Архив

28 сентябрь 2022, 18:28

Фарғона НҚИЗни модернизация қилишга 400 млн доллар сарфланади

Sanoat Energetika Guruhi Фарғона нефтни қайта ишлаш заводини модернизация қилишга 400 млн доллар инвестиция киритади. Модернизациядан сўнг ФНҚИЗ нефть ва газ конденсатини қайта ишлаш ҳажмини 2 бараварга ошириб, Евро-5 бензини ишлаб чиқаришни йўлга қўяди.

28 сентябрь 2022, 17:41

Россия эгаллаб олган ҳудудларда ўтказилган референдумлар натижалари эълон қилинди. Муносабатлар

Маҳаллий Марказий сайлов комиссиялари маълумотларига кўра, ўзини мустақил деб эълон қилган Луганск ва Донецк халқ республикалари, шунингдек, Запорожье ва Херсон вилоятларида ўтказилган референдумларда аҳоли Россияга қўшилиш учун овоз берган. Бунга халқаро ҳамжамият қандай муносабат билдирмоқда?

28 сентябрь 2022, 17:36

Фарғонада фуқарони бўғиб, калтаклаган ИИО ходимлари суд томонидан оқланди

Тармоқларда Фарғонадаги ИИО ходимлари бир фуқарони бўғиб, калтаклагани тасвирланган видео тарқалди. ИИВ ҳолат бир йил аввал содир бўлганини маълум қилди. Воқеа юзасидан жиноят иши вилоят суди томонидан кўрилиб, ходимлар ҳаракатларида жиноят аломатлари йўқ деб топилган ва оқлов ҳукми чиқарилган.

28 сентябрь 2022, 17:31

Ўзбекистон ОТМлари ва лицейларининг умумий рейтинги эълон қилинди

Таълим сифатини назорат қилиш давлат инспекцияси олий таълим муассасаларининг умумий рейтингини эълон қилди. Ўтган йилги каби «Тошкент ирригация ва қишлоқ хўжалигини механизациялаш муҳандислари институти» МТУ 1-ўринни эгаллади. Қолаверса, бу йил илк бор лицейлар рейтинги ҳам эълон қилинди.

28 сентябрь 2022, 17:17

Тошкентда Халқаро қишлоқ хўжалиги университети очилди

Тошкентда Буюк Британия Қироллик қишлоқ хўжалиги университети билан ҳамкорликда ташкил этилган Халқаро қишлоқ хўжалиги университети ўз фаолиятини бошлади. Илк ўқув йилида 160 нафар талаба қабул қилинди.

28 сентябрь 2022, 17:00

YOTO сервиси Visa билан ҳамкорликда акция эълон қилди

Тошкентда биринчи YOTO электросамокатлар ижарага бериш хизмати ва Visa ҳамкорлик акциясини эълон қилди. Энди YOTO иловасида Visa картаси билан тўловни амалга ошираётганда балансни тўлдириш суммасидан 20% бонус олишингиз мумкин.

28 сентябрь 2022, 16:13

Санкт-Петербургда 4 нафар ўзбекистонлик паспортлари олиб қўйилиб, ишлатилаётгани аниқланди

Санкт-Петербургда бир гуруҳ Ўзбекистон фуқаролари вақтинча ишлаётган қурилиш объектида паспортлари олиб қўйилгани ҳақида мурожаат билан чиқди. Ташқи меҳнат миграцияси агентлиги ходимлари фуқароларнинг паспортларини қайтаришга эришди. Иш берувчи жавобгарликка тортилиши ҳақида огоҳлантирилди.

28 сентябрь 2022, 16:12

Доллар, евро ва рублнинг курслари яна пасайди

АҚШ долларининг сўмга нисбатан расмий курси 25,14 сўмга арзонлаб, 10 999,78 сўм этиб белгиланди. Шунингдек, евро ва рубль курслари ҳам пасайди.

28 сентябрь 2022, 16:09

ОТБ Оролбўйи ҳавзасида сув ресурсларини иқлимга қараб бошқариш лойиҳаси учун $150 млн қарз беради

Ўзбекистон Осиё тараққиёт банки билан «Оролбўйи ҳавзасида сув ресурсларини иқлим ўзгаришига мос ҳолда бошқариш» лойиҳаси учун битим имзолади. ОТБ лойиҳа учун 25 йил муддатга ва 5 йиллик имтиёзли давр билан $150 млн қарз ажратадиган бўлди. Президент мазкур битимни маъқуллаб, қарор қабул қилди.

28 сентябрь 2022, 15:39

Илк бор робот-хирург ёрдамида мураккаб жарроҳлик амалиётлари ўтказилди

Ўзбекистонда илк бор робот-хирург билан мураккаб жарроҳлик амалиётлари ўтказилди. Кореянинг «Meere» компанияси тегишли робот инсон қўлига қараганда анча катта диапазонда эгилиб, айлана олади. СВВга кўра, Ўзбекистонда роботохирургиянинг ривожланиши учун мутахассислар ва роботлар сони кўпайиши зарур.

28 сентябрь 2022, 14:42

Интернетдан фойдаланишга шароити йўқлар учун махсус платформа яратилди

Интернетдан фойдаланишга шароити йўқ аҳоли қатлами учун «Яхши нарсалар интернети» деб номланган ахборот платформаси ишга тушди. У ЮНИСЕФ ҳамда ҳукумат идоралари ва мобил алоқа оператори билан ҳамкорликда ишлаб чиқилган. Платформадан фойдаланиш бепул.

28 сентябрь 2022, 14:29

«Ўзбекчорванасл» директори меҳмонхонадаги номақбул ҳаракатлари сабаб ишдан олинди

«Ўзбекчорванасл» агентлиги директори Бахтиёр Атамурадов меҳмонхонада содир этган номақбул ҳаракатлари сабаб ишдан олинди. Сешанба кунги йиғилишда буни эълон қилган президент Администрацияси раҳбари Сардор Умурзаков шундай қўшимча қилди: «сизнинг чет элдаги саргузаштларингизни ҳам юборишди».

28 сентябрь 2022, 14:08

Газ тармоғига ноқонуний уланиб жами 5 млрд сўм зарар етказган корхоналар аниқланди

Қувасой шаҳри, Учкўприк ва Бўстонлиқ туманида газ тармоғидан ноқонуний фойдаланиб, давлат ва жамият манфаатларига жуда кўп миқдорда зарар етказиш ҳолатлари аниқланди.

28 сентябрь 2022, 12:49

«Залдан чиқиб кетинг ва гувоҳномангизни топширинг». ПА раҳбари ҳокимлар ишдан олинганини қандай маълум қилди?

Сешанба кунги видеоселектор йиғилишида президент Администрацияси раҳбари Сардор Умурзаков бешта туман ҳокими ишдан бўшатилганини маълум қилди. У ўз нутқида ҳокимлар «бутун давлат тизими ва президент командасини обрўсизлантиришга олиб келганини» таъкидлади.

28 сентябрь 2022, 12:00

28 сентябрь учун тижорат банклари томонидан белгиланган доллар курси

Марказий банк ўзбек сўмининг АҚШ долларига нисбатан расмий курсини 11 024,92 сўм этиб белгилади. Тижорат банклари ҳам мижозларга долларни сотиш ва сотиб олиш бўйича янги таклифларини эълон қилди.

28 сентябрь 2022, 11:38

Қашқадарёда каналдан бедарак йўқолган 15 ёшли боланинг жасади топилди

Қарши туманининг Мирмирон қишлоғи фуқаролари каналда бир неча кун аввал бедарак йўқолган 2007 йилда туғилган боланинг жасадини кўриб қолиб, сувдан олиб чиқди. Ҳозирда туман прокуратураси терговга қадар текширув бошлади, тегишли экспертиза тайинланди.

28 сентябрь 2022, 11:30

Сирдарё вилояти ҳокимига янги ўринбосарлар тайинланди

Шавкат Зайниддинов ва Баҳодир Ботиров Сирдарё вилояти ҳокимининг ўринбосари этиб тайинланди. Шунингдек, Отабек Носиров Янгиер шаҳрига ҳоким бўлди.

28 сентябрь 2022, 10:50

Тошкент вилояти ҳокимига янги ўринбосар тайинланди

Отабек Султанбеков Тошкент вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари бўлди. У бунгача Қуйи Чирчиқ тумани ҳокимининг шу масалалар бўйича ўринбосари бўлиб ишлаган.

28 сентябрь 2022, 10:24

2022/2023 ўқув йилида таълим кредитининг 76 фоизини аёллар олди — Марказий банк

2022/2023 ўқув йилида шу вақтгача 27,8 минг нафар талабага берилган 317 млрд сўмдан зиёд имтиёзли кредитнинг 242 млрд сўмини аёллар олди. Аввалроқ, президент олий ҳамда ўрта махсус ва профессионал таълимда ўқувчи хотин-қизларнинг 7 йилга фоизсиз таълим кредитини олиши ҳақида қарор чиқарганди.

28 сентябрь 2022, 10:16

«Бир киши узоқ муддат президент бўлмаслиги керак» — Тоқаев

«Агар кўп йиллар давомида фақат бир киши энг юқори лавозимни эгаллаб турса, бундай вазият мамлакатни ҳам, унинг раҳбарини ҳам ҳурматли қилмайди», — деди Қозоғистон президенти Қасим-Жомарт Тоқаев. «Биз келажакка ишонч билан қарашимиз, ҳалол ва иқтидорли сиёсатчиларга йўл очишимиз керак», — деди у.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг