Вилоятлар ўртасида шахсий автомобилда ҳаракатланишга рухсат берилмади. Фақатгина «яшил» ҳудудлардаги санатория ва болалар оромгоҳларига одамларни марказлаштирилган ҳолда олиб бориш мумкин.
Республика махсус комиссияси шаҳар ва туманлар бўйича карантин даражаларини қайта кўриб чиқди. Тошкент «сариқ» ҳудудда қолди.
Ўзбекистонда жума куни 44 кишида коронавирус аниқланиб, жами тасдиқланган ҳолатлар 3488 тага етди. Янги ҳолатларнинг 32 таси карантинга олинганлар, 4 таси халқаро юк ташувчи ҳайдовчилар ва 8 таси аҳоли орасида аниқланди.
Президент Зангиота туманида барпо этилаётган кўп тармоқли махсус шифохона қурилиши билан танишди. Муассаса 2 минг ўринга мўлжалланган. Лекин 4 минг ўрингача трансформация қилиш имконияти бор.
«Газета.uz» коронавирус сабабли бегона юртларда қолиб кетган ва ватанга қайта олмаётган ўзбекистонликларнинг ўй-хаёллари, ўзга мамлакатларда карантиндаги ҳаёти ва бошидан кечирган воқеалар акс этган ҳикояларини тайёрлади.
Навоий вилоятидаги Зарафшон шаҳрида 650 ўринга мўлжалланган контейнерлардан иборат карантин майдони қурилиши бошланди. Мазкур карантин майдонининг қурилиши шаҳарда эпидемиологик вазият чигаллашгани сабабли бошланган.
Навоийда коронавирус инфекцияси бешта ўчоқ орқали тарқалмоқда. Вилоятда карантин қоидалари кучайтирилади.
Коронавирус беморлари сони 19 нафарга ортиб, жами 3463 кишини ташкил этмоқда. Янги касалланганларнинг 15 нафари Карантин марказидаги фуқаролар орасида аниқланган. Шунингдек, инфекцияга чалинганлар Тошкент шаҳрида (2) ва Сирдарё вилоятида (2) қайд этилган.
Ўзбекистонда кун давомида 75 та коронавирус ҳолати қайд этилди. Янги ҳолатларнинг 6 таси халқаро юк ташувчи ҳайдовчилар, 21 таси аҳоли ва қолганлари карантинга олинганлар орасидан аниқланди.
Ўзбекистонда яна 41 кишида коронавирус инфекцияси аниқланиб, жами ҳолатлар 3437 тага етди. Янги ҳолатларнинг 10 таси Санкт-Петербурш, 3 таси Новосибирк ва 1 таси Истанбулдан, 17 таси эса Қозоғистондан келганлар орасида кузатилган. Жами COVID-19 ҳолатлари 3437 тага етди.
Андижон вилоятида коронавирусга чалинган икки ҳайдовчи сабабли улар билан мулоқотда бўлган 100 га яқин киши — оила аъзолари, қўшнилари, яқинлари ва бошқалар карантинга олинди. Ҳайдовчилар юк машинасида Россиядан келгач, қонун-қоидаларга зид равишда чегара пости автотураргоҳидан уйига чиқиб кетишган.
Коронавирус беморлари сони 27 нафарга ортиб, жами 3396 кишини ташкил этмоқда. Янги ҳолатларнинг 16 нафари Карантин марказидаги фуқаролар орасида аниқланган. Шунингдек, инфекцияга чалинганлар Тошкент шаҳрида (7), Самарқанд (1) ва Тошкент (3) вилоятларида қайд этилган.
Ўзбекистонда яна 14 кишида коронавирус инфекцияси аниқланиб, жами тасдиқланган ҳолатлар 3369 тага етди. Янги касалланиш ҳолатларининг 7 таси Бухоро вилоятида аҳоли орасида (Шофиркон туманидаги битта оила аъзолари) аниқланган.
Президентга «Ўзбекистон. Хавфсиз саёҳат кафолатланган» лойиҳаси тақдим этилди. У биринчи босқичда «яшил» ҳудудлар ўртасида ички туризмга рухсат бериш зарурлигини таъкидлади. Кейинчалик коронавирус жиловланган давлатлар билан туризм алоқалари тиклаш режалаштирилмоқда.
Ўзбекистонда коронавирус ҳолатлари 22 тага кўпайиб, жами 3355 тага етди. Янги ҳолатлар хориждан кириб келган фуқаролар (16) ва коронавирусга чалинганлар билан мулоқотда бўлганлар (6) орасида аниқланган. Кун давомида 65 та янги COVID-19 ҳолати тасдиқланди.
Фақатгина хорижлик инвесторларга берилаётган преференциялар эндиликда маҳаллий хусусий сармоядорларга ҳам тақдим этилади. Улар ўз ҳисобларидан 25 млн долларлик лойиҳани бошласалар, ташқи муҳандислик-коммуникация тармоқлари бюджет ҳисобидан қилиб берилади.
Май ойи ўрталарида Давлат молиявий назорат департаменти коронавирусга чалинган беморларни даволаётган ёки карантиндаги шахсларни кузатаётган тиббиёт ходимларига 19,6 млрд сўмлик рағбатлантириш пулларини тўлаш кечикканини аниқлади. Бундан ташқари, ушбу ишда қатнашмаётган ходимларга ҳам пул тўлангани маълум бўлди.
Коронавирус беморлари сони 43 нафарга ортиб, жами 3333 кишини ташкил этмоқда. Янги ҳолатлар Навоийда (35), Тошкент (6) ва Наманган (2) вилоятларида ва Тошкент шаҳрида (4) қайд этилди.
Ўзбекистонда тасдиқланган коронавирус ҳолатлари сони кун давомида 75 тага ўсиб, 3290 тага етди. Тўққизта янги COVID-19 ҳолати карантинга олинганлар орасида аниқланди.
Самарқандда коронавирус инфекциясига чалинган 63 ёшли эркак ўткир нафас ва юрак қон-томир етишмовчилигидан вафот этди. COVID-19 натижасида вафот этганлар сони 14 нафарга етди.
Қўшимча имкониятларга эга булиш учун сайтда рўйхатдан ўтинг