Архив

Кеча, 22:07

БМТ глобал йўл ҳаракати хавфсизлиги бўйича биринчи йиғилиш ўтказади

Нью-Йоркда йўл ҳаракати хавфсизлиги бўйича БМТнинг олий даражадаги биринчи йиғилиши бўлиб ўтади. Кўрилаётган чора-тадбирларга қарамай, дунёда бу борадаги вазият ёмонлашмоқда. Йўл ҳаракати хавфсизлигини таъминламасдан туриб, барқарор ривожланишни таъминлаб бўлмайди, деди БМТ ЕИК.

Кеча, 21:09

Каримова билан боғлиқ Гонгконгдаги пентхаус $68,4 млн га қайта сотилган бўлиши мумкин

Гулнора Каримовага тегишли экани тахмин қилинаётган ҳашаматли кўчмас мулк у қамоқдалик вақтида 68,4 млн долларга қайта сотилган бўлиши мумкин, дея хабар қилди Канаданинг The Globe and Mail нашри.

Кеча, 18:53

Қурбон Ҳайити 9 июль — шанба кунига тўғри келади

Ўзбекистон Мусулмонлар идораси 30 июнь пайшанба куни Зулҳижжа ойининг 1-куни эканини маълум қилди. Унга кўра, Қурбон Ҳайити 9 июль — шанба кунига тўғри келади. Ўзбекистонликлар кетма-кет 4 кун дам оладилар.

Кеча, 18:34

Ўзбекистон аҳолисини июль ойида қандай об-ҳаво кутмоқда?

Июнь ойининг охирида баъзи ҳудудларда бу ой учун максимал ҳаво ҳарорати бўйича рекордлар янгиланди. Ўзгидрометнинг хабар беришича, яқин кунларда ҳаво ҳарорати пасаяди. Июль ойида тоғли ҳудудлардан бошқа жойларда ёмғир ёғиш эҳтимоли кам.

Кеча, 18:24

Филиппинда собиқ диктаторнинг ўғли президент сифатида қасамёд қабул қилди

Филиппин собиқ диктаторининг ўғли кичик Фердинанд Маркос мамлакат президенти сифатида қасамёд келтирди. 64 ёшли Маркос сайловолди ташвиқотида оиласининг ўтмишдаги суиистеъмолликларини қоралашдан бош тортди.

Кеча, 18:10

Муштлашув иштирокчилари ҳамда фоҳишахона ташкилотчиларига суд ҳукми ўқилди

Суд Тошкент шаҳар Юнусобод туманида пичоқ қўлланилган октябрь можароси иштирокчилари, шунингдек, Тошкент вилоятида фоҳишахона ташкил этган шахсларга нисбатан ҳукмни ўқиб эшиттирди. Уларнинг икки нафари қамалди, яна икки нафарининг озодлиги чекланди, бир нафари эса озод қилинди.

Кеча, 17:58

«Зарафшон» миллий табиат боғида ёнғин содир бўлди

Жомбой туманидаги «Зарафшон» миллий табиат боғига қарашли ўрмонда ёнғин келиб чиқди. Уни 6 та ёнғин-қутқарув экипажи 2 соатдан кўпроқ вақтда бартараф этди. Ҳодиса оқибатида тан жароҳати олган ва ҳалок бўлганлар йўқлиги айтилди.

Кеча, 16:48

«Ковид ҳеч қаерга йўқолгани йўқ». Коронавируснинг янги тўлқини аввалгиларидан нимаси билан фарқ қилади

2-сонли Зангиота юқумли касалликлар шифохонаси директори Дониёр Миразимов «Газета.uz»га интервьюсида коронавируснинг ҳозирги тўлқини аввалгиларидан нимаси билан фарқланиши, қайси аломатлар касалхонага ётқизишни талаб қилиши ва қандай жойларда ниқоб тақиш тавсия этилиши ҳақида гапирди.

Кеча, 16:33

Йил бошидан бери истеъмолчиларга 180,5 млрд сўм кешбэк тўланди

Солиқ қўмитаси йил бошидан 27 июнга қадар истеъмолчиларга жами 180 млрд сўм кешбэк тўлаб берди. Кешбэк чекларини тақдим этиш бўйича Korzinka, Havas ва Makro савдо дўконлари етакчилик қилмоқда.

Кеча, 16:02

Самарқандда уксус ичган аёл ўз жонига қасд қилиш даражасига етказилган бўлиши мумкин

Самарқандда 29 ёшли аёл уксусдан заҳарланиб, вафот этган ҳолат юзасидан ўзини ўзи ўлдириш даражасига етказиш моддаси билан жиноят иши қўзғатилди. Уни қайнонаси камситиб келгани айтилмоқда. Марҳумадан олдинги келин ҳам ўз жонига қасд қилгани маълум бўлди.

Кеча, 14:56

Тошкент дунёнинг энг арзон шаҳарлари Топ-10 талигидан жой олди

АҚШнинг «Mercer» компанияси дунёнинг энг қиммат ва энг арзон шаҳарлари рейтингини эълон қилди. Унга кўра, Гонконг энг қиммат шаҳар деб топилган бўлса, Анқара эса энг арзон шаҳар дея эътироф этилди. Тошкент эса арзон шаҳарларнинг Топ-10 талигида еттинчи ўринни банд қилди.

Кеча, 14:26

Ўзбекистонлик мерганлар халқаро мусобақада иккинчи ўринни эгаллади

Туркияда 12 давлат ўртасида ўтказилган мерганлик бўйича халқаро мусобақада ўзбекистонлик ҳарбийлар иккинчи ўринни эгаллади. Улар лазерли масофа ўлчагичдан фойдаланмасдан ҳаракатланаётган вертолёт ва қайиқдан туриб нишонларни йўқ қилишди. Турк ҳакамлари Ўзбекистон жамоаси маҳоратини юқори баҳолади.

Кеча, 14:16

«Снос» ортидан мулк эгасига етказилган ноқулайликлар учун ҳам қўшимча тўлов тўланади

Президент ер участкаларини олиб қўйиш тартиб-тамойилларига оид қонунни имзолади. Ҳужжат билан қайси ҳолатлар жамоат эҳтиёжи деб эътироф этилиши ва нималарга компенсация тўланиши белгиланмоқда. Қолаверса, мулк эгасига етказилган ноқулайликлар учун объектнинг 5 фоизи миқдорида қўшимча тўлов тўланади.

Кеча, 12:31

«Энди ҳеч ким осонликча бировнинг уйини „снос“ қила олмайди» — Русланбек Давлетов

Адлия вазири Русланбек Давлетов президент имзолаган ер участкаларини олиб қўйиш тартиб-тамойиллари тўғрисидаги қонун «халқни бир неча йилдан буён қийнаб келган муаммоларга барҳам беришини» таъкидлади. Ҳужжат компенсация турларини белгилаб беради ва 3 млнга яқин уйни бузилишидан суғурталайди.

Кеча, 11:21

Қамоқдан чиққан фуқароларга 9,2 млн сўм ёрдам пули берилади

Ўзбекистонда озодликдан маҳрум этиш жазосини ўтаб бўлган фуқароларга «дастлабки ижтимоий-моддий ёрдам пакети» доирасида 9,2 млн сўм пул берилади. Уни олиш учун эса фуқаро тадбиркорлик, меъморчилик, ҳунармандчилик йўналишларидаги ўз лойиҳасини махсус комиссияга тақдим этиши керак.

Кеча, 10:40

Икки ҳудудда чет эл валютасини ноқонуний тарзда сотишга уринган шахслар ушланди

Тошкент ва Жиззах вилоятларида чет эл валютасини ноқонуний тарзда муомалага киритганликда гумонланган шахслар қўлга олинди. Икки ҳолатда жами 8700 долларни 95 млн сўмга айирбошлашга чек қўйилди. Гумондорларга нисбатан жиноят иши қўзғатилди.

Кеча, 10:34

Президент U23 Осиё кубогининг уч нафар совриндорини мукофотлади

Ўзбекистонда 30 июнь — Ёшлар куни муносабати билан футбол бўйича U23 Осиё кубогининг уч нафар совриндори — Хусаин Норчаев, Ҳожимат Эркинов ва Жасурбек Жалолиддинов «Келажак бунёдкори» медали билан мукофотланди. Қолаверса, боксчи Элнур Абдураимов «Мард ўғлон» мукофоти билан тақдирланди.

Кеча, 10:24

ТИВда маданий ва спорт дипломатиясидан фойдаланадиган бошқармаси ташкил этилди

Ташқи ишлар вазирлиги тизимида «юмшоқ куч» воситалари, жумладан, халқ, маданий ва спорт дипломатиясидан фаол фойдаланадиган бошқарма ташкил этилди. Унга вазир маслаҳатчиси Анвар Абдухалимов раҳбарлик қилади. Бошқарма халқаро фонд ва музейлардан миллий маданий меросларни қайтаришда ҳам иштирок этади.

Кеча, 09:00

Ўзбекистон бўйлаб автосаёҳат: қаерга бориш, нимада юриш ва нималарга тайёргарлик кўриш керак?

Саёҳатчи Тимур Нўмонов «Газета.uz»га Ўзбекистон бўйлаб автосаёҳатга қандай тўғри тайёргарлик кўриш кераклигини айтиб берди. Унинг маслаҳатлари автомобилда саёҳат қилишда қулайлик ва хавфсизликка таъсир қилиши мумкин бўлган асосий хатолардан қочишга ёрдам беради.

Кеча, 08:53

Амазон компанияси ходимаси Шаҳло Ходжаева «Келажак бунёдкори» медали билан тақдирланди

Президент «Газета.uz» нинг «Хориждаги ўзбекистонликлар» лойиҳаси қаҳрамони Шаҳло Ходжаевани «Келажак бунёдкори» медали билан мукофотлади. У АҚШнинг Amazon компаниясида бизнес-таҳлил бўйича муҳандис сифатида фаолият юритади.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг