Архив

Бугун, 19:12

«Ректорнинг дунёқараши вилоят, шаҳар ҳокиминикидан баланд бўлиши керак» — президент

Президент Шавкат Мирзиёев раислигида бўлиб ўтган олий таълимга бағишланган видеоселекторда ректорнинг дунёқараши вилоят, шаҳар ҳокиминикидан баланд бўлиши кераклигини таъкидланди. «Сифат билан шуғулланмаган, „талаба учун мен нима бера оламан“, деган саволга жавоби бўлмаган ректорнинг келажаги йўқ», — дея қўшимча қилди президент. Шунингдек, давлат раҳбари яқин-яқингача давлат олийгоҳлари монополия бўлганига ҳам эътибор қаратди.

Бугун, 17:06

Бухородаги бюджет ташкилотларидан бири деярли 65 млрд сўмлик давлат харидларини тендерсиз амалга оширган

Монополияга қарши кураш қўмитаси «Бухоро йўллардан мунтазам фойдаланиш» унитар корхонаси 2019 йилда 31,4 млрд ва 2020 йилда 33,4 млрд сўмлик давлат харидларини аукцион ва тендерсиз амалга оширганлигини аниқлади.

Бугун, 17:01

Паррандачиларга субсидия ва солиқ имтиёзлари берилади

1 июндан ҚҚС тўловчиси бўлган паррандачилик хўжаликларига — ўз хўжаликларида етиштирилиб, реализация қилинган тухумнинг ҳар бир донаси учун 50 сўм ҳамда парранда гўштининг ҳар бир килограмми учун 1 000 сўм миқдорида республика бюджетидан субсидия ажратилади. Паррандачилар учун уч йил давомида қатор солиқлар, жумладан, даромад ва мол-мулк солиғида камайтирилган ставкалар қўлланилади

Бугун, 16:56

Самарқандда «Минск» хиёбонидаги қурилиш бўйича жиноят иши қўзғатилди

Самарқанддаги «Минск» хиёбонида қурилиш учун ҳужжатлар сохталаштирилганлиги бўйича жиноят иши қўзғатилди. Маҳалла аҳолиси, фаоллар ва депутат хабар қилишича, қурувчи компания уй-жой, болалар боғчаси ва савдо биноларини ноқонуний равишда қурмоқда.

Бугун, 16:30

Долларнинг расмий курси олти кунлик ўсишдан сўнг бироз пасайди

Долларнинг расмий курси 25,56 сўмга пасайди ва жами 10 590,46 сўм этиб белгиланди. Шунингдек, рубль ва евро курслари ҳам бироз пасайди.

Бугун, 16:11

Қашқадарё ҳокими Зойир Мирзаев ёшлар фестивалида мақом куйлади

Қашқадарёнинг Шаҳрисабз шаҳрида 13−15 июнь кунлари ўтказилган ёшлар фестивалида вилоят ҳокими Зойир Мирзаев мақом куйлади. Шунингдек, фестиваль доирасида журналист ва блогерлар мукофотланган.

Бугун, 15:00

Тошкентдаги Webster университетида «Таълим ва инновациялар» соҳасида магистратурага қабул бошланди

2021 йил август ойидан бошлаб Тошкентдаги Webster университети «Таълим ва инновациялар» йўналишида янги бир йиллик магистратура дастурини (MA EDIN) йўлга қўяди.

Бугун, 14:09

Сирдарё вилояти ИИБ раҳбари тайинланди

Шуҳрат Буронов Сирдарё вилояти ички ишлар бошқармаси бошлиғи вазифасига тайинланди. У бундан аввал Самарқанд вилояти ИИБ бошлиғининг биринчи ўринбосари бўлган.

Бугун, 13:43

Жомбойдаги мактаб синфхоналарини таъмирлаган ўқувчилар ота-оналарининг розилиги билан борганлиги айтилди

Самарқанд вилояти Жомбой туманидаги 28-мактабда ўқийдиган ўғил болалар мактабни таъмирлаш ишларига ёрдам бериш учун ота-оналарининг розилиги билан келганлиги айтилди. 5 нафар қиз-ўқувчилар эса якуний давлат имтиҳонларининг баҳоларини билиш мақсадида мактабга келганлиги аниқланган. Вилоят Халқ таълими бошқармаси ўқувчилар ўзи ва ота-оналарининг ихтиёрига зид равишда таъмирлаш ишларига жалб қилинмаганлигини таъкидлади.

Бугун, 12:09

Президент сайловига жами 300 млрд сўм, ҳар бир номзодга эса 3 млрд сўмдан ажратилади

Марказий сайлов комиссияси октябрдаги президент сайлови Харажатлар сметасини — 300 млрд сўм этиб тасдиқлади. Унга кўра, сиёсий партияларнинг ташвиқот ва тарғиботи учун 15 млрд 486 млн сўм, ҳар бир номзодга эса — 3 млрд сўмдан ажратилади. Сайлов жараёнида коронавирусга қарши кураш учун 11,5 млрд сўм сарфлаш режалаштирилган. Харажатлар ҳақида батафсил.

Бугун, 11:29

ТАТУ ректори вазифасини бажарувчиси тайинланди

Бахтиёр Махкамов Тошкент ахборот технологиялари университети ректори вазифасини бажарувчиси этиб тайинланди. Бундан аввал у Электромагнит мослашув маркази раҳбарининг биринчи ўринбосари бўлиб ишлаган.

Бугун, 11:24

Кеча Ўзбекистонда 350 нафар кишида коронавирус касаллиги аниқланиб, 2 нафар бемор вафот этди

Ўзбекистонда коронавирус инфекцияси қайд этилганлар сони 104 минг 463 нафарни ташкил қилмоқда. Шунингдек, сўнгги кун ичида 342 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.

Бугун, 11:07

Айдар-Арнасой кўлида туристик зона ташкил этилади

Айдар-Арнасой кўллар тизими ва Тўдакўл кўлида рекреацион кўллар ҳудуди ташкил этилади. Мазкур ҳудудда экотуристик объектлар, овчилик ва сувда дам олиш ҳудудлари, 1200 ўринга мўлжалланган автотураргоҳ ҳамда савдо ҳудуди қурилади.

Бугун, 09:45

Жиззахда Nexia юк автомобилига урилди. Икки киши вафот этди

Жиззах вилоятида Nexia ва SHACMAN русумли юк автомобили иштирокида тўқнашув содир бўлди. Енгил автомобил ҳайдовчиси ва йўловчиси вафот этди. Яна икки йўловчи касалхонага ётқизилган.

Бугун, 09:28 1

«Янги Ўзбекистоннинг мутлақо янги натижаси бўлди» — Twitter фойдаланувчилари Ўзбекистоннинг Жаҳон чемпионатига чиқа олмагани ҳақида

Ўзбекистон терма жамоаси 2022 йили Қатарда бўлиб ўтадиган Жаҳон чемпионатига чиқа олмади. Вадим Абрамов шогирдлари саралаш ўйинларининг 2-босқичида қолиб кетишди. «Газета.uz» Twitter фойдаланувчиларининг ушбу ҳолат юзасидан билдирган айрим фикр-мулоҳазаларини тақдим этади.

Бугун, 09:16

Халқаро ташкилотлар лойиҳалари давом этиши учун норматив ҳужжат қабул қилиш керак — Танзила Нарбаева

Сенат раиси Танзила Нарбаева Ўзбекистонда халқаро ташкилотлар томонидан амалга ошириладиган лойиҳалар тугаганидан сўнг қилинадиган ишлар тўхтаб қолмаслиги учун норматив-ҳужжатлар қабул қилиш кераклигини таъкидлади. «Бу лойиҳа ютуқларини мамлакатнинг бошқа ҳудудларида ҳам тадбиқ этишга ёрдам беради», — деди у.

Бугун, 01:35

«Мухлисларнинг ишончини оқлай олмаганимиз учун узр сўрайман». Вадим Абрамов Ўзбекистон — Саудия Арабистони ўйини ҳақида

«Футболчиларни психологик тушкунлик ҳолатидан чиқара олмаганим менинг хатойим», — дейди футбол бўйича Ўзбекистон терма жамоаси бош мураббийи Вадим Абрамов Ўзбекистон — Саудия Арабистони учрашувидан кейинги матбуот анжуманида. У мухлисларнинг ишончини оқлолмагани учун узр сўради.

Бугун, 00:58

Ўзбекистон терма жамоаси Саудия Арабистонига ютқазиб, Жаҳон чемпионатидан қуруқ қолди

Футбол бўйича Ўзбекистон миллий терма жамоаси ЖЧ-2022 саралаши доирасидаги Саудия Арабистони терма жамоаси билан бўлиб ўтган ўйинда 3:0 ҳисобида мағлубиятга учради. Учрашувдаги голларга Салман Альфараж ва Али Алҳассан муаллифлик қилишди. 25, 33 ва 52-дақиқада урилган голлар саудияликларга ғалаба келтирди. Шу тариқа Ўзбекистон терма жамоаси 3-саралаш босқичига ўтолмади ва Жаҳон чемпионатидан қуруқ қолди.

Кеча, 23:43

Жаҳон янгиликлари дайжести

Исроилда ниқоб тақиш режимининг бекор қилингани, Жанубий Корея ва КХДР ўртасидаги чегарани роботлар қўриқлаши, Япониядаги мухолифатнинг ҳукуматга ишончсизлик вотумини билдиргани ва бошқа янгиликлар — «Газета.uz»нинг жаҳон янгиликлари дайжестида.

Кеча, 22:07

Янгиқўрғонда тадбиркорнинг қўйлари туман ҳокимлиги биноси томонга ҳайдалди

Наманган вилоятининг Янгиқўрғон туманида маҳаллий тадбиркорга тегишли қўйлар подаси туман ҳокимлиги биноси томонга ҳайдалди. Тадбиркор туман маъмуриятидан талаб қилган ерни ажратмаганидан норози бўлган. Ҳокимлик унга иккита ер майдонини танлашни таклиф қилишганига аниқлик киритди, аммо у таклиф қилинган вариантлардан бош тортган.


"Газета.uz"да рўйхатдан ўтиш

Қўшимча имкониятларга эга булиш учун сайтда рўйхатдан ўтинг