Иқтисодиёт
Silk Avia авиакомпаниясининг илк парвозларини кузда амалга ошириш режалаштирилмоқда
Ҳудудий Silk Avia авиакомпанияси илк парвозларни жорий йилнинг сентябрь-октябрь ойларида амалга оширишни режалаштирмоқда. Uzbekistan Airports компанияси раҳбари Рано Жураева кечикишни лоукастер ташкил этиш жараёни билан боғлади.
Ўзбекистонлик ҳайдовчилар Афғонистон орқали Покистондан юк ташишни бошлади
Ўзбекистонлик юк машинаси ҳайдовчилари илк маротаба Афғонистон орқали Покистондан юк ташувларини амалга оширди. Ҳайдовчилар бир ҳафта ичида Карачи портидан Тошкентга бир партия гўшт олиб келишди.
Россиядаги инқироз Марказий Осиё мамлакатларидаги иқтисодий вазиятга таъсир кўрсатади — Халқаро миграция ташкилоти
Ҳозирда Россияда Марказий Осиёдан 4 миллионга яқин, жумладан, Ўзбекистондан — қарийб 2 миллион меҳнат мигрантлари фаолият юритади. ХМТнинг қайд этишича, Россия иқтисодиётининг қисқариши мигрантларнинг даромадлари ва уларнинг мамлакатларидаги иқтисодий вазиятга салбий таъсир кўрсатиши муқаррар.
Инфляция даражаси энг юқори бўлган мамлакатлар — тарих ва бугун
Иқтисодиёт тарихида гиперинфляция ҳолатлари кўп бор юз берган. Аммо бу каби ҳолатлар ҳозирги кунда ҳам турли мамлакатларда рўй бермоқда. Пулнинг қадрсизланиши, айнан ҳозирги халқаро вазият фонида яна долзарб мавзуга айланмоқда.
Ўзбекистон 8 ГВт қувватга эга қайта тикланувчи энергия ишлаб чиқаришни режалаштираяпти
Ўзбекистон яқин йилларда умумий қуввати 8 ГВт дан ортиқ қайта тикланадиган энергия манбаларини ишлаб чиқаришни йўлга қўяди. Бироқ, «яшил» ўтиш ривожланаётган иқтисодиёт ва аҳолининг ижтимоий заиф қатламлари учун шок ҳолатини яратмаслиги керак, дея таъкидлади бош вазир Абдулла Арипов.
«Банк тизимидаги коррупция халқ ишончига путур етказмоқда» — Акмал Бурхонов
Банк тизими таълим соҳасидан кейин энг коррупциялашган тармоқ ҳисобланади, деди Антикоррупция агентлиги раҳбари. Икки йилда 676 нафар банк ходими 354,2 млрд сўмни талон-торож қилган. «Бу рақамлар ислоҳотларга соя солмоқда ва халқ ишончига путур етишига сабаб бўлмоқда», — деди Акмал Бурхонов.
Глобал беқарорлик шароитида Ўзбекистоннинг ЖСТ ва ЕОИИга қўшилиш бўйича позицияси қандай бўлиши керак?
ЖСТ ёки ЕОИИдан исталган биттасига аъзо бўлиш иккинчисига аъзо бўлишни осонлаштиради ва Ўзбекистон савдо сиёсатини ҳозиргига қараганда сезиларли даражада эркинлаштиради. Бироқ, биринчи ЖСТга аъзо бўлиш мамлакатга устунроқ мавқе бериши эҳтимоли юқори, деб ёзади иқтисодчи Миркомил Холбоев.
Россия ва Тожикистонга поездлар қатнови бошланиш саналари маълум қилинди
«Ўзбекистон темир йўллари» Тожикистон ва Россияга поездлар қатновини бошлаш саналарини маълум қилди. 20 июндан «Душанбе — Тошкент — Душанбе», 23 июндан «Тошкент — Самара — Тошкент» йўналишида поезд қатнови йўлга қўйилади.
Биржада шакар нархи 26,1 фоизга арзонлашди
Биржадаги уч савдо куни якунлари бўйича шакарнинг ўртача нархи 26,1 фоизга — 1 кг учун 10,7 минг сўмгача тушди. Шу билан бирга, шакар заводлари мазкур даврда таклиф ҳажмини оширмади.
Тошкентдан тезюрар электричкалар қатновини йўлга қўйиш таклиф этилмоқда
Президент Тошкентдан Хожикент, Бекобод ва Ангрен йўналишида замонавий тезюрар электропоездлар қатновини йўлга қўйиш бўйича топшириқ берди. Давлат раҳбари ҳузуридаги тақдимотда ҳозирги поездлар парки эскиргани ва йўловчилар оқимига бардош бера олмаслиги таъкидланди.
Тошкент ерусти ҳалқа метросининг 2-босқичи қачон тугайди ва бу қанчага баҳоланмоқда?
Ер усти метросининг 2-босқичи қурилиши 2023 йил март ойида якунланиши кутилмоқда. «Қўйлиқ»дан «Қурувчилар» массивигача бўлган 5 та бекатни йил охиригача, яна 2 бекатни «Наврўз» байрамига қадар якунлаш режалаштирилган.
Кичик бизнесга кредитларни тўлашда ёрдам берилади
Тадбиркорликни қўллаб-қувватлаш давлат жамғармаси томонидан кичик бизнес субъектларига кредитлар ва лизинг шартномалари бўйича фоизларнинг бир қисмини тўлаш учун компенсациялар ҳамда кредитлар бўйича кафолатлар берилади.
Узум кўчатларини шпалерга кўтариш харажатларининг бир қисми қоплаб берилади
Ҳукумат қарори билан хўраки ва кишмишбоп токзорларни барпо этган талабгорга Боғдорчиликни ривожлантириш жамғармаси ҳисобидан, саноатбоп токзорларни барпо этганга эса Виночиликни ривожлантириш жамғармаси ҳисобидан бир марталик субсидия берилади.
Озиқ-овқат инқирози — бугун ва эртанги кун
Дунё мамлакатларида озиқ-овқат танқислиги бошланди. Энди вазият ёмонлашиб бораверадими? Бизни қандай сценарийлар кутмоқда? Вазият қачон ўнгланиши мумкин? «Газета.uz» ушбу мақолада бу борадаги турли таҳлиллар ва фикрларни сизнинг эътиборингизга ҳавола этади.
Буюк Британия экспорт вазири Тошкентда музокаралар ўтказди
Буюк Британия экспорт вазири Майк Фриер Тошкентга ташриф буюриб, ИТСВ, Молия вазирлиги, ОТМК ва Uzbekistan Airports билан музокаралар ўтказди. Уларда Ўзбекистон иқтисодиёти учун инвестиция жалб қилиш, мамлакатнинг ЖСТга аъзо бўлишини қўллаб-қувватлаш масалалари муҳокама қилинди.
Президент йил якунигача Европага экспорт қилувчилар сонини 579 тадан 2 мингтага етказишни буюрди
Шавкат Мирзиёев қуритилган мева экспорти учун 27 хил таҳлилнинг бирортаси Ўзбекистонда йўқлигини, тадбиркор эса ушбу муаммодан маҳсулотини Европага олиб боргач хабар топаётганини танқид қилди. Масъулларга Европага экспорт қилувчи тадбиркорлар сонини 579 тадан 2 мингтага етказиш вазифаси юклатилди.
Ўзбекистон «Росатом» билан АЭС қуриш харажатларини оптималлаштириш масаласини муҳокама қилмоқда — Шерзод Ходжаев
Ўзбекистон «Росатом» билан АЭС қуриш харажатларини камайтириш масаласини муҳокама қилмоқда, деди энергетика вазири ўринбосари Шерзод Ходжаев. «Агар станцияда ишлаб чиқарилган электр энергиясининг нархи бошқа манбалар билан рақобатбардош бўлмаса, лойиҳани давом эттиришдан маъно йўқ», — деди у.
«Ижтимоий сиёсат кейинги ўринга қўйилмайди». Сенат — бозор муносабатларига ўтиш ҳақида
Сенат раиси Танзила Нарбаева бозор механизмлари жорий этилишига қарамасдан, Ўзбекистон ижтимоий давлат бўлиб қолаверишини таъкидлади. Бозордаги нархлар билан боғлиқ вазиятни изоҳлар экан, у бунга ташқи омиллар таъсир қилаётганини айтди.
Май ойида пул ўтказмалари рекорди янгиланди. Сабаблар
Май ойида меҳнат муҳожирлари Ўзбекистонга рекорд даражада 1,65 млрд доллар жўнатган, бу ўтган йилги кўрсаткичдан деярли 2,7 бараварга кўп. Бу Россияда ишлайдиган Қирғизистон ва Тожикистон фуқаролари пул ўтказмалари, қолаверса, товарларни қайта сотиш бўйича амалиётлар билан ҳам боғлиқ бўлиши мумкин.
«Вазирлик ва идоралар биноларини муқобил энергияга ўтказиш вақти келди» — президент
Шавкат Мирзиёевнинг фикрича, вазирлик ва идора, ҳокимлик, маҳалла биноларини ҳам муқобил энергияга ўтказиш вақти келди. Қолаверса, Навоийда «Янги Ўзбекистон» массивидаги кўп қаватли уйлар ҳамда Менделеев университети тажрибаси асосида барча ОТМларда қуёш панеллари ўрнатилади.
"Газета.uz"да рўйхатдан ўтиш
Қўшимча имкониятларга эга булиш учун сайтда рўйхатдан ўтинг