Иқтисодиёт

10 июн 2022, 14:58

2023 йилдан ташкилотлардан 25% иссиқ сув ва ташқи ёритишни муқобил энергия ҳисобидан қоплаш талаб этилади

2023 йилдан савдо мажмуалари, маданият ва истироҳат боғлари, ресторан, меҳмонхона, супермаркет, бозор, аэропорт, темир йўл ва автобус вокзаллари, хусусий таълим ва тиббиёт ташкилотлари, банклардан камида 25% иссиқ сув истеъмоли ва ташқи ёритишни муқобил энергия ҳисобидан қоплаш талаб этилади.

10 июн 2022, 14:30

Қуёш ва шамол электр ускуналарини ўрнатганларга 15 млн сўмгача компенсация тўланади

Президент муқобил энергия ускунасини ўрнатган аҳоли ва тадбиркорларни қўллаб-қувватлаш бўйича мутлақо янги тизим жорий этилишини маълум қилди. Унга кўра, қуёш ва шамол электр ускуналарини ўрнатганларга 15 млн сўмгача компенсация тўланади ёки 3 йилга фоизсиз муддатли тўлов имконияти яратилади.

10 июн 2022, 10:48

Май ойида сўмнинг реал курси яна 1,8 фоизга қадрсизланди

Май ойида сўмнинг реал айирбошлаш курси февраль ойидан буён 8 фоизга пасайиб, яна 1,8 фоизга қадрсизланди. Марказий банк буни юқори инфляция ва ҳамкор мамлакатларда валюта курсларининг кўп йўналишли ўзгариши билан изоҳлади.

9 июн 2022, 16:52

МБ асосий ставканинг 16 фоизга туширилиши бўйича тушунтириш берди

Марказий банк иқтисодий хатарларнинг салбий таъсири босқичма-босқич барҳам топиши, валюта бозори барқарорлашуви ва бошқа сабабларни ҳисобга олган ҳолда асосий ставкани йиллик 17 фоиздан 16 фоизга туширишга қарор қилди. Инфляция прогнози ўзгаришсиз қолдирилди.

9 июн 2022, 15:51

Реклама тўғрисидаги қонун билан реклама тилига янги талаблар ўрнатилмоқда

Президент томонидан имзоланган «Реклама тўғрисида»ги янги қонун уч ойдан кейин кучга киради. Ҳужжат билан реклама тилига, шунингдек, унинг мазмунини бошқа тилларга таржима қилишга нисбатан янги талаблар белгилаб берилмоқда.

9 июн 2022, 15:33 1

Жаҳон банки Ўзбекистонга $142 млнлик имтиёзли кредит ажратади

Жаҳон банки Ўзбекистонда деградацияга учраган ерлар ва ўрмонларни тиклаш мақсадида 30 йил муддатга 142 млн долларлик имтиёзли кредит ажратади. Бундан ташқари, лойиҳа доирасида яна иккита траст фонд қўшимча 11 млн доллар йўналтиради. Ўрмон хўжалиги давлат қўмитасига бир қатор вазифалар юклатилмоқда.

9 июн 2022, 15:18

Жаҳон банки Ўзбекистон иқтисодиёти прогнозини оптимистик баҳолади

Жаҳон банки 2022 йил учун Ўзбекистон ЯИМ ўсиши прогнозини 4,3 фоизгача яхшилади. Аммо Украинадаги можаро сабабли ўсиш олдинги прогноздан пастлигича қолмоқда. Қолаверса, Ўзбекистон яқин икки йилда Марказий Осиё давлатлари орасида энг юқори иқтисодий ўсишни кўрсатиши кутилмоқда.

9 июн 2022, 12:21

МБ асосий ставкани 16% этиб белгилади

Марказий банк асосий ставкани 1 фоиз бандга пасайтириб, йиллик 16 фоиз даражасида белгилади. Март ойида асосий ставка 14 фоиздан 17 фоизгача кўтарилганди.

9 июн 2022, 12:07

Президент сувдан фойдаланиш соҳасидаги лойиҳалар тақдимоти билан танишди

Президентга Сурхондарёдаги сув омборларини модернизация қилиш ва сув таъминотини яхшилаш бўйича лойиҳалар тақдим этилди. Шавкат Мирзиёев барча сув омборлари хавфсизлигини яхшилаш, тизимни рақамлаштириш даражасини ошириш бўйича кўрсатмалар берди.

8 июн 2022, 21:02

Wizz Air лоукастерининг шўъба корхонаси Ўзбекистонга парвозларни амалга оширмоқчи

Wizz Air Abu Dhabi лоукастери Ўзбекистонга парвозларни амалга ошириш учун рухсат олди. Кузда авиакомпания мамлакатнинг икки шаҳрига тўртта рейсни йўлга қўйишни режалаштирмоқда.

8 июн 2022, 16:41

Экин майдонларида сув тежовчи технологияларни қўллаш учун 100 млн сўмгача субсидия берилади

Ҳукумат қарорига кўра, 10 гектардан кам бўлмаган пахта ва дон экин майдонларида сувни тежовчи технологияларни қўллаш учун 100 млн сўмгача субсидия ажратилади. Ариза туман ҳокимлигида қабул қилинади, субсидиялар Сув хўжалиги ҳамда Қишлоқ хўжалиги вазирликлари томонидан тўлаб берилади.

8 июн 2022, 13:59

Саноат зоналари режага мувофиқ газ, сув, электр энергияси билан таъминланади

2022 йилда эркин иқтисодий ва саноат зоналарига электр, газ ва сув коммуникацияларини ўтказиш дастури тасдиқланди. Аввалроқ Шавкат Мирзиёев саноат зоналарининг муҳандислик-коммуникация инфратузилмаси, уларнинг учдан бирида электр, газ, сув ва канализация йўқлигини танқид қилганди.

8 июн 2022, 12:45

Австриянинг энг йирик банки Ўзбекистонга €7,9 млн ажратди

Австриянинг «UniCredit Bank Austria AG» банки Ўзбекистон қишлоқ хўжалиги соҳасига инновацион технологиялар трансферини молиялаштириш учун 7,9 млн евро ажратди. Ушбу имтиёзли маблағлар «Bauer GmbH» компаниясининг ёмғирли суғориш учун инновацион технологияларини харид қилишга сарфланади.

8 июн 2022, 09:00

Украинадаги уруш фонида Ўзбекистон ташқи савдоси қандай ўзгарди?

Украинадаги уруш Россияга кучли боғланган иқтисодиётлар учун ташқи савдо хатарларини келтириб чиқарди. Шунга қарамай, март-апрель ҳолатига Ўзбекистон ташқи савдоси соғлом кўрсаткичларда ўсди. «Газета.uz» колумнисти Миркомил Холбоевнинг таъкидлашича, бу тенденция келгуси ойларда ўзгариши мумкин.

7 июн 2022, 22:39

Turkish Airlines Истанбулдан Бухорога тўғридан-тўғри рейсларни йўлга қўйди

Turkish Airlines авиакомпанияси Истанбулдан Бухорога тўғридан-тўғри рейсларни йўлга қўйди. Шундай қилиб, Ўзбекистон ва Туркия шаҳарлари ўртасида амалга оширилаётган мунтазам авиақатновлар сони 56 тага етди.

7 июн 2022, 20:59

Тошкентда меҳмонхона ва дўконлар томида ошхоналар очиш бўйича «Бухоро тажрибаси» жорий этилади

Бухорода меҳмонхона, ошхона, савдо дўконларининг том қисмида, шунингдек, марказий кўчалардаги давлат органлари биноларининг биринчи қаватларида ресторан ва кафетерийлар ташкил этилмоқда. Президент мазкур тажрибани бутун республика, жумладан, Тошкентда ҳам татбиқ этишни топширди.

7 июн 2022, 12:01

21−22 июнь кунлари Ўзбекистоннинг ЖСТга кириши бўйича ишчи гуруҳнинг 5-йиғилиши ўтказилади

Ўзбекистоннинг Жаҳон савдо ташкилотига аъзо бўлиш бўйича ишчи гуруҳи 21−22 июнь кунлари Женевада бешинчи бор йиғилиш ўтказади. Аввалроқ бош вазир ўринбосари — ИТСВ раҳбари Сардор Умурзаков Ўзбекистон ташкилотга тезроқ киришга устувор аҳамият қаратишини таъкидлаган эди.

6 июн 2022, 23:58

Ўзбекистон Украина билан боғлиқ ташқи шокларнинг салбий таъсирини камайтириш имкониятига эга — S&P

Россиядаги иқтисодий инқироз, шунингдек, Россия компаниялари ва иқтисодиёт тармоқларига нисбатан санкциялар Ўзбекистондаги фаолиятга таъсир қилади, деб таъкидлади S&P. Мамлакат Россиянинг Украинага бостириб кирган давр мобайнида ташқи шоклар ва ноаниқликларга бардош беради, аммо хавфлар ҳам мавжуд.

6 июн 2022, 23:42

Ўзбекистон озиқ-овқат импортини оширишда давом этмоқда

Январь-апрель ойларида Ўзбекистоннинг озиқ-овқат импорти ҳажми 48,9 фоизга ошиб, 1,12 млрд долларни ташкил қилди. Таъминотнинг асосий қисмини буғдой, хом шакар, маргарин ва аралаш ёғлар, гўшт ва картошка ташкил қилади.

6 июн 2022, 19:30

Россияликлар Ўзбекистонда қандай пул ишлашмоқда?

Ўзбекистонда россияликлар айнан қандай соҳаларда бизнес қилишмоқда? Улар мамлакатда қайси соҳаларни тавсия этишади? Умуман, 2022 йил бошидан буён кириб келган Россия тадбиркорлари Ўзбекистон ҳақида қандай фикрда?


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг