Хитойнинг Zhejang Loong Airlines Co.Ltd авиакомпанияси Сиань-Тошкент-Сиань йўналиши бўйича парвозларни тикламоқда. Бу ҳақда Маданият ва туризм вазирлиги ахборот хизмати хабар берди.

Қайд этилишича, 2020 йил 23 ноябрдан бошлаб Тошкентдан Сианга чартер парвозлар тўхтатилиб, 4 ҳафта давомида рейслар бўлмаслиги хабар қилинган. Парвозлар бекор қилинишининг сабаби 5 ноябрь куни 11 нафар йўловчида коронавирус инфекцияси аниқланиши бўлган.

10 февралда эса пандемиядан кейинги биринчи парвоз амалга оширилади.

Мунтазам парвозлар Airbus A320 самолётларида ҳафтада бир марта — жума кунлари амалга оширилиши режалаштирилган.

Маълумот учун, Zhejang Loong Airlines Co.Ltd авиакомпаниясининг Сиань-Тошкент-Сиань йўналиши бўйича илк чартер рейси 2019 йилнинг 27 сентябрида амалга оширилган. Ўшанда 173 кишига мўлжалланган Airbus A320 neo самолёти Ислом Каримов номидаги Тошкент халқаро аэропортига келиб қўнган.

Шунингдек, айнан шу авиакомпания ҳамкорлигида Хитойнинг Сиань ва Чэнду каби шаҳарларида Ўзбекистоннинг туристик салоҳияти тарғиб қилинган. 2020 йилнинг 10 январь куни авиакомпания томонидан Ченду-Тошкент-Ченду биринчи чартер рейси йўлга қўйилган.