Коронавирус

13 сентябрь 2020, 00:17

12 сентябрь куни Ўзбекистонда 578 та янги COVID-19 ҳолати қайд этилди

12 сентябрь куни Ўзбекистонда 578 кишининг коронавирусга чалингани тасдиғини топди. Жами ҳолатлар эса 46 850 тага етди. Айни пайтда Ўзбекистон аниқланган ҳолатлар сони бўйича МДҲ давлатлари орасида тўртинчи, дунёда 57-ўринни эгаллаб турибди.

11 сентябрь 2020, 23:56

Кун давомида 593 та коронавирус ҳолати аниқланди

Ўзбекистонда кун давомида 593 та коронавирус ҳолати аниқланиб, умумий кўрсаткич 46,2 мингдан ошди.

11 сентябрь 2020, 11:17

Болалар боғчалари 14 сентябрдан очилади

Болалар таълим ташкилотларини очиш жараёни 14 сентябрдан бошланади. Биринчи навбатда катта ва тайёрлов гуруҳлари, октябрда — ўрта, ноябрда — кичик гуруҳлар очилади.

11 сентябрь 2020, 10:13

10 та ҳудудда 248 киши коронавирусга чалинди

Ўзбекистоннинг 10 та ҳудудида 248 кишида коронавирус тасдиқланиб, умумий кўрсаткич 46 мингтага яқинлашди. Энг кўп янги ҳолатлар Тошкент шаҳри (147 та), Самарқанд вилояти (47 та), Андижон (14 та) ва Наманган (12 та) вилоятларида қайд этилди.

10 сентябрь 2020, 23:58

Кун давомида 749 кишида коронавирус аниқланди

Ўзбекистонда кетма-кет тўртинчи кундирки коронавирус ҳолатлари сонида ортиш кузатилмоқда. 10 сентябрь куни янги аниқланган COVID-19 ҳолатлари 749 тани ташкил этди. Касалликка чалинганларнинг умумий сони эса 45679 нафарга етди.

10 сентябрь 2020, 21:11 1

Тошкент вилоят юқумли касалликлар шифохонаси бош шифокорига жиноят иши қўзғатилди

Тошкент вилоят юқумли касалликлар шифохонаси бош шифокори Гулжаҳон Йўлдошева 250 млн сўмдан зиёд маблағларни талон-торож қилиш ҳамда мансабга совуққонлик билан қараш айблари билан қамоққа олинди. У Чирчиқдаги гўзаллик салонида қўлга олинди. Августда у шифохона учун ускуналар ҳамда тиббий ходимлар учун мукофот пуллари берилмаётгани ҳақида маълум қилган эди.

10 сентябрь 2020, 16:53 1

KIAнинг энг янги моделлари Ўзбекистондаги заводда ишлаб чиқарилади

Ноябрда Жиззахдаги янги заводда KIA K5 ва Seltos моделларини ишлаб чиқариш ишлари бошланади. Келгусида жаҳон брендларининг бошқа модделларини ҳам ишлаб чиқариши кутилаётган ADM-Jizzakh заводининг ишлаб чиқариш қуввати биринчи босқичда йилига 25 000 автомобилни, кейинчалик эса 100 000 автомобилни ташкил этиши режалаштирилган.

10 сентябрь 2020, 16:08

Буюк Британия коронавирусга қарши чораларни қайтадан кучайтирмоқда

Буюк Британия ҳукумати коронавирус ҳолатлари сони кўпайгани сабабли олти кишидан ортиқ ҳолда гуруҳ бўлиб тўпланишни тақиқлади. Тақиқни бузганлар 100 фунтдан 3200 фунтгача жаримага тортилади.

10 сентябрь 2020, 10:07

Коронавирус ҳолатлари 45 мингдан ошди

Ўзбекистонда 230 та янги коронавирус билан касалланиш ҳолати қайд этилди. Ҳозирда COVID-19 дан тузалганлар улуши 93 фоизни ва даволанаётганлар сони 2580 кишини ташкил этмоқда. Шу билан бирга, икки нафар коронавирус бемори вафот этди.

9 сентябрь 2020, 23:50

Кун давомида 512 кишида коронавирус тасдиқланди

Кун давомида Ўзбекистонда 512 та коронавирус ҳолати қайд этилди. Бир кун аввал бу кўрсаткич 443, икки кун муқаддам — 312 та эди.

9 сентябрь 2020, 14:03

Ўзбекистонда ўлим даражаси июль ойида 26,4%га, Тошкентда деярли 166%га ўсди

Июль ойи бўйича ўлим ҳолатлари сони сўнгги тўрт йилга нисбатан Ўзбекистонда 26,4%га, Тошкентда деярли 166%га, Тошкент вилоятида 43,8%га, Навоий вилоятида 51,7%га ўсди. «Газета.uz» сўнгги беш йил ичида январь ойидан июль ойигача бўлган ўлим даражаси бўйича маълумотларни ўрганди ва коронавирус пандемияси даврида рақамлар қандай ўзгарганлигини таҳлил қилиб чиқди.

9 сентябрь 2020, 10:05

Коронавирус ҳолатлари 44,5 мингдан ошди

Ўзбекистонда 139 та янги коронавирус билан касалланиш ҳолати қайд этилди. Ҳозирда COVID-19 дан тузалганлар улуши 94 фоизни ва даволанаётганлар сони 2297 кишини ташкил этмоқда. Шу билан бирга, икки нафар коронавирус бемори вафот этди.

8 сентябрь 2020, 23:52

Кун давомида 443 та коронавирус ҳолати аниқланди (бир кун аввал — 312 та эди)

8 сентябрь куни Ўзбекистонда 443 та коронавирус ҳолати аниқланди. Бир кун аввал ушбу кўрсаткич 312 тани ташкил этган эди.

8 сентябрь 2020, 23:42

«Ўзметкомбинат» бошқаруви раиси 42 ёшида коронавирусдан вафот этди

«Ўзметкомбинат» акциядорлик жамияти бошқаруви раиси Сергей Вюненко 42 ёшида вафот этди. Унинг коронавирусга чалингани маълум қилинди.

8 сентябрь 2020, 19:29

Россия коронавирусга қарши «Спутник V» вакцинасини фуқаролар муомаласига чиқарди

Россиянинг «Спутник V» коронавирусга қарши вакцинасининг биринчи партияси фуқаролар муомаласига чиқарди. Хабар берилишича, яқин орада аҳолини эмлаш тадбирлари бошланади. Бундан олдин, кўплаб фармкомпаниялар Россия соғлиқни сақлаш вазирлигини ушбу вакцинани рўйхатдан ўтказишга шошмасликка чақираётган эди.

7 сентябрь 2020, 18:40

Тез ёрдам хизматига мурожаатлар сони ошиб боряпти

26 августдан бошлаб тез ёрдам хизматига мурожаатлар сони 29,3 мингдан 34,2 минггача ошган. Тана ҳарорати ошгани сабаб чақирувлар эса 2,5 мингдан 3,5 мингтагача кўпайган.

7 сентябрь 2020, 18:07

Ўзбекистонда кунига 30−40 мингта коронавирусга тест ўтказиляпти

Ўзбекистонда кунига 30 мингдан 40 мингтага коронавирусга тест таҳлили ўтказилаётгани ва шундан 200−300 тагача ҳолатда мусбат натижа аниқланаётгани маълум бўлди.

7 сентябрь 2020, 17:52

ХТВ ота-оналарга тавсиялар билан мурожаат қилди

Халқ таълими вазирлиги биринчи ўқиш ҳафтасини ташкил этишда ота-оналардан ўз фарзандларини ўқиш ва дам олиш вақтини тақсимлашга ёрдам беришга, эрта ётишларини назорат қилишга ва телевизор олдида ва компьютерда ўтказадиган вақтини чеклашга тавсия берди.

7 сентябрь 2020, 17:43 1

«Дезинфекцион туннеллардан фойдаланишда давом этишимиз керак» — эпидемиолог

Коронавирусга қарши кураш штаби аъзоси, эпидемиолог Рустам Икромов дезинфекцион туннеллардан фойдаланишда давом этиш кераклигини таъкидлади. Унинг айтишича, ҳозирга қадар дезинфекцион туннелларни самарасиз деган илмий мақолалар ёки нуфузли идораларнинг кўрсатмалари берилмаган. Аввалроқ Соғлиқни сақлаш вазирлиги дезинфекция туннелларининг коронавирусга қарши курашда энг фойдасиз восита эканлиги ҳақида баёнот берган эди.

7 сентябрь 2020, 13:26

Россия билан авиақатновларни тиклаш имконияти тўғрисида — Баҳодир Юсупалиев

Соғлиқни сақлаш вазирининг биринчи ўринбсоари Баҳодир Юсупалиевнинг айтишича, агар касалланиш ҳолатлари камайиб борса, Россия билан авиақатновлар тикланиши мумкин. 5 сентябрдан кейин карантин чораларининг юмшатилишидан сўнг мамлакатдаги эпидемиологик ҳолатни баҳолаш учун вақт талаб этилади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг