12 декабрь куни пойтахтдаги «Илҳом» театрида рўй берган ёнғинга электр симларининг эскиргани сабабли юзага келган қисқа туташув сабаб бўлган. Ёнғин хавфсизлиги органлари дастлабки экспертиза натижаларига кўра шундай хулосага келди, деб хабар берди театр.

Экспертиза натижалари бўйича далолатнома янги йилдан кейин тақдим этилади, театр маъмурияти ҳужжатни эълон қилинишини билдирди.

Ҳозирда «Илҳом» зарар кўрган кўргазма залини тартибга келтирмоқда, дейилади хабарда.

«Яқин кунларда тиклаш-таъмирлаш ишларини бошлашни режалаштирганмиз. Биз етган зарарнинг қийматини ҳисоблаймиз», — дея таъкидлади театр.

Эслатиб ўтамиз, ёнғин оқибатида театрнинг кўргазма зали жойлашган холлининг 80 квадрат метр майдони зарар кўрган эди. Ўт ўчирувчиларнинг тезкор ҳаракатлари натижасида бинонинг 600 квадрат метр майдон сақлаб қолинди.