Қорақалпоғистонда ўтказилган «Антитеррор» тозалаш тадбирлари доирасида 18 минг 200 объект ҳамда 89 минг хонадон жамоатчилик фаоллари билан бирга кўздан кечирилди, дея хабар бермоқда ЎзА.
Қорақалпоғистон ички ишлар вазири Бахтияр Торебековнинг маълум қилишича, текширувлар тавомида қидирувда юрган 132 нафар шахс топилиб, ушланган ва тергов бўлимларига топширилган.
Олиб борилган тушунтириш ишлари натижасида фуқаролар ўз ихтиёри билан 344 ов қуроли, 170 ўқ-дориларни ички ишлар органларига топширган. 12 нафар бедарак йўқолган шахс аниқланиб, улар ўз уйларига қайтарилган.
Бундан ташқари, 57 мингдан ортиқ ҳуқуқбузарликлар аниқланиб, айбдорлар тегишли тартибда жавобгарликка тортилган.
