Озарбайжоннинг Боку шаҳрида таэквондо WT бўйича жаҳон чемпионати якунланди. МОҚ матбуот хизматининг хабарига кўра, ўзбекистонлик спортчилар мусобақани 4 та медаль билан янкулади.
Турнирнинг илк кунида олимпия чемпиони Улуғбек Рашитов бронза медалига эга чиқди. Аёллар ўртасида +73 кг вазн тоифасида кетма-кет 2 бор жаҳон чемпионатининг финалига етиб борган Светлана Осипова бу гал кумуш медаль билан чекланди.
Шунингдек, Феруза Содиқова -62 кг вазн тоифасида қаторасига иккинчи бор бронза медали билан тақдирланди.
Катталар ўртасидаги дунё биринчилигида дебют қилган Омонжон Отажонов -54 кг вазн тоифасида шоҳсупанинг учинчи поғонасидан жой олди.
Эслатиб ўтамиз, 2022 йилда ҳам ўзбекистонлик таэквондочилар Мексикадаги жаҳон чемпионатини 4 та медаль: 1 та олтин, 1 та кумуш ва 2 та бронза билан якунлаганди.
