Тошкент шаҳри Яккасарой тумани Шота Руставели кўчасида 26 март куни Malibu-2 автомобили ЙТҲга учради. Ҳолат юзасидан шаҳар Йўл ҳаракати хавфсизлиги бошқармаси маълумот берди.
Қайд этилишича, Жиноят ишлари бўйича Яккасарой тумани суди қаршисида 2002 йилда туғилган А.Ш. бошқарувидаги Malibu-2 (давлат рақами 01 M 888 JB) автомашинасида руль бошқарувини йўқотиб, йўл четидаги тўсиққа урилган.
Ундаги йўловчи — 2006 йилда туғилган А.А.га шифокорлар томонидан биринчи ёрдам кўрсатилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
