Жанубий Корея парламенти президент Юн Сек Ёлнинг импичментини қўллаб-қувватлади. Унинг лавозимидан четлатилиши учун 204 депутат овоз берди.

300 нафар қонун чиқарувчининг барчаси иштирок этди, 204 нафари «ёқлаб,» 85 нафари «қарши» овоз берди, 3 нафари бетараф қолди, 4 овоз ҳақиқий эмас деб топилди.

Жанубий Корея қонунчилигига кўра, Юн Сок Ёль дарҳол ўз ваколатларини йўқотади ва бош вазир президент вазифасини бажарувчи бўлади.

Иш кўриб чиқиш учун Конституциявий судга юборилади, у ерда суд жараёни олти ойгача чўзилиши мумкин. Кенгашнинг тўққиз аъзосидан олтитаси импичментни қўллаб-қувватласа, президент лавозимидан бутунлай четлатилади.

Агар суд президентни лавозимидан четлатса ёки у истеъфога чиқса, сайлов 60 кун ичида ўтказилиши керак.

«Умид қиламизки, йил охири қувончлироқ бўлади ва барча бекор қилинган байрамлар қайта тикланади», — деди сессия якунида парламент спикери У Вон Сик. «Корея Республикасининг келажаги ва бизнинг умидимиз халқ қўлида», — дея қўшимча қилди у.

Сеулдаги вазият, кўча камераларидан олинган тасвир.Сеулдаги вазият, кўча камераларидан олинган тасвир.

Овоз бериш бошланишидан олдин парламент биноси олдида намойишчилар йиғила бошлади. Президент импичменти ҳақидаги хабарни йиғилганлар шодиёна қичқириқлар ва мушакбозлик билан кутиб олди.

Жанубий Кореядаги президент охирги марта 2016 йилда импичмент натижасида лавозимидан четлатилган эди. Гап Пак Кин Хе ҳақида кетмоқда. Ўша пайтда прокурор лавозимини эгаллаб турган Юн Сок Ёлm терговга раҳбарлик қилган коррупция можароси унинг импичментига сабаб бўлган.

Икки кун аввал Жанубий Корея президенти ҳарбий ҳолат жорий этиш қарори «давлат ишларини нормаллаштириш» учун тўғри ва зарур бўлганини айтганди. У исён кўтаришда айбланиш ва истеъфога чиқишга даъватларни рад этиб, охиригача курашишга ваъда берган эди.

  • 3 декабрь куни кечқурун президент Юн Сок Ёль Жанубий Кореяда ҳарбий ҳолат эълон қилганди. У буни конституциявий тартибни «коммунистик кучлар»дан ҳимоя қилиш зарурати билан изоҳлади. Унинг сўзларига кўра, у бундай чорани мамлакатни инқирозга олиб киришга уринаётган мухолифат ҳаракатлари туфайли қўллаган.
  • Парламент депутатлари президент қарорига қарши чиқиб, уни бекор қилиш учун овоз берди, шундан сўнг президент ўз фармонини қайтариб олишга рози бўлди.
  • 4 декабрь куни мухолифатдаги партиялар парламентга Юн Сок Ёль импичменти бўйича таклиф киритди. Президент импичменти учун парламент депутатларининг 2/3 қисми (жами 300 ўрин) овоз бериши керак.
  • Шунингдек, Жанубий Корея полицияси Юн Сок Ёлни давлатга хиёнатда гумон қилиб, тергов бошлагани маълум бўлди. Кейинчалик президентга мамлакатдан чиқиш тақиқланди.