Ўзбекистоннинг деярли барча вилоят, туман ва шаҳар ҳокимликлари 2023 йилга мўлжалланган бюджетларни солиқ тўловчилар фикрини ҳисобга олмасдан, молиявий ҳужжатларни ўтган йил охирида ёки ҳатто янги йилда қабул қилмасдан тасдиқлади. «Газета.uz» бунда ҳокимликлар қарорлари эълон қилинадиган «E-Qaror» портали ва Норматив-ҳуқуқий ҳужжатлар лойиҳалари муҳокамаси портали маълумотларини ўрганиб чиқди.
Бюджет лойиҳалари жамоатчилик муҳокамасига фақат Андижон шаҳри ва Сирдарё вилояти ҳокимликлари томонидан жойлаштирилди. Бироқ гарчи муҳокама қилиш муддати 4 январгача белгиланган бўлса-да, биринчи ҳудудда бюджет 31 декабрда, иккинчисида эса 30 декабрда тасдиқланиб бўлди.
Қолган ҳокимликлар 2023 йил учун бюджетларни ўтган йил охирида ёки янги йил бошида қабул қилган. Масалан, Самарқанд вилояти ҳокимлиги 29 декабрда, Наманган вилояти 30 декабрда, Тошкент шаҳри халқ депутатлари кенгаши 4 январда мазкур ҳужжатни тасдиқлади.
Ўтган йилларда айрим ҳокимликлар томонидан маҳаллий бюджет лойиҳалари жамоатчилик муҳокамаси учун эълон қилинганди.
Аввалроқ Ўзбекистон парламенти ҳам 2022 йил (қўшимчалар) ва 2023 йилги Давлат бюджети тўғрисидаги қонунларни умумхалқ муҳокамасисиз ва қисқа муддатда қабул қилганди.
