«Ўзэнергоинспекция» ва ишчи гуруҳлар томонидан ўтказилган назорат тадбирида Янгийўл туманида жойлашган Spring Kolours Industriy`га қарашли текстиль маҳсулотларини ишлаб чиқарувчи корхонаси ўзбошимчалик билан электр энергиясига тўғридан-тўғри уланган ҳолда фойдаланиб келаётгани аниқланди. Бу ҳақда Энергетика вазирлиги матбуот хизмати хабар берди.
Натижада 2,1 млн кВт-соат ҳисобга олинмаган электр энергияси бўйича 1,4 млрд сўм қайта ҳисоб амалга оширилди.
Ушбу ҳажмдаги электр энергияси ўртача 10,5 мингта хонадоннинг бир ойлик истеъмолини ташкил қилади.
Тадбиркорлик субъектига нисбатан белгиланган тартибда чоралар кўрилди. Электр энергиясидан ноқонуний фойдаланиш ҳолатларини аниқланиш бўйича назорат тадбирлари давом этмоқда.
Аввалроқ, «Ўзэнергоинспекция» томонидан 3 кунда 13 мингдан зиёд хонадоннинг бир ойлик истеъмолига тенг ҳажмдаги электр энергиясидан ноқонуний фойдаланилган ҳолатни аниқланганди. Бунинг натижада энергетика тизимига 1,16 млрд сўм зарар етганди.
