3 март куни Қирғизистон Вазирлар Маҳкамаси пиёз ва саримсоқ экспортига қўйилган тақиқни бекор қилди. Бу ҳақда Қишлоқ хўжалиги вазирлиги хабар бермоқда.
Ўзбекистон ва Қозоғистондан кейин Қирғизистон ҳам 31 январдан пиёз экспортини уч ойга чеклаб қўйган эди. Бироқ чора бир ойдан сал кўпроқ вақт давомида амалда бўлди.
Ekonomist.kg хабарига кўра, февраль ойи охирида Қишлоқ хўжалиги вазирлиги юқоридаги тақиқни бекор қилиш таклифи билан чиққан. Агентлик Қирғизистон фуқаролари ва ташкилотларининг пиёз етиштирувчи талабларини қондирди. Уларнинг фикрича, мамлакатда ички бозордаги талабни қондириш учун етарли маҳсулотлар мавжуд.
Бугунги кунда Қирғизистон аҳолисининг пиёзга бўлган эҳтиёжи ойига 6 минг тоннани ташкил этади. Айни пайтда фермерларда 50 минг тоннага яқин захира мавжуд, бу эса ўз навбатида бу ҳажм аҳолининг 2−2,5 ойлик эҳтиёжини қоплайди, дея таъкидлади нашр.
Пиёз ва бошқа озиқ-овқат маҳсулотлари экспортига чекловлар Қозоғистон, Тожикистон, Эрон ва Ўзбекистон томонидан ҳам киритилган.
Январь ойида Ўзбекистон Қишлоқ хўжалиги вазирлиги очиқ бозорларда сақланаётган пиёз музлаб қолганини тасдиқлаганэди. Унинг нархининг ошишига ёқилғи етишмаслиги сабабли етказиб беришдаги узилишлар ҳам таъсир кўрсатди. Шу муносабат билан унинг экспорти тўрт ойга чекланди.
Январда Ўзбекистонда пиёз нархи 44,7 фоизга, февралда эса 9,8 фоизга (12 ой ичида 3 марта) қимматлашган.
