қорақалпоғистонга жўнаб кетди

Шавкат Мирзиёев сайловчилар билан учрашиш мақсадида Қорақалпоғистон Республикасига жўнаб кетди.

20 сентябрь 2021, 10:21

«Президентликка Алишер Қодир…» — Алишер Қодиров сайлов кампаниясини бошлади

Душанба куни президентликка номзодларнинг сайловолди кампанияси бошланди. «Миллий тикланиш» партияси ташвиқот ишларига старт бериб, баннер ва видероликни эълон қилди. Алишер Қодировнинг фамилияси тўлиқ кўринмаганлиги сабабли, баннерда жумлани қуйидагича ўқиш мумкин: «Алишер Қодир».

17 сентябрь 2021, 09:00

Президентликка номзодларнинг сайловолди ташвиқотида нималар тақиқланган?

Қайси ҳолларда президентликка номзод ўз мақомидан маҳрум этилиши мумкин? Сайловда ташвиқотнинг қандай турларига рухсат берилган ва қайсилари тақиқланган? Сайлов кампанияси давомида номзодларга ғайриқонуний хатти-ҳаракатлари учун қандай жазо чораси қўлланилади? «Газета.uz» мухбирининг номзодларнинг ҳуқуқлари ва мажбуриятларига оид саволларига МСК доимий аъзоси Баҳодир Юнусов жавоб берди.

14 сентябрь 2021, 14:48

Ёшлар учун yoshsaylovchi.uz электрон платформаси ишга тушди

Ёшлар ишлари агентлиги раҳбари Алишер Саъдуллаев ёшлар учун yoshsaylovchi.uz электрон платформаси ишга туширилганини эълон қилди. Платформа орқали сайлов участкасини аниқлаш ва сайловда кўнгилли ёки тренер сифатида қатнашиш учун рўйхатдан ўтиш мумкин бўлади.

14 сентябрь 2021, 11:47

Мақсуда Ворисова, Баҳром Абдуҳалимов ва Шавкат Мирзиёев президентликка номзодлар сифатида рўйхатга олинди

Марказий сайлов комиссияси ХДПдан Мақсуда Ворисова, «Адолат»дан Баҳром Абдуҳалимов ва ЎзЛиДеПдан Шавкат Мирзиёевни президентликка номзодлар сифатида рўйхатга олди.

13 сентябрь 2021, 17:04 1

Алишер Қодиров «Адолат» номзоди билан дебатга тайёр — «Миллий тикланиш»

«Миллий тикланиш» партияси ваколатли вакили партия дебатлар ва сайловолди дастурини экспертизадан ўтказишга тайёр эканини маълум қилди. «Алишер Қодиров ўзининг жойини бўшатиб беришга эмас, курашишга тайёр. Биз ҳеч қачон орқага чекинмаймиз», — деди Баҳодир Маматхонов.

11 сентябрь 2021, 17:06

МСК Алишер Қодиров ва Нарзулла Обломурадовни президентликка номзод сифатида рўйхатга олди

Шанба куни МСК Миллий тикланиш партиясидан Алишер Қодировни ҳамда Экологик партиядан Нарзулла Обломурадовни президентликка номзод сифатида рўйхатга олди. МСК раиси ўринбосари Баҳром Қўчқоровнинг сўзларига кўра, уларга гувоҳномалар тез кунларда топширилади.

11 сентябрь 2021, 12:42

«Миллий тикланиш» етакчиси сайловда «Адолат» билан ягона номзод кўрсатишни таклиф қилди

«Миллий тикланиш» партияси раҳбари Алишер Қодиров сайловолди дастурларидаги ўхшаш жиҳатларни «имконият» деб атаб, «Адолат» партияси билан президентлик сайловларида ҳар икки партиядан ягона номзод кўрсатиш масаласини муҳокама қилишга тайёр эканлигини маълум қилди. Аввалроқ, «Адолат» Алишер Қодировни сайловолди дастуридаги ғояларни кўчирганликда айблаган эди.

11 сентябрь 2021, 09:07

«Ҳозир Ўзбекистондаги бошқа сиёсий арбоблар Шавкат Мирзиёевга бас келолмайди» — Содиқ Сафоев

Сенат раисининг биринчи ўринбосари Содиқ Сафоевнинг фикрича, Шавкат Мирзиёевнинг охирги 5 йилда қилган ишлари унинг обрўси кўтарилишига сабаб бўлган. У ҳозирги кунда Ўзбекистондаги бошқа бирор сиёсий арбоб тўғридан-тўғри амалдаги президентга бас келиши қийинлигини ҳам таъкидлади.

11 сентябрь 2021, 08:45

Номзодларни қўллаб-қувватловчи имзо варақалари қандай текширилади? МСК вакили билан суҳбат

Номзодларни қўллаб-қувватловчи имзо варақаларини текшириш тартиби қандай ва кимлар томонидан амалга оширилади? Имзо варақалари қандай ҳолатларда ҳақиқий эмас деб топилади? «Газета.uz» мухбирининг шу ва бошқа саволларига МСК котиби Худоёр Маматов жавоб берди.

10 сентябрь 2021, 12:10

Мухолифат бўлишидан Ўзбекистон жамияти манфаатдор — Содиқ Сафоев

Сенат раисининг биринчи ўринбосари Содиқ Сафоев мухолифат жамият барқарор ривожланишининг асосий факторларидан бири эканлигини таъкидлади. Унинг фикрича, бугун Ўзбекистоннинг жамияти мухолифат бўлишидан манфаатдор. Сенатор мухолифат табиий тузилиши кераклигини айтиб, «ҳокимият берилмайди, ҳокимият учун курашиш керак» деган ақидани эслади. У ОАВларини ҳозирги кунда ниҳоятда муҳим мухолифат деб билишини қайд этди.

9 сентябрь 2021, 16:47

«Барчага ғамхўрлик — давлатнинг бурчи!» — ХДП номзоди Мақсуда Ворисованинг сайловолди дастури

Халқ демократик партияси номзоди Мақсуда Ворисова сайловолди дастурини эълон қилди. Президентликка номзод пенсия тайинлаш тизимини ислоҳ қилиш, қимматбаҳо мулкларга «ҳашамат солиғи»ни жорий этиш, шифокорларнинг иш ҳақини 3 баробарга ошириш, 6 ёшдан 7 ёшгача бўлган болаларни бепул 100 фоиз мактабгача таълим билан қамраб олиш, хусусий шифохоналарда 25% бепул тиббий хизмат кўрсатиш каби таклифларни илгари сурди. Номзоднинг тўлиқ дастури.

9 сентябрь 2021, 14:54

Шавкат Мирзиёев ЎзЛиДеП партиясидан президентликка номзод сифатида тасдиқланди

ЎзЛиДеПнинг навбатдаги съездида партиядан президентликка номзод сифатида Шавкат Мирзиёев тасдиқланди. Номзод олдинги президент сайловида илгари сурилган дастурдаги вазифалар ижросига тўхталиб, ўзининг 2021 йил сайловолди дастури ҳақида маълумот берди.

9 сентябрь 2021, 13:59

«Сайлаш ва танлаш ҳуқуқи — сизнинг қўлингизда» — Шавкат Мирзиёев

Президентлик сайловларидаги ЎзЛиДеП номзоди Шавкат Мирзиёев ўзбекистонликларни октябрдаги сайловларда фаол иштирок этишга чорлади. «Ҳеч қачон унутманг, сайлаш ва танлаш ҳуқуқи — Сизнинг қўлингизда. Келажак учун масъулият эса барчамизнинг зиммамизда», — деди у.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг