Иқтисодиёт

Кеча, 21:16

Георгий Паресишвили Тошкент фонд биржасига раҳбар бўлди

Грузия биржасининг собиқ раҳбари Гиоргий Паресишвили «Тошкент» биржаси бошқаруви раиси бўлди. Унинг асосий вазифалари маҳаллий фонд бозорини капитал бозорининг халқаро инфратузилмасига интеграциялашуви, шунингдек, маҳаллий компанияларнинг IPO ва SPO ўтказишга кўмаклашишдан иборат бўлади.

15 август 2022, 20:57

Сўмнинг реал алмашув курси февралдан буён илк марта 2,1 фоизга қимматлади. Бу нимани билдиради?

Июль ойида сўмнинг реал алмашув курси февралдан бери биринчи марта 2,1 фоизга ошди. Марказий банк буни ҳамкор давлатлар валюталарининг қадрсизланиши билан изоҳлади. Савдо-ҳамкор давлатлар валюталарининг қадрсизланиши Ўзбекистонга қандай таъсир кўрсатмоқда?

15 август 2022, 12:04

Президентнинг тадбиркорлар билан мулоқоти 22 август куни бўлиб ўтади

Шавкат Мирзиёевнинг тадбиркорлар билан очиқ мулоқоти 20 августда эмас, балки 22 август куни бўлиб ўтади. Мулоқот арафасида 8500 дан ортиқ мурожаат келиб тушгани, шундан 72 фоизи аллақачон ҳал этилгани айтилмоқда.

14 август 2022, 15:28

«Ўзбекнефтгаз» ўз АЁҚШларида АИ-80 бензини тақчил эканини рад этди

«Ўзбекнефтгаз» компанияси АИ-80 бензинига талаб ортиб бораётганини қайд этди, бироқ АЁҚШларида ушбу маркадаги ёқилғи тақчиллиги кузатилаётгани ҳақидаги хабарларни инкор этди.

12 август 2022, 20:45

«Мароқанд нефть базаси»нинг филиалларида қарийб 74 млрд сўмлик талон-торож ва камомад аниқланди

«Мароқанд нефть базаси»нинг Булунғур ва Жомбой филиалларида 73,7 млрд сўмлик талон-торож ва камомад аниқланди. Мазкур ҳолатларга ҳуқуқий баҳо бериш ва камомадларга йўл қўйган ходимларга нисбатан қонуний чора кўриш учун тўпланган ҳужжатлар Давлат хавфсизлик хизматига тақдим этилди.

12 август 2022, 17:02

Ўзбекистонда «Ориёнбанк» ваколатхонаси иш бошлайди

Марказий банк Ўзбекистонда «Ориёнбанк»нинг (Тожикистон) ваколатхонаси аккредитация қилинганлиги ҳақида хабар берди.

12 август 2022, 15:58

Шавкат Мирзиёев Бекободдаги металлургия комбинатига борди

Президент Бекободдаги Ўзбекистон металлургия комбинатидаги қиймати 672 млн евролик қуюв прокат мажмуаси қурилишини кўздан кечирди. Уни 2024 йилда ишга тушириш, йилига 1 млн тонна пўлат листлар ишлаб чиқариш режалаштирилган. Давлат раҳбари корхонани тезроқ ишга туширишни буюрди.

12 август 2022, 13:07

Пахта Ўзбекистонга Тожикистондан импорт қилинадиган биринчи рақамли товарга айланди

2022 йилнинг биринчи ярмида Ўзбекистон Тожикистондан умумий қиймати 17,3 млн доллар бўлган 6,6 минг тонна пахта импорт қилди. Пахта импорти ҳажми цемент ҳамда электр энергиясидан ҳам ортиб кетди.

12 август 2022, 11:54

Ўзбекистонда ишсизлик даражаси 8,8 фоизни ташкил этди

1 июнь ҳолатига кўра, Ўзбекистондаги меҳнат ресурслари сони 19 млн 453,3 минг кишига етди. Шуни 2 млн нафардан ортиғи хориждаги меҳнат мигрантлари ҳисобланади. Мамлакатда ишга муҳтожлар сони йил бошидаги 1,4 млн кишидан (9,6%) июнга келиб 1,3 млн кишигача (8,8%) камайди.

12 август 2022, 11:10

Чиноз НҚИЗ хусусийлаштирилади

Давактив агентлиги «Чиноз нефтни қайта ишлаш заводи» ҳусусийлаштирилиши юзасидан консультант компаниялар учун танлов эълон қилди. Заводнинг устав капиталидаги 100 фоиз давлат улуши сотилади.

12 август 2022, 10:29

Германия МОда иқлим ўзгариши бўйича лойиҳани амалга оширишга 10 млн евро ажратади

Германия ва Ўзбекистон иқлим ўзгариши соҳасидаги минтақавий лойиҳаларни амалга ошириш бўйича келишувни имзолади. Лойиҳанинг умумий қиймати 10 млн евро бўлиб, 2022−2026 йилларда Марказий Осиёнинг барча мамлакатларида амалга оширилиши режалаштирилган.

11 август 2022, 17:41

Ўзбекистонда лицензияси бўлмаган криптобиржаларга кириш чекланди — ИЛМА

Криптоактивлар айланмаси соҳасини тартибга солувчи Истиқболли лойиҳалар миллий агентлиги машҳур криптобиржаларнинг сайтларига кириш уларнинг фаолият юритиш учун лицензияси бўлмагани сабабли блокланганини маълум қилди.

11 август 2022, 17:00

Қорақалпоғистон фермерлар кенгаши пахта хомашёсининг минимал нархлари ҳақида

Қорақалпоғистон фермерлар кенгаши пахта хомашёсининг минимал нархлари тўғрисида ўз фикрларини билдирди.

11 август 2022, 16:18

Тошкентда биринчи ипотека маркази очилди

Тошкентнинг Яшнобод туманида ипотека маркази очилди. У пойтахтда қурилаётган уйлар, унга хизмат кўрсатадиган банклар, ипотека кредитлари шартлари ҳақида маълумотлар беради. Қайд этилишича, 2022 йилда ипотека кредитлари учун бюджетдан 13 трлн сўм ажратилиши кўзда тутилган.

11 август 2022, 15:28

«Dori-Darmon» корхонаси хусусийлаштирилади

Давлат активларини бошқариш агентлиги «Dori-Darmon» АЖни хусусийлаштириш учун консалтинг компания жалб этишни режалаштирмоқда. Корхонанинг 51% акциялари пакети сотувга қўйилади.

10 август 2022, 16:36

Долларнинг расмий курси яна кўтарилди

АҚШ долларининг сўмга нисбатан расмий курси 24,00 сўмга қимматлаб, 10 904,29 сўм этиб белгиланди. Шунингдек, евро курси ҳам кўтарилди, рубль эса яна пасайди.

10 август 2022, 15:48

Май ойидан бошлаб Тошкентдаги уй-жойлар нархида пасайиш кузатилмоқда

Май ойидан бери Тошкентдаги бирламчи ва иккиламчи бозордаги уй-жойлар нархи арзонлашиб бормоқда, деб маълум қилди Прогнозлаш ва макроиқтисодий тадқиқотлар институти. Хусусан, бирламчи бозорда 1 кв.м учун май ойидаги $943,6 нарх июлда $919,9 га, иккиламчи бозорда эса $891,1 дан $882,6 гача тушган.

10 август 2022, 14:22

Қибрай учун иссиқлик энергиясига янги тариф тасдиқланди

Тошкент вилоятининг Қибрай тумани учун иссиқлик энергиясига янги тарифлар 25 августдан кучга киради.

9 август 2022, 22:49

Президент экспортёрлар учун энг мақбул йўналишларни ишлаб чиқиш бўйича топшириқ берди

Шавкат Мирзиёев экспортёрлар учун энг мақбул йўналишларни ишлаб чиқиш ва уларнинг транспорт харажатларини камайтириш, экспорт юкларини Европага олиб ўтиш учун қўшимча рухсатномалар олиш масалаларини ҳал этиш бўйича топшириқлар берди.

9 август 2022, 12:37

Мобил-ID тизими синов тариқасида ишга туширилди

Шахсни идентификациялаш учун синов тарзида Мобил-ID тизими ишга туширилди. Ушбу модул ёрдамида фуқаролар доимо ёнида олиб юрувчи мобил телефон рақами орқали рўйхатдан ўтиб, барча давлат хизматларидан (молиявийдан ташқари) электрон рақамли имзосиз фойдаланишлари мумкин.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг