Ўзбекистон Ташқи ишлар вазирлиги ўз баёнотида Афғонистонда аёллар ва қизларнинг давлат ва хусусий олий таълим муассасаларида ўқиши тақиқлангани ҳақидаги хабар юзасидан «чуқур хавотир» билдирди.
«Афғон халқининг тинч ва фаровон келажакни барпо этиш йўлидаги интилишларини қўллаб-қувватлашга қаратилган қатъият белгиси сифатида ушбу қарор қайта кўриб чиқилишига умид қиламиз», — дейилади хабарда.
